Вулверхемптон – Kurir.mk

Вулверхемптон во преговори со Лопетеги

Дарко Андоновски — Wed, 02 Nov 2022 13:01:18 +0000

Англискиот фудбалски прволигаш Вулверхемптон е во поодмината фаза на преговори со Јулиен Лопетеги за да седне на тренерското столче, јавија денеска британските медиуми. Според истите извори, двете страни неделава ги обновиле преговорите, откако шпанскиот стратег минатиот месец ја одби понудата на Вулверхемптон да го ангажира Лопетеги на местото на Бруно Лаж. – Клубот и самиот тренер се надеваат дека наскоро ќе биде постигнат договор, особено поради тоа што Лопетеги е без ангажман по отказот во Севиља, објави телевизијата Скај. Лопетеги во преговорите го застапува познатиот менаџер Жорж Мендеш, кој е близок соработник на раководството на Вулверхемптон.

Арсенал поразен од Вулвс, Шефилд победи против ВБА

Бошко Тасиќ — Tue, 02 Feb 2021 22:12:50 +0000

Фудбалскиот премиерлигаш Вулверхемптон ја прекинаа серијата од осум натпревари без триумф во Премиер лигата. На „Молињу“, Вулверхемптон во дербито го победија Арсенал со 2:1. Мечот го обележаа двата црвени картон за фудбалерите на Арсенал. Арсенал, доминираше против Вулвс, во првиот дел, меѓутоа од таа доминација постигнаа само еден гол, преку Пепе во 32.минута. Меѓутоа, се она што го градеа во првиот дел, падна во вода во четвртата минута од судиското надополнување на времето. Давид Луиз, невнимателно стартуваше врз Вилијан Жозе, за стартот доби црвен картон, а Рубен Невеш израмни на 1:1. На самиот почеток од вториот дел, во 49.минута, Жоао Мутињо испрати проектил од 25 метри кој заврши во голот на Лено. Со играч повеќе Вулвс ја контролираа играта, а победата ја обезбедија во 73.минута, кога голманот Лено доби црвен картон. Германецот, играше со рака, надвор од својот шеснаесетник. До крајот, Вулвс, имаа две шанси, меѓутоа Рунарсон излезе како победник од дуелите со Педро Нето. Шефилд јунајтед, со пресврт во дуелот со ВБА, дојдоа до третата победа во сезона, втора во последните три натпревари. Филипс во 41.минута погоди за предност на ВБА, а во второто полувреме Богл во 59. и Шарп во 73.минута, постигнаа голови за триумф на Шефилд јунајтед.

Вулверхемптон е подготвен да му понуди на Траоре нов договор со плата од 110 илјади евра неделно

Тале Кристо — Mon, 19 Oct 2020 10:52:27 +0000

Напаѓачот на Вулверхемптон, Адам Траоре е близу до продолжување на договорот со клубот, пренесува „The Sun“. Според изворот, „волците“ се подготвени на 24-годишниот Шпанец да му понудат 4-годишен договор со плата од 110 илјади евра неделно. Претходно, медиумите објавија за интересот на играчот пројавен од страна на Ливерпул и Барселона. Во сезоната 2020/21, Траоре одигра пет натпревари за Вулверхемптон. Порталот Transfermarkt.com ја проценува вредноста на играчот на 40 милиони евра.

Барса ќе ја прифати понудата на Вулверхемптон за Нелсон Семедо

Ивона Петрова — Sun, 20 Sep 2020 12:58:46 +0000

Екипата на Вулверхемптон е многу близу до привлекување на десниот бек на Барселона, Нелсон Семедо, пренесува новинарот Фабрицио Романо. Во саботата „волците“ дадоа понуда што Каталонците се подготвени да ја прифатат. Според неофицијални информации, таа е во рамките на околу 30 милиони фунти. Останува само да се разјаснат личните услови на Семедо пред да се финализира зделката. Според Романо, трансферот ќе биде затворен во следниве часови, а во меѓувреме Барселона ќе се раздели и со играчот за врска Артуро Видал, кој оди во италијански Интер.

Еспирито Санто потврди: Jота оди во Ливерпул

Ивона Петрова — Sat, 19 Sep 2020 13:14:44 +0000

Менаџерот на Вулверхемптон, Нуно Еспирито Санто го потврди трансферот на Диого Јота во Ливерпул. 23-годишниот Португалец ќе премине во шампионот за околу 45 милиони фунти. – Ливерпул ќе има одличен играч и човек. Оваа зделка е добра за секого. Диого беше навистина среќен тука, но нормално е играчите да прифаќаат нови предизвици, изјави денес Санто. Како дел од зделката, тимот од Мерсисајд го продаваат 18-годишниот холандски дефанзивец Ки-Јана Хувер на „волците“, чија цена може да порасне на 13,5 милиони фунти. „На Ки му претстои светла иднина“, рече менаџерот на „волците“. Двата клуба сè уште официјално не ги објавија предметните трансфери.

Арсенал и Вулверхемптон во трка по Ругани

Тале Кристо — Mon, 08 Jun 2020 08:08:33 +0000

Дефанзивецот на Јувентус, Даниеле Ругани, може да го напушти тимот во текот на летото, бидејќи добива мала минутажа. Според „Тутоспорт“, Арсенал и Вулверхемптон се заинтересирани за 25-годишниот Италијанец. За потсетување, Ругани беше првиот играч во Серија А на кој му беше дијагностициран коронавирус. Оваа сезона, Ругани има седум натпревари на сите турнири.

Траоре во Вулверхемптон за рекордни 23 милиони евра

Матеја Петровски — Wed, 08 Aug 2018 13:15:36 +0000

Младиот шпански фудбалер Адама Траоре го напушти Мидлзбро и потпиша за Вулверхемптон, објави на клупскиот сајт новиот премиерлигаш. Трансферот е вреден 23 милиони евра, што е нов клубски рекорд, а договорот е потпишан со важност од пет години. Траоре кариерата ја почна во Барселона, каде што одигра само четири натпревари, а пред Мидлзбро беше позајмен на Астон Вила. Пред него во Вулверхемптон за новата сезона се засили со Руи Патрисио, Жоао Мутињо, Џони Кастро и Раул Хименез. (Миа)

Рохо пред трансфер во Вулверхемптон за 28 милиони евра

Ивона Петрова — Sat, 28 Jul 2018 13:21:17 +0000

Вулверхемптон е многу близу до комплетирањето на договорот за дефанзивецот на Манчестер Јунајтед, Маркос Рик, објави англиски „Телеграф“. Менаџерот на „црвените ѓаволи“ Жозе Мурињо се согласил да го ослободи 28-годишниот Аргентинец за 28 милиони евра и да ги искористи парите за привлекување на Хари Мегваер, кој е проценет на 67,5 милиони евра. Рохо минатата сезона забележа само 12 натпревари за Јунајтед, во кои доби 6 жолти картони. На 16 март тој го продолжи договорот со клубот до 2021 со опција за уште една сезона.

Вулверхемптон се враќа во Премиер лигата

Даниел Василев — Sun, 15 Apr 2018 07:45:33 +0000

Вулверхемптон официјално се врати во Премиер Лигата. „Волците“ се на прво место во Чемпионшип дивизијата со 92 поени на четири круга пред крајот, а вториот Кардиф заостанува осум поени. Резултатот, кој обезбеди пласман на тимот во Премиер лигата, е ремито на Фулам 1:1 со Брентфорд па така тимот од „Крејвен котиџ“ не може да ги претекне „портокаловите“ до крајот на сезоната, а во најлош случај тие ќе завршат втори што исто така, им носи промоција. Според експертите на Островот, пласманот на Вулверхемптон во највисокото ниво на англискиот фудбал ќе донесе во нивната каса минимум 100 милиони фунти. МИА