вулкан Килауеа – Kurir.mk

ФОТО: Нова ерупција на Хаваи – за еден час лавата зафати површина колку шест фудбалски терени

Даниел Василев — Thu, 31 May 2018 08:07:02 +0000

Нова ерупција на вулканот Килауеа. Наложена е итна евакуација во две населби на островот Хаваи. Лацата во текот на ноќта се ширеше доволно брзо што за еден час прекри површина со големина на шест фудбалски терени, соопштува Американскиот геолошки институт. Во средата е забележано неколку помали земјотреси, како и ерупција на вулканот, кога беа исфрлени облак од пепел и камења, илјадници метри во висина.

Evacuations urged in Hawaii as lava flow advanceshttps://t.co/83kfQlJ8dZ ? A man takes photos of lava flowing past a house in Kilauea's East Rift Zone pic.twitter.com/Pak1Q6AeFt
— AFP news agency (@AFP) May 31, 2018

Хавајскиот вулкан Килауеа почна да ослободува метан – можна е експлозија

Даниел Василев — Thu, 24 May 2018 08:46:19 +0000

Од вулканот Килауеа на Хаваите почна да излегува син пламен, што, според научниците, е резулатат на ослободување на метан од кратерот, од кој и натаму излегува лава. Научници од Американскиот геолошки институт наведуваат дека метанот може да предизвика експлозија, доколку се запали додека се уште се наоѓа под земјата. Тие додаваат дека сините пламени јазици од метанот може да достигнат висина и до неколку метри. Вулканот Килауеа еруприраше пред десетина дена. МИА

ВО ЖИВО: Вулканот Киалуеа исфрла лава

Даниел Василев — Tue, 22 May 2018 13:00:07 +0000

Американската телевизија Си-Ен-Ен во живо пренесува видео од ерупција на вулканот Килауеа на островот Хаваи. Вулканот во изминатите недели беше активен, по што евакуирани беа жителите во околните села

Хаваи: Вулканската лава во океанот создава гасови опасни по здравјето

Ивона Петрова — Mon, 21 May 2018 07:45:29 +0000

Вулканот Килауеа на Хаваите станува се поопасен, откако реки течна лава се слеаја во водите на Тихиот Океан, а растопените камења продолжуваат да нанесуваат штета на Големиот Остров. Локалните власти предупредија дека вулканската лава која влегува во океанот претставува опасност за белите дробови, кожата и очите. Тоа се случува поради тоа што при влегувањето на лавата во морската вода се ослободува хлороводородна киселина и пареа полна со фини честички стакло. Килауеа веќе две недели ослободува опасни гасови во околината на вулканот, а текот на лавата уништи многу домови и го принуди локалното население на евакуација. Научниците појаснија дека во саботата дошло до спојување на нова и повеќедецениска стара вулканска магма, што создало пожешка и потечна лава, која во широк тек се движи со брзина од околу 300 метри на час. МИА

Хаваи: Ерупцијата на вулканот не престанува, уништени куќи

Даниел Василев — Mon, 07 May 2018 15:26:57 +0000

Во ерупцијата на вулканот Килауеа на Хаваите уништени се 26 куќи, а околу 1.700 евакуирани жители се уште не знаат колку долго ќе бидат раселени. Официјален Хаваи соопшти дека лавата уништила уште четири згради во неделата. На евакуираните жители им е дозволено секој ден на кратко да отидат до своите домови за да земат неопходни залихи, а службениците потврдуваат дека така ќе можат да прават секој ден, се додека подрачјето е безбедно за пристап. Лавата од вулканот се прошири на околу 36.000 квадратни метри, а иако се движи бавно и се уште не се знае до кога и колку таа ќе се шири. Од Геолошко топографскиот институт на Соединетите Американски Држави соопштуваат дека во системот на вулканот има уште магма и оти ерупцијата ќе трае се додека таа лава не излезе на површината. Според податоците на американскиот Црвен крст, во засолниште во саботата биле 250 луѓе и 90 домашни миленици. Вулканот Килауеа е еден од најактивните вулкани во светот. Неговата ерупција трае од 1983 година, а лавата овој пат се спушти до најнаселените подрачја. Вулканот во 1990 година за малку ќе го уништеше градот Калапан, каде текот на лавата покри голем дел од градот.

По ерупцијата на вулканот Килауеа, серија силни потреси на Хаваи

Даниел Василев — Sat, 05 May 2018 07:05:01 +0000

На Големиот Остров на американската сојузна држава Хаваи, денеска дојде до серија силни потреси, од кои еден беше со 6,9 степени според Рихтеровата скала, што принуди стотици жители на евакуација. Во претходните денови на островот дојде и до ерпуција на вулканот Килауеа, кој исфрли лава во блиската станбена населба, но исфрлаше и розов пепел и отровни гасови. Засега нема податоци за повредени во последната серија земјотреси. Американскиот геофизички институт соопшти дека земјотрес со толкава јачина може да нанесе сериозни материјални штети. Тихоокеанскиот центар за предупредување од цунами истакна дека и покрај зголемувањето на нивото на водата крај островот за 40 сантиметри, нема опасност од цунами. Килауеа, еден од најактивните вулкани во светот и еден од петте на островот, е постојано активен во последните 35 години. Последната ерупција почна во четвртокот и продолжи влера, принудувајќи две области, со околу 1.700 жители да се евакуираат. Гувернерот на Хаваи Дејвид Иге прогласи вонредна состојба со цел да се деблокираат дополнителни средства. МИА

Евакуација на Хаваи: Еруптираше вулканот Килауеа

Даниел Василев — Fri, 04 May 2018 07:47:16 +0000

Властите на Хаваите наредиле евакуација на жителите поради ерупција на вулканот Килауеа по 250 потреси во 24 часа. Вукланот исфрлал лава во близина на резиденцијалниот дел на островот, што беше главна причина за евакуацијата. Властите соопштија дека лавата избила во близина на градот Пахоа и оти се евакуира целото население на Лејлани естејтс, каде што живеат 1.500 луѓе. Ерупцијата уследи неколку дена по рушењето на кратерот во источниот дел на вулканот. Наредена е и евакуација на местото Пуна каде што живеат околу 10.000 луѓе, откако властите забележале пареја и лава во тоа подрачје. Американскиот геолошки институт соопшти дека во четвртокот се забележани нови пукнатини околу вулканот.