вторник – Kurir.mk

Понеделник и вторник посебен режим на сообраќај во Скопје

Тале Кристо — Sun, 19 Jun 2022 08:04:53 +0000

На 20.06. и 21.06.2022 (понеделник и вторник) во официјална посета на Република Северна Македонија ќе пристигне премиерката на Република Финска, Сана Марин. Од тие причини Одделението за безбедност на патниот сообраќај ќе превземе мерки за посебен режим на сообраќајот по сообраќајниците на поширокото централно подрачје на Скопје. МВР апелира до сите граѓани учесници во сообраќајот да ги почитуваат наредбите кои ќе ги издаваат полициски службеници.

Денеска ставете го ова во џеб за среќа, се празнува Вторник на Духовден

Дарко Андоновски — Tue, 14 Jun 2022 13:11:25 +0000

Верниците го слават Вторник на Педесетница, кој припаѓа на низата празници поврзани со Света Троица, кои започнуваат на денот кога Духот Господов се спушти врз апостолите. Бројни обичаи се поврзани со овој празник. Духови претставуваат и „роденден“ на христијанската црква, а се нарекуваат уште и Тројца, Празник на Тројцата. Тројцата се слават три дена, така што денес е црвена буква на календарот бидејќи се слави Вторник на Духовден. Како и претходните денови, во вторникот на Педесетница, подот во храмовите е покриен со трева, гранките на липа или некое друго дрво се потпираат на ѕидовите, а иконите се украсени со цвеќиња. Овој обичај потекнува од првите христијани, кои, пак, го презедоа од Евреите, кои ги украсија своите места за богослужба и куќи на празникот Педесетница. Тоа ги потсети на времето кога ги примиле Десетте Божји заповеди преку Мојсеј, како и на времето на лутање во пустината, откако избегале од Египет, бидејќи живееле во пустината во колиби направени од гранки и лисја. По светата литургија, се служи вечерната служба, каде што луѓето клекнуваат и ткаат венци од трева и цвеќиња. Овие венци се носат дома и се ставаат покрај иконата и кандилата на ѕидот. Освен ова, многумина венците за среќа и напредок ги ставаат и во џебови, чанти и автомобили, и иако тоа е обичај на понов датум, во суштина ја продолжува старата традиција.

Поради технички зафати утре и во вторник без струја делови од неколку скопски општини

Тале Кристо — Sun, 22 Nov 2020 17:11:10 +0000

Заради технички зафати во дистрибутивната електро мрежа, без електрична енергија ќе останат следните корисници: На ден 23.11.2020 година ( понеделник), -од 08:30 до 15:00 часот, повремени прекини ќе имаат корисниците од дел од ул. Козара. ( Општина Центар ) -Од 09:00 до 11:00 часот и од 12:00 до 14:00 часот, без електрична енергија ќе бидат корисниците од дел од ул. Лука Геров. (Општина Ѓорче Петров) -Од 09:00 до 13:00 часот, дел од с. Зелениково во близина на општината. (Општина Зелениково) -Од 09:00 до 15:00 часот делови од улиците: Индира Ганди и Пелагонија. (Општина Шуто Оризари) На ден 24.11.2020 година (вторник), -Од 08:30 до 12:00 часот, дел од Волково, поточно објектите во околина на фирмите: Гранит и Водостопанство - Вардар. (Општина Ѓорче Петров) -Од 09:00 до 10:00 часот, ул. Исаија Маџоски згради со бр: 29, 32, 34, 36 и 38 како и Детска градинка - Росица. (Општина Ѓорче Петров) -Од 09:00 до 12:00 часот, ул. Борка Талески бр. 26. (Општина Центар) -Од 09:00 до 15:00 часот, дел од корисниците од ул. Митрополит Теодосиј Гологанов, (во близина на објектите со броеви 72 и 74) и делови од улиците: Њуделхиска, Анкарска и Атинска. (Општина Карпош) -Од 10:30 до 11:30 часот, дел од ул. Веле Марков. (Општина Ѓорче Петров) -Од 12:00 до 13:00 часот, ул. Стево Филиповиќ зграда 2 и зграда 4. (Општина Ѓорче Петров) -Од 13:30 до 14:30 часот, делови од улиците: Мраморец и Белишка. (Општина Ѓорче Петров)

Оваа соседна земја од вторник оди во мини карантин

Тале Кристо — Sat, 31 Oct 2020 10:54:46 +0000

По примерот на мерките воведени во Франција и Германија од вторник, во Грција стапуваат во сила нови ограничувања, но не во целата држава, туку во регионите со лоша епидемиолошка слика и зголемен број нови случаи. Грчкиот премиер Киријакос Мицотакис во телевизиска порака до граѓаните за вториот бран на пандемијата, ги соопшти новите мерки за заштита на јавното здравје, а во мини карантин, еден месец влегуваат Северна Грција и областа Атика, јави дописничката на МИА од Атина. Освен полицискиот час од полноќ до 5 часот, се затвораат кафулињата, рестораните, кината, театрите, судовите, археолошките локалитети и музеите, фитнес центрите… Отворени ќе бидат продавниците, фризерските салони, хотелите и училиштата и нема да се забрани движење меѓу регионите.

Чулев: Полициски час од 16 часот во петок до 05 часот во вторник

Тале Кристо — Tue, 14 Apr 2020 12:22:48 +0000

Со огледа на продолжениот викенд за време на празникот Велигден и можноста многу граѓани да се упатат кон своите викендички или станови во туристичките места, министерот за внатрешни работи Наќе Чулев апелира граѓаните да ги организираат своите обврски до 16 часот во петок и притоа внимавајќи навремено да пристигнат до посакуваната дестинација. -Ограничувањето на движењето на граѓаните ќе трае од петок во 16 часот до вторник во 05 часот. Имаме еден пролонгиран викенд заради велигденските празници. Апелирам граѓаните да ги организираат сите свои обврски до 16 часот во петок и притоа внимавајќи навремено да пристигнат на посакуваната дестинација. МВР ќе ги преземе сите неопходни работи и активности со цел непречено одвивање на сообраќајот непосредно до почетокот на полицискиот час, истакна министерот Чулев. На новинарско прашање дека претседателот на општинскиот комитет на ВМРО-ДПМНЕ од Могила, Оливер Ристевски, на 11 април крадел дрва за време на полициски час, министерот Чулев рече дека случајот е евидентиран во билтенот на МВР и оти не сака да навлегува во политичката припадност на лицата кои го сториле настанот. -МВР постапува неселективно кон сите граѓани кои го кршат законот, така и со конкретниот случај, кој што е веќе заведен во полицискиот билтен, за истиот случај е информирана и јавноста, потенцира Чулев.

Катица Јанева во вторник на распит кај Рускоска за „Рекет“

Дарко Андоновски — Sat, 21 Sep 2019 07:03:30 +0000

Катица Јанева во вторник ќе дава исказ кај обвинителката Вилма Русковска за преметот „Рекет“, соопшти нејзината адвокатка Ирена Фрчковска во вечерашното гостување во емисијата 360 Степени. Ова ќе биде прв исказ на Јанева како осомничена, бидејќи првиот пат даваше исказ во својство на сведок. Нејзината адвокатка рече дека таа е во лоша здравствена состојба, дека има прболем со хронични болести и дека не се чувствува добро поради ситуацијата во која е.

Вторник неработен ден за сите граѓани на Република Македонија

Дарко Андоновски — Tue, 16 Oct 2018 19:51:05 +0000

Денот на македонската револуционерна борба – 23 Октомври е неработен ден за сите граѓани на Република Македонија. Министерството за труд и социјална политика соопшти дека 23 Октомври е неработен согласно Законот за празниците на Република Македонија.