вук јеремиќ – Kurir.mk

Вук Јеремиќ доби забрана за влез во Косово

Ивона Петрова — Sat, 05 Nov 2022 20:13:24 +0000

Претседателот на Народната партија, Вук Јеремиќ доби забрана за влез во Косово од страна приштинските власти. Тој требаше да присуствува на собранието на покраинскиот одбор на партијата. Како што се наведува во соопштението, возилото во кое се наоѓал Јеремиќ било запрено и задржано повеќе од два часа, по што му била врачена забрана за влез. По овој повод се огласила и министерката за надворешни работи, Доника Гервала Шварц која потврдила дека министерството го спречило Јеремиќ да влезе во Косово, споредувајќи ја неговата политика со политиката на рускиот претседател Владимир Путин.

Јеремиќ: Разграничувањето меѓу Косово и Србија во 2019 година

Ивона Петрова — Sun, 21 Oct 2018 14:23:21 +0000

Претседателот на српската опозициска „Народна странка“ Вук Јеремиќ, тврди дека претседателот Александар Вучиќ ги забрзува преговорите за разграничувањето и дека договорот меѓу него и косовскиот претседател Хашим Тачи треба да биде објавен во првите четири месеци од 2019 година. – Разграничувањето значи дека од онаа страна на границата ќе останат 90 отсто од територијата на автономната покраина Косово и уште делови од јужна Србија или она што Албанците го нарекуваат Прешевска долина, изјави Јеремиќ на Главниот одбор на својата партија во Белград, по повод годишнината од работатата. Тој оцени дека Косово ќе стане полноправна членка на ОН, како Србија денес и дека нема да има ниту една пречка во меѓународното право да се обедини со Албанија. – Кога говорам за Голема Албанија, не говорам на памет, додаде Јеремиќ. Тој предупреди дека Србија би можела да се соочи со нови територијални барања доколку се согласи, денес во мир, да „ги прецрта своите граници“. Вучиќ за ова е свесен, но неговата визија за Србија е проколната авлија, смета Јеремиќ, кој за својот политички конкурент рече дека е во кавга со „моралот и со разумот.“ Тој оцени дека состојбата во Србија е се полоша и дека 70.000 работноспособни граѓани годишно ја напуштаат земјата, бидејќи ја имаат загубено секоја надеж. МИА

Јеремиќ: Вучиќ планира референдум за Косово во ноември

Даниел Василев — Sun, 29 Jul 2018 11:36:41 +0000

Српскиот опозициски политичар Вук Јеремиќ денеска го обвини претседателот Александар Вучиќ дека планира референдум за статусот на Косово, кој би се одржал паралелно со предвремени парламентарни избори. Според Јеремиќ, референдумот би бил поврзан со барањето Косово да добие членство во Обединетите нации. Јеремиќ е дел од кампањата за собирање потписи низ Србија со која граѓаните се изјаснуваат против можноста Србија да го дозволи приемот на Косово во ОН. МИА

По 12 години тешка борба и болни неуспеси: Српскиот политичар и славната водителка станаа родители (ФОТО)

Ивана Ефремовски — Wed, 02 May 2018 07:43:25 +0000

Поранешниот министер за надворешни работи на Србија и претседател на Народната партија, Вук Јеремиќ и неговата сопруга Наташа, некогашна водителка и уредничка на Дневникот на РТС, станаа родители во понеделник вечерта на едно девојче. Двојката по повеќе од една деценија борба за потомство ја дочека ќеркичката Софија. -По 12 години борба и безброј болни неуспеси, на свет дојде Софија Јеремиќ. За роденден го избра денот на нашата венчавка, напишаа среќните родители на своите профили на социјалните мрежи.

Posle dvanaest godina borbe i bezbroj bolnih neuspeha, na svet je došla Sofija Jeremić. Za rođendan je izabrala dan našeg venčanja. ?‍?‍? #apr29 #sreca #ljubav #porodica #natasa #cerka #sofija

A post shared by Вук Јеремић (@jeremic_vuk) on May 1, 2018 at 1:53pm PDT

Вук Јеремиќ: Вучиќ им го вети Косово на Американците

Ивана Ефремовски — Tue, 17 Apr 2018 13:14:02 +0000

Поранешнот српски министер з анадворешни работи и актуелен лидер на опозициската Народна партија (НС), Вук Јеремиќ, тврди дека претседателот на Србија, Александар Вучиќ „им го ветил Косово на Американците“, но оти има проблем како да го исполни тоа ветување. На трибината во Нови Сад, како што јави дописникот на МИА, Јеремиќ изјави дека на Вучиќ единствено не му одговара барањето на Американците да му дозволи на Косово место во ОН. - Американците бараат од Вучиќ да го внесе Косово во ОН и да го потпише т.н. договор за сеопфатна нормализација на односите со Приштина, а го притискаат и да побара од Русија да не го блокира сето тоа во Советот за безбедност на ОН, изјави Јеремиќ. Според наго, Вучиќ се обидел да понуди размена на територии, но таквата понуда била одбиена затоа што наводно веќе ветил да го внесе Косово во ОН. (МИА)