ВМРО-ДПМНЕ: Кои конкретни мерки ги презема Вулнет Селими при посетата на поликлиниката Драчево?

Ивана Ефремовски — Tue, 25 Apr 2023 12:35:49 +0000

Кои конкретни мерки ги презема новиот организациски директор на Здравствениот дом – Скопје, Вулнет Селими при посетата на поликлиниката Драчево, кои се од интерес како на пациентите, така и за здравствените работници во однос на протекувањето на кровот на поликлиника Драчево 6 години по ред, прашуваат од Комисијата за здравство на ВМРО-ДПМНЕ, откако поликлиниката последните дена беше актуелна во јавноста по веста дека вработените ќе добијат санкции зошто со гласна музика испраќале колега во пензија. Во продолжение следува нивното соопштение Дали Селими заедно со медицинскиот директор Виктор Исјановски при посетата на поликлиника Драчево разговараа и имаат план и дали се обезбедени средства за решавање на овој проблем? Зошто ртг ал апаратот не е пуштен во употреба веќе 3 години со оглед дека РТГ кабинетот не е во функција во поликлиника Драчево? Дали Селими и Исјановски можеби при посетата во поликлиника Драчево вооошто се сетија на овој проблем на пациентите со оглед дека жителите на Драчево и околните места се принудени оваа здравствена услуга да ја добијат во поликлиниката Јане Сандански, односно подалеку од своето место на живеење? Дали директорите Селими и Исјановски при посетата на поликлиниката Драчево можеби најдоа решение за затворената специјалистичка служба, зошто нема психијатар, зошто не се обезбедуваат здравствени услуги од областа интерна медицина, ОРЛ, очно и слично? Зошто уште е затворен пунктот на Итната медицинска помош и дали Селими и Исјановски имаат план за решавање на овој проблем? Зошто вакцинацијата не се организира во две смени, туку само во прва смена ако се земе во предвид дека податоците говорат дека Македонија е држава која се наоѓа на дното по бројот на деца кои не примиле нитуедна вакцина од раѓање? За овие и многу други прашања од фунционирањето на Здравствениот дом Скопје бараме конкретни одговори од Селими и Исјановски и ги охрабруваме да продолжат уште поенергично да ги посетуваат и останатите поликлиники со цел да се решаваат проблемите на пациентите, но и здравствените работници.

Вработените во поликлиника Драчево пуштале прегласна музика, директорот најави казни

Ивана Ефремовски — Mon, 24 Apr 2023 12:03:23 +0000

Директорот на Домот за јавно здравје - Скопје, Вулнет Селими, во статус на Фејсбук најави санкции за одговорните поради пуштање на прегласна музика во поликлиниката во Драчево. Во Поликлиниката во Драчево во Скопје не се почитувал редот и мирот на работното место, бидејќи вработените на неконтролиран начин пуштиле да се слуша музика низ сите ходници на поликлиниката со што биле вознемирени пациентите. На ова реагираше и директорот на Домот за јавно здравје во Скопје, Вулнет Селими, кој преку статус на Фејсбук рече дека ќе се преземат мерки за вработените, а негова информација е дека се работело за веселба поради испраќање на некое од службените лица во пензија. „По објавувањето на видео снимка од внатрешноста на поликлиниката Драчево, на која се слушаа песни со исклучително висок глас, што е надвор од секоја етика и прописи, пред неколку моменти ја посетив оваа поликлиника. Одговорниот лекар ми потврди дека таа сцена се случила минатиот четврток, оправдувајќи ја по повод пензионирањето на вработен на Клиниката, што и според него е над нормалното. За овој пропуст ќе бидат преземени дисциплински мерки и против управителот на клиниката и против дежурниот лекар одговорен на денот кога се случила оваа сцена. Ваквите сцени не можат да се толерираат во амбиенти каде што луѓето одат да ја добиваат потребната медицинска помош“, објави Селими.

Вулнет Селими – Kurir.mk

ВМРО-ДПМНЕ: Кои конкретни мерки ги презема Вулнет Селими при посетата на поликлиниката Драчево?

Вработените во поликлиника Драчево пуштале прегласна музика, директорот најави казни