втора светска војна – Kurir.mk

Во Атина пронајдена бомба од Втората светска војна

Тале Кристо — Thu, 26 Oct 2023 07:43:27 +0000

Бомба од Втората светска војна, беше пронајдена вчера во населба во јужниот дел на Атина, а денеска, поради планираното деактивирање и од безбедносни причини затворени се улици и евакуирани четири згради, јави дописничката на МИА од Атина. Станува збор за бомба од стар тип со тежина од над 220 килограми, а беше пронајдена за време на извршување градежни работи. Деактивирањето ќе биде претпладнево, евакуирани се четири згради и во прекин е сообраќајот на улиците што се наоѓаат во околина.

Од водите на Охридското езеро извадена бомба од Втората светска војна

Дарко Андоновски — Thu, 30 Mar 2023 09:19:15 +0000

Oд водите на Охридското Езеро, во близина на Градското пристаниште, вчера безбедно е извадена и подигната неексплодирана бомба М-24, која датира од Втората светска војна. Вадењето и транспортирањето на бомбата е извршено од страна на пиротехничари од Дирекцијата за заштита и спасување.

УНХЦР: Војната во Украина предизвика најголем бран бегалци од Втората светска војна

Дарко Андоновски — Sun, 08 Jan 2023 15:24:20 +0000

Агенцијата за бегалци на Обединети нации (УНХЦР) соопшти дека руската инвазија врз Украина предизвикала најголем бран бегалци од Втората светска војна. – Повеќе од 7,9 милиони луѓе ја напуштиле земјата досега, а уште 5,9 милиони се раселени во Украина, изјави претставникот на УНХЦР во Германија, Катарина Лумп. Таа додаде дека поради руската инвазија има 14 милиони бегалци, што е повеќе од една третина од вкупното население на Украина, која има 41 милион жители.

Бајден за Украина го реактивираше законот за воена помош од Втората светска војна

Дарко Андоновски — Tue, 10 May 2022 06:09:28 +0000

Американскиот претседател Џо Бајден потпиша закон со кој се овозможува забрзување на испраќањето воена опрема во Украина, со што повторно се активира законот од Втората светска војна. „Украинците секој ден се борат за своите животи“, рече Бајден во Овалната соба, додавајќи дека „таа борба е скапа, но попуштањето пред агресијата би било уште поскапо“. Потпишаниот документ, „Закон за заем за одбрана на демократијата на Украина од 2022 година“, се заснова на програма од Втората светска војна, чија цел беше да и помогне на Европа да се спротивстави на Хитлер. Тој беше поддржан од речиси сите претставници во Конгресот, освен десетмина од Претставничкиот дом кои гласаа против, се вели во соопштението на Белата куќа. Од почетокот на руската инвазија на Украина, администрацијата на Бајден му испрати на Киев воена помош од околу 3,8 милијарди долари.

Берлин ги забрани руското и украинското знаме на Денот на победата

Дарко Андоновски — Sat, 07 May 2022 11:35:21 +0000

Берлин не сака да дозволи носење украински и руски знамиња на манифестациите за одбележување на годишнината од крајот на Втората светска војна. Властите во Берлин одлучија руските и украинските знамиња да не смеат да се носат во близина на 15 споменици, пишува весникот „Билд“. Амбасадорот на Украина во Германија, Андриј Мелник ги повика властите во Берлин да ја повлечат таа одлука. Тој праша зошто луѓето кои сакаат со знаме да ја изразат својата солидарност со Украина не се заштитат од можна агресија на оние кои би се чувствувале испровоцирани од тие знамиња. Мелник на Твитер порача дека ова е скандалозна одлука која мора да се повлече, наведувајќи дека одлуката претставува шлаканица за Украина и за целиот украински народ. Инаку, со одлуката на берлинската полиција, покрај знамињата на Русија и на Украина, се забранети и симболот „З“, како и униформите и воените песни на руската армија. Од оваа мерка се изземени само ветераните од Втората светска војна, дипломатите и претставниците на делегациите кои ќе присуствуваат на церемониите. Полицијата ќе ги обезбедува собирите со голем број полицајци во униформа и цивилна Ð �блека, како и пријавените протести. Според соопштението на полицијата, утре и в понеделник ќе бидат ангажирани околу 3.400 полицајци за одбележување на годишнината од крајот на Втората светска војна.

Рачна бомба од Втората светска војна најдена во тетовско

Ивана Ефремовски — Tue, 15 Mar 2022 12:48:01 +0000

На 14.03.2022 во 09:40 часот во СВР Тетово, 62-годишниот М.A. од тетовско Одри пријавил дека, изведувајќи градежни работи во стара воденица во селото, пронашол рачна бомба Ф-1, која била корозирана и која најверојатно потекнувала од Втората светска војна. Извршен бил увид, а експолозивното средство било подигнато и транспортирано од претставник на Дирекцијата за заштита и спасување.

Кумановец пронашол неексплодирана минофрлачка граната од Втората светска војна

Ивона Петрова — Mon, 01 Nov 2021 12:43:52 +0000

Кумановец пронашол граната од Втората светска војна, соопшти денеска СВР Куманово. А. М. пријавил во полицијата дека ја пронашол неексплодираната граната во населбата Ајдучка Чешма. – На 30 октомври, годинава во 16:57 во СВР Куманово, А.М. од Куманово пријави дека во населбата „Ајдучка Чешма“, пронашол неексплодирана минофрлачка граната од Втората светска војна со калибар 82 милиметри, соопшти полицијата Екипа од СВР Куманово извршила увид, а гранатата била безбедно подигната од пиротехничар од Дирекцијата за заштита и спасување за понатамошна постапка.

Гранати од Втората светска војна најдени во гостиварско

Ивана Ефремовски — Mon, 15 Mar 2021 15:50:36 +0000

На 14.03.2021 околу 18:00 часот во СВР Тетово, Л.Е.(33) од гостиварска Горна Бањица пријавил дека во руиниран помошен објект пронашол две гранати калибар 82 милиметри, кои најверојатно потекнуваат од Втората светска војна. Увид извршила екипа од Секторот за внатрешни работи Тетово-Одделение за внатрешни работи Гостивар, а гранатите се подигнати и безбедно транспортирани од Дирекцијата за заштита и спасување.

На 100-годишна возраст почина Сер Том Мур, ветеран од втората светската војна откако бил позитивен на коронавирусот

Магдалена Андонова — Tue, 02 Feb 2021 16:40:18 +0000

Капетанот Сер Том Мур, ветеран од втората светска војна, кој собра скоро 39 милиони фунти за NHS добротворни цели за време на првото коронавирус заклучување во пролетта 2020 година, почина на 100-годишна возраст откако беше позитивен на тест за коронавирус. Информацијата за неговата смрт ја потврдија неговите ќерки, Хана и Луси. - Со голема тага ја објавуваме смртта на нашиот драг татко, капетанот сер Том Мур. Ние сме толку благодарни што бевме со него во последните часови од неговиот живот, изјавиле тие. Мур бил примен во болницата во Бедфорд во неделата откако подолго време бил лекуван од пневмонија и минатата недела бил позитивен на тестот за Ковид-19. Во изјавата објавена на страницата на ветеранот на Твитер истиот ден, неговото семејство изјави дека тој бил лекуван дома до недела кога му била потребна дополнителна помош при дишењето.

Смртноста во Велика Британија најголема од Втората светска војна

Тале Кристо — Wed, 13 Jan 2021 08:26:24 +0000

Велика Британија забележа најголем пораст на прекумерни смртни случаи во земјата од 1940 година за време на Втората светска војна. Минатата година во Велика Британија имало околу 697.000 смртни случаи, речиси 91.000 повеќе од предвиденото врз основа на просекот во претходните пет години. Бројката не го опфаќа морталитетот во декември 2020 година, бидејќи податоците се достапни само заклучно со ноември. – Велика Британија има една од највисоките стапки на прекумерна смртност во светот и повеќе смртни случаи на еден милион луѓе отколку повеќето други европски земји или САД, истакна Ричард Мари, генерален директор на здравствената хуманитарна организација Фондот Кингс. Мари порача дека „е потребно да се спроведе јавна истрага за точно да се утврди во што е проблемот за таквата состојба, но грешките се веќе направени“.