втора жртва – Kurir.mk

Уште една жртва од коронавирусот во Хрватска

Тале Кристо — Thu, 26 Mar 2020 14:31:48 +0000

Mаж на возраст од 74 години кој имал хронични болести е втората жртва на коронавирусот во Хрватска, јави дописниот на МИА. Човекот веќе неколку денови бил во критична состојба и приклучен на апарати за дишење. Хрватските здравствени власи објавија дека во земјата од 481 заразени, само 14 лица се наоѓаат на интензивна нега приклучени на респиратори. Од хрватското Министерство за внатрешни работи, пак, информираат дека двајца полицајци се заразени со коронавирусот, поради што 70 други кои биле во контакти со нив се наоѓаат во домашан карантин и се тестирани за вирусот. Полицијата санкционирала и шест граѓани кои не го почитувале карантинот, а против нив ќе биде поднесена и пријава. Инаку, хрватската Влада е задоволна од тоа како државата се справува со коронавирусот, а здравствените власти сметаат дека добро што бројот на заразени не се зголемува нагло.

Втора жртва на Ковид-19 во Франција

Дарко Андоновски — Wed, 26 Feb 2020 13:11:07 +0000

Во Франција почина уште едно лице заразено со новиот коронавирус, соопштија локалните власти. Починал 60-годишен Французин, кој доцна синоќа во многу сериозна состојба бил прегледан во болница во Париз. – За жал, тој почина во текот на ноќта, информира директорот на болницата Жером Саломон. Во Франција со вирусот се заразени 17 лица.

Втора жртва на коронавирусот во Италија

Тале Кристо — Sat, 22 Feb 2020 10:19:42 +0000

Во Италија почина уште едно лице заразено од коронавирусот, соопштија здравствените власти. Втората жртва на ковид-19 во таа земја е жителка на регионот Ломбардија. Првиот починат од коронавирусот беше 77-годишен маж од Падова во регионот Венето. Италија досега има регистрирано 30 заразени случаи од новиот вирус.

24-годишна девојка почина од грип на КАРИЛ

Дарко Андоновски — Thu, 07 Feb 2019 14:03:21 +0000

Втора жртва за само два дена по добиени компликации од сезонскиот грип. 24 годишната девојка со Даунов синдром починала на КАРИЛ по добиените компликации од грипот, објавува Канал 5.

На детската клиника по компликации од грип почина и пет годишно девојче. Вирусот на грип од инфлуенца А во Македонија не беше присутен три години. За епидемиолозите телото кога има вирус на грип важна е неговата кондиција, дали има други заболувања и заради тие компликации состојбата со здравјето може да стане сериозна. За само една недела бројот на болни од грип се зголемил за 50 проценти. Докторите очекуваат дека бројот на болни ќе расте. Лекот тамифлу за лекување на грип го има во доволни количини.