вулкан тал – Kurir.mk

Илјадници лица се евакуирани, вулканот Тал еруптираше пепел и пареа

Ивана Ефремовски — Sat, 26 Mar 2022 15:24:14 +0000

Илјадници луѓе на Филипините денеска мораа да ги напуштат своите домови поради ерупција на вулкан кој исфрли пепел и пареа на височина од неколку стотини метри. Ерупцијата на вулканот Тал, кој се наоѓа во среде езерото Тал јужно од Манила, започна во 7.22 часот по локално време, соопшти Филипинскиот институт за вулканологија и сеизмологија. Институтот предупреди дека се можни дополнителни ерупции и дека вулканот освен пепел и пареа може да испушта опасен гас, а можно е и цунами. Се препорачува евакуација на населението во близина на езерото, каде има пет села во кои живеат околу 12.000 жители. Вулканот Тал е еден од најактивните вулкани на Филипините, а се наоѓа на островот Лузон. Пристапот до вулканот во средината на езерото Тал е забранет од јануари 2020 година бидејќи исфрли лава врз десетици куќи. Во ерупцијата загина добиток, а тогаш беа раселени неколку илјади луѓе. (МИА)

Двајца починати, 82.000 бегаат од ерупцијата на филипинскиот вулкан Тал

Ивона Петрова — Wed, 15 Jan 2020 09:15:54 +0000

Две лица починале од срцев удар додека бегале од ерупцијата на вулканот Тал, во непосредна близина на филипинската престолнина Манила, каде се дислоцирани речиси 82.000 лица, сооштија денеска локалните власти, јави ДПА. Вулканот Тал во провинцијата Батангас, што се наоѓа на 66 километри јужно од Манила, и е на средина од езерото со исто име, во неделата почна повремено да исфрла пепел. Жртви, според ДПА, се 65-годишна жена и 27-годишен маж од градовите Талисеј и Тал во Батангас, сооопшти регионалната канцеларија за намалување ризиците од природни катстрофи. Жената во понеделникот доживала срцев удар, додека мажот починал вчера, додаде канцеларијата. Полицијата претходно соопшти дека возач на камион умрел во понеделникот во блиската провинција Лагуна откако ја загубил контролата врз возилото заради слабата видливост од пепелта на вулканот. Жителите се евакуирани од градовите во Батангас и блиската провинција Кавита, но некои мажи останале да ги чуваат нивните имоти и добиток. Тимови за итни случаи, вклучително и полиција и војници, денеска беа распоредени за да обезбедат сите да си заминат од подрачјата со висок ризик, токму поради извештаите дека некои лица ги избегнале официјалните совети и се вратиле дома откако престојувале во центрите за евакуација. „Треба да ја спроведеме наредбата за евакуација и да ги обесхрабриме луѓето да се враќаат затоа што тоа е многу опасно“, изјави Марк Левисте, заменик-гувернер на провинциите Батангас, пренесе ДПА.

Евакуација на речиси половина милион луѓе поради ерупција на вулканот Тал

Ивона Петрова — Mon, 13 Jan 2020 10:55:26 +0000

Филипинските власти наредија целосна евакуација на речиси половина милиони луѓе откако вулканот Тал почна да исфрала лава. Филипинскиот институт за вулканологија соопшти дека вулканот Тал утрово почна да исфрла лава откако вчера исфрли пепел. Директорот на Институтот, Ренато Солидум истакна дека се уште нема знаци за разорна ерупција, но сепак го зголеми нивото на тревога од три на четири од максималните пет. Вулканот Тал вчера исфрли пепел еден километар во височина, а во околината регистрирани се 75 помали земјотреси, од кои 32 се рангирани како земјотреси од втор ред. Во регионот на вулканот живеат околу 450.000 луѓе, а поради последните активности евакуирани се 8.000 жители кои се сместени во најмалку 38 центри за евакуација. Поради активноста на вулканот затворен меѓународниот аеродром во Манила, а претседателот Родриго Дутерте ја стопира работата на Владата и нареди затворање на сите училишта во главниот град на Филипини. Тал се наоѓа околу 70 километри јужно од Манила и е комплексен вулкан, што значи дека нема еден отвор или конус, туку неколку точки на ерупција, кои се менуваа со текот на времето. Вулканот Тал го сметаат за опасен бидејќи има „вулкан внатре вулканот“. Во претходните 500 години Тал еруптираше повеќе од 30 пати, а последниот пат во 1977 година. За ерупцијата во 1911 година страдаа 1.500 луѓе.

Вулканот Тал почна да исфрла лава

Ивона Петрова — Mon, 13 Jan 2020 07:28:44 +0000

Вулканот Тал утрово почна да исфрла лава, соопшти Филипинскиот институт за вулканологија. Директорот на Институтот, Ренато Солидум истакна дека се уште нема знаци за разорна ерупција, но сепак го зголеми нивото на тревога од три на четири од максималните пет. Вулканот Тал вчера исфрли пепел еден километар во височина, а во околината регистрирани се 75 помали земјотреси, од кои 32 се рангирани како земјотреси од втор ред. Во регионот на вулканот живеат околу 450.000 луѓе, а поради последните активности евакуирани се 8.000 жители кои се сместени во најмалку 38 центри за евакуација. Поради активноста на вулканот затворен меѓународниот аеродром во Манила, а претседателот Родриго Дутерте ја стопира работата на Владата и нареди затворање на сите училишта во главниот град на Филипини. Тал се наоѓа околу 70 километри јужно од Манила и е комплексен вулкан, што значи дека нема еден отвор или конус, туку неколку точки на ерупција, кои се менуваа со текот на времето. Вулканот Тал го сметаат за опасен бидејќи има „вулкан внатре вулканот“. Во претходните 500 години Тал еруптираше повеќе од 30 пати, а последниот пат во 1977 година. За ерупцијата во 1911 година страдаа 1.500 луѓе.