Вуко Борозан – Kurir.mk

Вуко Борозан повторно се враќа во Катар

Бошко Тасиќ — Sat, 06 May 2023 05:04:02 +0000

Црногорскиот ракометен репрезентативец Вуко Борозан, сепак нема да заигра за хрватскиот шампион Загреб како што најавуваа медиуми од оваа земја. Некогашниот ракометар на Вардар до крајот на сезоната ќе ги брани боите на катарскиот тим Ал Ахли Катар. Борозан минатото лето потпиша за Загреб и не заигра на официјален натпревар за „плинарите“, по што доби отказ. Црногорецот кој потекнува од Ловќен Цетиње, ги бранеше боите на Карловац, Либек, Металург, Вардар, Веспрем и Ал Араби.

Вуко Борозан се враќа во ППД Загреб

Бошко Тасиќ — Thu, 16 Mar 2023 05:47:06 +0000

Хрватскиот тим ППД Загреб подготви одговор за трансферот на Мануел Штрлек во Нексе и ќе го врати во своите редови црногорскиот бек Вуко Борозан. Некогашниот ракометар на Вардар беше дел од „плинарите“ минатата година, но не одигра ниту минута затоа што неговиот договор беше раскинат. Сепак, 29-годишниот лев бек ќе добие нова шанса во ППД Загреб и ќе биде главен адут во битката за титулата. Црногорецот низ кариерата покрај за Вардар играше и за Ал-Араби, Веспрем ,Либек,Металург и Карловац.

Борозан замина и од Загреб

Бошко Тасиќ — Wed, 07 Sep 2022 05:25:52 +0000

Црногорскиот ракометар Вуко Борозан потпиша за Загреб ова лето, но неговата кариера во хрватскиот состав траеше кратко, бидејќи денеска беше отпуштен. Загрепчани го раскинаа договорот со Црногорецот поради тоа што не успеал да ги исполни професионалните обврски односно физички да се подготови за сезоната. „Загреб го раскинува договорот со ракометарот Вуко Борозан. До раскинот на договорот дојде, бидејќи играчот не беше во можност да ги исполни своите обврски од договорот, односно бидејќи беше во можност адекватно да се подготви за новата сезона за време на подготовките. Раскинот стапи на сила од денеска, вторник 6 септември, На Вуко Борозан му посакуваме сè најдобро во понатамошниот дел од кариерата“, се вели во соопштението на хрватскиот шампион.

Вуко Борозан две години во дресот на Загреб

Бошко Тасиќ — Sat, 04 Jun 2022 06:32:17 +0000

Хрватскиот шампион ППД Загреб го донесе своето прво вистинско засилување за наредната сезона. Во Загреб пристигнува црногорскиот лев бек Вуко Борозан. Потписот со “плинарите” ќе значи европски кам бек за Борозан откако изминатава сезона ја помина на блискиот исток во катарски Ал Ахли. Искусниот интернационалец треба да донесе сигурност и стабилност во играта на Загреб наредната сезона откако клубот го напуштија неколку звучни имиња, а меѓу нив Сандро Обрановиќ (Кадетен), Вистороп, Мандиќ и Ивиќ. По недоразбирањето со управата на “црвено-црните”, во мај 2019 не се качи на авионот за Брест кој го одведе Вардар до нова СЕХА титула и го напушти Скопје само неколку недели пред Вардар да го освои вториот шампионски пехар во Келн. Потоа неколку сезони играше за унгарски Веспрем пред да замине на Блискиот исток.

ППД Загреб договори големо засилување, доаѓа Вуко Борозан!

Ристе Здравков — Fri, 03 Jun 2022 07:02:03 +0000

Хрватскиот ракометен шампион ППД Загреб договори големо засилување за следната сезона. Дресот на „плинарите“ ќе го носи Вуко Борозан, еден од најдобрите ракометари на Црна Гора. Искусниот бек шутер во своето „SV“ има бројни настапи на големи натпреварувања, а со Вардар во 2017 година го забележа најголемиот успех во кариерата, освојувајќи ја Лигата на шампионите. Во ППД Загреб одново ќе соработува со легендарното хрватско крило Иван Чупиќ, кое исто така беше дел од историската титула на Вардар пред пет години. Борозан во својата кариера пред осум години веќе настапуваше за хрватски клуб - Карловац. Од Карловац замина во Металург, кај Лино Червар, а две сезони помина во германската Либек. Во Вардар играше три сезони пред да се пресели во Веспрем во 2019 година, каде се задржа две сезони. Последен клуб во кој настапуваше пред да дојде во ППД Загреб е Ал Араби од Катар. За црногорската репрезентација одигра 28 натпревари и постигна дури 93 гола. Покрај Борозан хрватскиот шампион досега го засилија уште Кос од Извиѓач, Милиќ од Нант и Пањтар од Горење. Засега тимот го напуштија голманот Ивиќ, Матановиќ, Вистороп и Мандиќ. На Шипиќ му истече договорот, но тој сè уште нема клуб.

Вуко Борозан се пресели во Катар

Бошко Тасиќ — Sun, 15 Aug 2021 17:21:19 +0000

Црногорскиот ракометар Вуко Борозан го напушта европскиот ракомет и патува во арапскиот свет. Нов предизвик во кариерата на левиот бек од Црна Гора е Ал Араби, еден од најдобрите тимови во Катар, каде се очекува да биде прва ѕвезда во составот кој секоја сезона се бори за титулата во домашниот шампионат. 27-годишниот Борозан по заминувањето од Вардар, не се прослави ниту во унгарскиот гигант, затоа што одново влезе во конфликт со управата и доби „црвен картон“.

Чао, Вардар те чека во „Јане Сандански“: Борозан и официјално потпиша за Веспрем

Дарко Андоновски — Wed, 12 Jun 2019 10:13:58 +0000

Вуко Борозан и официјално потпиша за Веспрем, оваа информација ја потврди унгарскиот тим. Челниците на клубот му понудија двегодишен договор со можност за продолжување на уште една година. Црногорскиот бек го направи најлошиот потег во неговата кариера, наместо да остане со Вардар, тој пред четвртфиналниот дуел со Пик Сегед си ги собра парталите поради долгувањата од страна на челниците. Македонскиот првак процвета без него, не само што се пласираше во полуфиналето, туку и се искачи на тронот во Европа. На Борозан може да му порачаме дека го чекаме во СЦ „Јане Сандански“….

Борозан ќе паузира два месеца, Оцвирк ќе добие шанса

Ивона Петрова — Thu, 22 Nov 2018 17:40:00 +0000

Левиот бек на Вардар, Вуко Борозан денеска имаше операција на коленото. Со цел побрзо да биде подготвен за вториот дел од сезоната, Црногорецот мораше да се подложи на хируршки зафат. – Операцијата мина добро. Им благодарам на сите што се грижеа за мене и моето здравје. Следува пауза од два месеца, вели Борозан, цитиран од клупскиот сајт. Екипата на Вардар викендов треба да игра меч од Лигата на шампионите против Мешков Брест во Белорусија. На местото на Вуко Борозан за Брест отпатува Словенецот Грегор Оцвирк. Покрај мечот со Мешков за „црвено-црните“ останува и домашниот меч во ЛШ против Кјелце на 1 декември, и плус уште пет средби од СЕХА лигата. Вардарци имаат домашни средби со Извиѓач и Татран и гостувањата кај Металург, Железничар и Стеауа.

ВИДЕО: „Проектилот“ на Борозан се најде во топ 5 најдобри во ЛШ

Предраг Кукиќ — Mon, 19 Nov 2018 10:27:57 +0000

Ракометарот на Вардар, Вуко Борозан го има четвртиот најубав гол во 8.коло од Лигата на шампионите. Иако Вардар беше поразен на гостувањето кај Барселона со осум голови разлика (34:26), сепак, Вуко Борозан се најде во изборот на ЕХФ за ТОП-5 најубави голови во оваа рунда. Борозан средбата ја заврши со три постигнати гола, а овој е на четвртото место на ТОП-5 листана. Од истиот меч, на второто место на листата се најде погодокот на Арон Палмарсон, додека најубавиот гол во изминатото коло го постигна ракометарот на ПСЖ, Уве Генсхајмер. Најдобрите 5 голови од 8-та рунда во Лигата на шампионите можете да ги погледнете тука.

ЕХФ ги избра најдобрите: Меѓу нив има и еден вардарец (ВИДЕО)

Матеја Петровски — Mon, 30 Apr 2018 08:45:04 +0000

Вардар успеа да се пласира на фајнл-фор турнирот во Лигата на шампионите во Келн, откако вчера успеа да доживее сладок пораз од 27:28 на домашен терен од Кил, што беше доволно откако во „Шпаркасен Арената“ претходно победија со 28:29, па поради повеќе постигнати голови на гостински терен се радуваа вардарци. Како и секогаш, ЕХФ повторно избра тим на колото, а во него имаше место за еден вардарец, тоа е Црногорецот Вуко Борозан. Тој вчера со шест голови беше најдобар стрелец против Германците, а головите може да се каже дека беа постигнувани во клучни моменти. Најдобрите од вторите четвртфинални натпревари можете да ги видите ТУКА Покрај тоа што беше во тимот на колот, за експлозивниот бек на Вардар имаше место и во категоријата најубави голови, неговиот силен удар кон голот на Ландин се најде на второто место. ТУКА можете да ги погледнете петте најубави голови. ФОТО: РК Вардар