за заедничка Македонија – Kurir.mk

За заедничка Македонија: Гнасните лаги на докажаниот криминалец Нинџа е единственото нешто што и преостана на Русковска

Дарко Андоновски — Tue, 09 Jun 2020 11:25:07 +0000

Граѓанската иницијатива „За заедничка Македонија“ на својот Фејсбук профил сподели статус во кој пишува дека гнасните лаги на докажаниот криминалец Нинџа се единственото нешто што им преостана на Русковска -Гнасните лаги на докажаниот криминалец Нинџа се единственото нешто што им преостана на Русковска и #ВиРус обвинителството. Не се ни посомневавме дека после извршените консултации во #ВиРус обвинителството, Нинџа ќе излезе со најнова четврта верзија за случувањата на 27-ми април, надополнета со нарачки кои после ќе бидат цитирани во јавност што од самиот Вирус, што од инфицираните послушни пера. Македонска судска трагедија е што се уништуваат човечки судбини и луѓе се судат на стотици години робија, само врз основ на исказите на лице со илјадници страни кримнално досие и историјат на лажни сведочења, со цел да ја спаси својата дебела криминална кожа. Невидено во светски рамки е еден ваков криминалец, на очиглед на целата јавност да биде ДЕЖУРЕН СВЕДОК - ЛАЖГО кој е "сламката на спасот" за обвинителството во кое има #ВиРус и кое само со негова помош жестоко инсистира да осудува луѓе без криминално досие и со блескави кариери. Убедени сме дека јавноста без сомнеж се увери дека консултациите кои неодамна ги имаше криминалецот Нинџа со #ВиРус Обвинителството, се покажаа на видело денеска и на сите им е јасно дека овој криминалец кој многупати во својот живот лажел за да добие помали казни и пикал во затвор невини луѓе, уште еднаш се обидува да издејствува "договор со ѓаволот" за да си ја спаси својата криминална кожа. Тој го кажува тоа што #ВиРус Обвинителство ќе му го наложи за да си ги пополнат дупките во нарачаните и лажни обвиненија, очигледно пишувани под политички диктат во интерес на луѓе спремни на се, за остварување на својот личен профит и цели. Колку Нинџа и да мисли дека вечно ќе му трае пазарот со Обвинителството и трговијата со лажни искази во замена за олеснителни околности за него, колку и да мисли дека кажувајќи гнасни лаги ќе може вечно да затвара невини луѓе, а тој, криминалец со илјадници страници криминално досие и години и години во затвор за своите злодела, работите ќе се сменат и тој ќе одговара пред објективен суд за се што сторил, наклеветил, гнасно излажал и уништил човечки судбини за лична корист, исто како и нарачателите и извршителите на овие срамни судско-обвинителски фарси. Кога на вакви криминалци и нивните гнасни лаги се потпираат во #ВиРус обвинителството, јасно е зошто македонскиот народ има 2% доверба во тоа обвинителство. Дури и тие два проценти им се премногу на обвинителите кои го ангажираат криминалецот Нинџа да им ги пере и поткрепува лагите во замена за олеснителни околности за него. Правда ќе има, еден ден, не далеку од денес. Вистинска правда, а не пародија базирана на лажните сведочења на овој криминалец од светски калибар, стои во нивниот пост на Фејсбук. https://www.facebook.com/ilinden4/posts/1320199068189235

Илиевски, Дамовски и Јовановски амнестирани за 27 април

Катерина Бојаџиева — Fri, 28 Dec 2018 17:10:30 +0000

Кривичниот совет на одделението за гонење организиран криминал и корупција при Основниот суд Скопје 1 – Скопје постапувајќи по доставени барања во врска со Законот за амнестија на настаните од 27 април 2017 година во Собранието на Република Македонија, а по добиено позитивно мислење од надлежното обвинителство, донесе решенија со кои ги уважи барањата на Б.И., В.Ј. и Б.Д. опфатени во предметот со КОК бр. 40/18, соопштија од Основен суд Скопје 1 – Скопје. Останите барања за кои од обвинителството е добиено негативно мислење, како што се посочува, советот донесе решенија со кои тие се одбиваат како неосновани. За сите решенија, согласно Законот, обвинетите имаат право на жалба во рок од три дена до повисокиот суд. Сите останати барања, во одделот Кирвично полнометни, се во фаза на одлучување и во Законски утврдениот рок ќе бидат донесени решенија кои ќе бидат доставени до странките, а јавноста ќе биде благовремено известена, наведуваат од Основен суд Скопје 1 – Скопје. Во однос на предлогот за укинување на мерка притвор и предлог за определување мерка куќен притвор со мерки за претпазливост во случајот од обвинителството означен како „Империја“, информираат од Основен суд Скопје 1 – Скопје, од страна на судија на претходна постапка е утврдено дека не е комплетен и е вратен на доуредување кај најдлежниот обвинител, а по добиен уреден предлог судот веднаш ќе донесе решение.

Срамна одлука: Обвинетите за тероризам од „Монструм” остануваат на слобода , а приведените од „Заедничка Македонија“ трет месец се во притвор

Ивона Петрова — Mon, 12 Feb 2018 10:04:19 +0000

Обвинетите за тероризам за петкраткото убиство кај Смиљковското езеро остануваат на слобода и покрај тешкото дело, нивното повторено судење започна денес. И додека тие се бранат од слобода за тероризам веќе три месеци во притвор се лицата од граѓанската иницијатива „За заедничка Македонија“. Јавното обвинителство за гонење на организиран криминал остана на првичното обвинение за петкратното убиство што се случи на Велики Четврток во 2012 година кај Смиљковското езеро. На денешното повторно судење за случајот „Монструм“ обвинителот Наум Пановски рече дека остануваат на првичниот обвинителен акт, со кој обвинетите се товарат за тероризам. Остануваат обвинети за тероризам Алил Демири, Африм и Агим Исмаиловиќ, Хаќи Азири, Сами Љута и Фејзи Азири. За судот се уште недостапни се Алил Демири и Африм Исмаиловиќ по кои се распишани меѓународни потерници. Ова е прв случај обвинети за тероризам да се бранат на слобода. Кон средината на јануари, претседателот на ДУИ, Али Ахмети во гостување на Алсат телевизија зборувајќи за реализацијата на Тиранската платформа, која тој ја ословува како договор, рече дека дел од договорот се и случаите „Монструм“ и „Диво Насеље“, за кои како што рече Ахмети, треба да се бара истрага. Зборувајќи за Тиранската платформа и нејзината реализација, Ахмети рече: – Во тој договор е Законот за албански јазик, во тој договор е дека треба да се бара истрага или меѓународен мониторинг за некои случаи како случајот “Монструм“, Кумановскиот случај. Секогаш ги имаме повторувано, цело време, случајот Бродец. И тие веќе се во фаза на реализација. И тие случаи, секако има случаеви кои вие не ги слушате. И изјавата од премиерот на земјава, дека ние се согласуваме и се договоривме да се направи мониторинг и да се расветли вистината за сите овие сомнителни случаи. И случајот на македонскиот новинар. Така што, како пакет, тој договор веќе се спроведува како ветување кои го дадовме на албанскиот електорат, изјави Ахмети. Со оваа изјава Ахмети практично јасно откри дека дел од политички договор за формирање на владата е одлуката на Врховен за повторување на судењето за „Монструм“, од 24.11.2017 година. Овие негови тогашни тврдења, сега с епокажуваат како точни. Медиумите тогаш пишуваа дека тоа би значело дека некој од власта со влијанието врз судот случајот „Монструм“ да биде вратен на повторно судење директно го прекршил чл.98 од Уставот на Република Македонија. -Судската власт ја вршат судовите. Судовите се самостојни и независни. Судовите судат врз основа на Уставот и законите и меѓународните договори ратификувани во согласност со Уставот. Организацијата на судството е единствена. Забранети се вонредни судови., стои во членот на Уставот.

„Не дозволувајте да нè обезличат“, вака велеше Богдан Илиевски кој е 75 дена притвор, затоа што ја сака Македонија

Курир — Sat, 10 Feb 2018 13:15:22 +0000

Денес поминуваат 75 дена како се во притвор поголемиот дел од приведените за настаните на 27 април, а некои многу порано заглавија во судско затворските лавиринти. Меѓу нив е популарниот блогер Богдан Илиеввски. Тие што добро го познаваат велат дека Богдан во целиот свој живот нема добиено казна за погрешно паркирање, а не пак да имал некаков поголем проблем со законот. Денес тој се сооочува со обвинение за тероризам, организирање и потикнување. Зад позадината на сета оваа очигледна политичка хајка се крие можеби патетична, но сурово вистинита репетиција на историјата и животите на сите оние кои страдале за Македонија. Современите борци за Македонија 75 дена седат во затворот во Шуто Оризари, во истиот момент кога на слобода се пуштаат 1 000 затвореници, но не политички страдалници како оние од 27ми, туку вистински и осудени криминалци, за грабежи, насилство, изнудување...75 дена горчина и кај сите оние кои излегуваа на протестите на За Заедничка Македонија, а кои сега пред свои очи го гледаат политичкиот прогон чија единствена цел е влевање на страв и обезбедување на молк за сето она што се случува поврзано со името на земјата, државата, историјата, идентитетот. Сите оние кои искусиле или имале можност да слушнат за условите во затворот Шуто Оризари, кажуваат дека е вистинска хорор приказна. 75 дена македонските патриоти седат во затворски келии каде основата е кршење на човечкиот дух и достоинство. Влага по зидовите, кревети кои се распаѓаат, неподнослива миризба на расипано и гнило престојувалиште, и топлнина од само два часа дневно, во ситуација кога има минусни температури. Во време кога секој затвореник се бори да не премрзне, да се прехрани и да дојде барем до редовен, но далеку од пристоен оброк, во стиуација кога се мета на разно разни подбуцнати од власта криминалци, потпалувачи и силеџии, притворените од 27 април не се ни во состојба да размислуваат за подготовка на фер одбрана за делото за кое се теретат. -Но нивното судење е за дело тероризам кое не посоти, во 21 век се судат луѓе затоа што ја сакаат својата држава. Остануваат силно да се паметат зборовите на Боган Илиевски кажани на протестот пред Собранието каде велеше " Наша должност е на идните генерации да им оставиме земја во која ќе живеат заеднички, мирно и достоинствено. Граѓаните одлучија дека ќе се борат за заедничка Македонија за земјата во која живеат и ја сакаат. Исто како што живееле нашите претци, а ќе живеат и нашите поколенија. Ќе живеат како горди граѓани во Македонија. Горди, бидејќи се широки во срцето и со огромна почит за сите свои сограѓани. Сонцето кое некои сакаат да го снема од нашето знаме ќе продолжи да свети подеднакво за сите и од тоа не отстапуваме. Не го даваме нашетонзнаме. Мораме, наша должност е на идните генерации да им оставиме земја во која ке живеат заеднички, мирно и достоинствено, а не во поделена земја затоа што одредени неодговорни политичари, без грам памет и чувство за државата во која живеат, решиле да си играат игра. Игра во која нас ќе не плашат со разни сценарија за дестабилизација и санкции за тие да можат да си ја завршат валканата работа во која ке го делат народот за да дојдат на власт, истакна Илиевски. Во една прилика Илиевски посочи ако и’ мислите добро на Македонија, откажете се од платформата" Денес 10 месеци по 27 април се обвистинува се она што го посочуваа Богдан Илиевски, Борис Дамовски, Дурловски, Јовановски и сите остаати интелектуалци, актери, писатели. Македонија чекори по работ на огромна бездна, која и се заканува по нејзиното постоење, онаква каква што постои по АСНОМ и 8 септември 91та. За само 10 месеци се склучи штетен договор со Бугарија со кој македонската историја станува и бугарска, во собранието е закон за јазици ист онаков на каков што предупредуваа од За Заедничка Македонија, закон кој треба да ја редифинира државата и закон со кој се губи унитарниот карактер на државата. И на крај, додека патриотите како Богдан седат 75 дена во затвор, актуелната влада и Зоран Заев договараат преименување на државата и откажување од македонскиот идентитет. "Името е идентитетот на земјата, секоја буква е нејзнината историја, име и презиме на она што сме, македонци. Промената, додавка или одземањето на буква од тоа име е промена и откажување од идентитетот, и тоа да е јасно"- порача на еден од протестите на Заедничка Македонија Борис Дамовски. -"Сакаат да го потонат бродот Македонија. Јуда го предаде Бог за 30 сребреници, за колку сребреници денешниот Јуда ќе ја предаде Македонија?" велеше Владо Јовановски. За Заедничка Македонија останува најавтентичното и најмасовното македонско движење каде граѓаните од цела држава излегоа на улиците цели 80 дена. Државата сега се наоѓа под масовна хипноза на замолченост и страв, кој доколку не се победи, државата неповратно се губи!

Македонската дијаспора гласно порача дека секогаш ќе стои на браникот за унитарна и суверена Македонија

Курир — Wed, 03 Jan 2018 13:59:19 +0000

Поддршката за Заедничка Македонија доаѓаше од целиот свет. Со истакнување на знамиња и мирни собири дијаспората се придружуваше кон своите сограѓани. Неколку стоици македонци од Калифорнија и Њу Џерси речиси 30 дена и дадоа поддршка на иницијативата за Заедничка Македонија. Македонците од Франција со песни, ора и знамиња дадоа поддршка на иницијативата за „Заедничка Македонија“. Со боите на македонското знаме црвено – жолта во форма на балони и чадори, пред познатиот часовник „Биг Бен“ во Лондон, македонците дадоа поддршка на Македонија и иницијативата за „Заедничка Македонија“. Македонците од Вашингтон одржаа собир за поддршка за граѓанската иницијатива пред Белата Куќа. Со Македонски знамиња и песни упатија пораки за зачувување на македонската држава, идентитет и јазик. Дијаспората од Австралија, Берлин и Шведска застана до црвено – жолтата боја. Сите изразија поддршка на иницијативата за Заедничка Македонија и порачаа дека иако се одалечени и нивната родна земја, будно ја следат политичката ситуација и се длабоко загрижени за нејзината иднина. Македонците од Швајцарија дадоа силна поддршка на иницијативата за Заедничка Македонија. Тие порачаа дека ке застанат во одбрана на унитарна и суверена Македонија. Македонците во Брисел со песни и ора порачаа: Нашата љубов спрема самата Татковина и спрема самото обележје на државата нас тоа не засега. -Секој нормален човек и во Македонија и тука неможе да седи со скрстени раце и да очекува дека некој друг да може да му ги пренесе неговите пораки за тоа што треба да се случува во Македонија рече еден граѓанин кој протестираше во Брисел. Македонците од Детроид и кажаа „Не“ на Тиранската Платформа. „Не“ за промена на јазик, име и идентитет на државата. Поддршка за Заедничка Македонија пристигна и од „Торонто“. Припадниците на македонската заедница во Кандаа порачаа итен попис на населението и да се отфрли владината коалиција која не ја почитува Декларацијата. Бараа помирување и обединуање бидејќи силата е во единството, за одбраната на името на државата и едентитетот на нацијата.

Поддршката на Граѓанската иницијатива „За Заедничка Македонија“ беше едногласна: Неподелена и суверена заедничка Македонија!

Курир — Wed, 03 Jan 2018 12:57:16 +0000

Протестниот марш „За Заедничка Македонија“ освен тоа што се памети како еден од најмасовните во историјата на државата, исто така беше поддржан од многу јавни и докажани луѓе во своите професии. Од пеачи, актери па се до земјоделци, нуркачи, писатели и многу други поддржувачи гордо застанаа на браникот за зачувување на македонската држава. Андријана Јаневска - една од најпознатите македонски пејачки потенцираше: „Моменталната ситуација наликува на шаховска партија каде играат бели и црни но не смееме да заборавиме дека на крајот кога играта ќе заврши, сите фигури се враќаат во истата куттија и пионот и кралот. Човекот е роден слободен но секаде е во синџири. За да бидеш слободен не е потребно само да ги тргнеш синџирите од своето тело, туку да живееш на начин кој ја почитува и прифаќа слободата на другите. Затоа додека сеуште има време да се освестиме да сфатиме дека единствено добро за сите нас е сплотеноста. Тоа е она кое ни е неопходно рече Јаневска“. Калиопи испрати силна порака - „Моето срце е секогаш овде со овој народ“. Запро Запров, еден од најпознатите македонски диригенти истакна: „Драги сограѓани ви се поклонувам пред вашето достоинство. Така се брани Македоникја. Така се бранат нејзините вредности.Секој што има љубов спрема оваа земја само така ја брани Македонија“. Помеѓу многуте поддржувачи на протестот се: пеачите: Сашо Гигов Гиш, Сузана Спасовска, Музичката група Пркети, Дарко Мијалковски. Поддршка за „Заедничка Македонија“ дадоа и естрадните уметниции од соседните држави. Босанскиот пејач Дино Мерлин им порача на сите македонци да го зачуваат Сонцето кое се наоѓа на знамето. Тоа Сонце никогаш да не згасне и вечно да свети. Македонците да пронајдат разум, Да го дадат најдобро од себе за да никогаш не дојде до најлошото рече Мерлин. Најпознатиот фолк пејач од соседната Србија, Мирослав Илиќ со поддршка за Заедничка Македонија: Браќа Македонци, сакајте ја својата земја! Огромна поддршка за протесниот марш стигна и од поетските уметници во Македонија. Внуката на Крсте Петков Мисирков рече : „Тој кажа дека оваа држава е Македонија, и македонски јазик се зборува“ Поддршка дадоа и поетесата Виолета Секоска, писателот Брнако Цветковски, поетот Сашко Кукулев, Писател и претседател на српската заедница во Македонија, Гордана Јовиќ Стојковска. Усеин Шукрие припадничка на ромската заедница истакна: „Јас сум една од вас и сум еднаква како вас. Без разлика дали сме Макеодонци, Албанци, Турци и други националности. Ние сме едно и секогаш ќе бидеме едно. Македонија е мојата земја“. Основач и претседател на македонското- турско здружение Кемал Ататурк – Битола, господинот Кемал Шемол Мемиш. Голема поддршка дадоа и актерите на македонската сцена. Ванчо Петрушевски, еден од најпознатите македонски актери, на македонскиот народ за време на протестите им порача: „Нема да дозволиме да бидеме уценети со туѓи Платформи. Нема да дозволиме некој на мала врата да ни протурка нешто кое ние граѓаните на избори не сме го гласале. Да не дозволиме нешто од надвор, нечие туѓо сценарио да ја разјаде нашата држава од внатре. Изборот кој секој од нас го направи беше Македонија, неподелена, суверена. Заедничка Македонија“. Актерот Васил Зафирчев порача: „Народ без јазик е налик на човек без пат, кој не знае кој е, од каде е и каде оди".И после речиси повеќе од век и половина, во 21 век, во современа Европа, во современа Македонија, ние повторно се соочуваме со предизвикот да го сочуваме јазикот, да го сочуваме името наше македонско, да ја сочуваме државата таква каква што ја имаме, таква каква што ја сакаме. Една, единствена, унитарна и суверена“. Петар Темелковски – Македонскиот филмски и театарски актер истакна дека ние Македонците имаме силен глас, дури и за најтврди уши. Поддршката пристигна и од спортистите, Боксерите, Федерацијата на Џиу Џитсу, Велосипедистите, параглајдерите и многу други. Ракометарот Боби Милевски истакна : „Сите треба да бидеме свесни дека имаме една држава, треба да ја чуваме и во иднина“ Ракометарот Саша Ќириќ рече: „Само сплотени ќе ја сочуваме нашава Македонија“. Нуркачите дадоа уникатна поддршка на „Заедничка Македонија“ Ловџиите исто така дадоа едногласна поддршка: „Тука сме и ќе останеме да ја штитиме заедничката Македонија“. Играорците на „Танец“ во изведба на тешкото ја поддржаа граѓанската Иницијатива за Заедничка Македонија. Македонската истакната сликарка Жанета Вангели истакна дека прифаќањето на Тиранската платформа ќе значи конечна капитулација на Македонија. Ова се само дел од многуте поддржувачи на протестот за „Заедничка Македонија“ на кој сите маршираа со една цел – Неподелена и суверена заедничка Македонија.

Илиевски: Тиранската платформа удира по фундаментот на Македонија, целта им е да воведат двојазичност и засекогаш да ја изменат Македонија

Ивона Петрова — Wed, 03 Jan 2018 11:40:55 +0000

Еден од водачите на протестот на граѓанска иницијатива „За Заедничка Македонија“ Богдан Илиевски постојано бараше во име на народот да не се прифати Тиранската платформа која има за цел да ја редефинира државата. Илиевски потсетуваше дека Платформата која е направена во друга држава удира врз фундаментот на Македонија и има за цел да ја редефинира и да ги промени знамето, химната и грбот на државата. -На 10 ден по ред. Се повеќе и повеќе 100 илјади луѓе секој ден на улиците на Македонија. А доказ дека сме на правата страна и дека ја зборуваме вистината дојде вчера. Вчера дојде уште една потврда дека намерата да Платформата во Тирана е да ја редефинира Македонија. Целта е за промена на знамето, химната и грбот на државата. Нема да им помине. Целта им е да ги сменат парите и да се воведе двојазични денари кои се фундаментот на една држава. Нема да им помине. Целта им е да воведат двојазичност и засекогаш да ја изменат Македонија. Нема да им помине. Тиранската платформа удира по фундаментот на оваа држава. Удира по суштината на Република Македонија. Македонија како заедничка држава за сите нејзини граѓани без оглед дали се Македонци, Албанци, Турци, Роми, Власи, Срби и Бошњаци. Заедничка Македонија ќе победи на крај на денот. Вие сте доказ за тоа. И на 8ми Март, и на дожд и на ладно време потенцираше Илиевски.

ВМРО-ДПМНЕ: Дури и студент од прва година на правни студии ќе воочи дека делото тероризам е политички монтиран случај

Курир — Tue, 02 Jan 2018 09:39:07 +0000

Десетици неосновано притворени граѓани наместо со своите семејства новата година ја поминаа во ладни ќелии. Тие се жртви на класичен политички прогон. Овие луѓе ја чувствуваат инквизицијата на 21 век на сопствена кожа, се вели во оопштението од ВМРО-ДПМНЕ. Притворените граѓани се лишени од загарантираните човекови права, а постапката против нив е противзаконска и неоснована уште од самиот почеток. Непочитувањето на законите при нивното притворање, го потврди и Народниот правобранител. Факт кој остана премолчен од ОЈО и судот. Кршењето на законите и непостоењето институција која ќе ги заштити нивните права е ситуација со која се соочуваат овие недолжни граѓани. Целиот случај кој им се става на товар е конструкција и служи за втерување на страв кај секој што ќе помисли да биде критички настроен. Правично судство е право на граѓаните и обврска за судиите. Судиите не смеат да се ставаат над законите и да спроведуваат нечија агенда притоа кршејќи го законот. Судот како гарант на законитоста во постапката е должен да се издигне над притисокот. Судот има шанса да му стави крај на политичкиот прогон и да ја одбрани демократијата. Судот мора да ги согледа правните аргументи и фактичката состоба, да се води од вистината и правичноста и согласно закон да ги укине притворите. Судиите треба да знаат дека ваква политичка конструкција ќе биде осудена од сите меѓународни фактори и ЕСЧП. Дури и студент од прва година на правни студии ќе воочи дека делото тероризам, за кое се товарат луѓето од 27 април е политички монтиран случај. На Република Македонија и е потребно владеење на правото и општествено помирување, а не генеза на омраза преку злоупотреба на институциите. Демократијата и правната држава се право на граѓаните и тоа не смее да им биде скратено. Само така ќе воспоставиме доверба во институциите на системот и ќе создадеме општество за сите.

Илиевски: Се бориме да ја зачуваме оваа држава која ја имаме (ВИДЕО)

Александар Михаилов — Thu, 28 Dec 2017 16:12:35 +0000

Здружението „Граѓанска иницијатива за заедничка Македонија организираше протести низ повеќе градови во Македонија. Еден од организаторите на протестот, Богдан Илиевски секојдневно потенцираше дека борбата на македонскиот народ е да си ја зачува својата единствена држава. Борбата на народ кој чекори низ улиците, Илиевски ја поистовети со борбата која ја водеа големите македонски борци во 1905 година каде што борците во минатото се бореле за да ја добијат додека во сегашноста се борат да ја зачуваат македонската држава. - Денес е исто така е еден важен ден. Песната која ја пееме вика „Со нас чекорат хероите“. Денес е 24 април, ден на кој во 1905 година својот живот со саможртва, храбро го положија: Петар Георгиев, Јордан Иванов, Бојче Павлев, Славејко Савинов, Иван Марков, Крсто Георгиев, Милан Симеонов,Урош Костадинов, Јованчо Стефанов, Ѓорѓија Влахот, Ванчо Србаков, Јонче Спасенов, сите предводено од големиот охридски војвода, Христо Узунов. Ве повикувам со громогласен аплауз да им одадеме почит на овие храбри борци. Она за што се бореле тие тогаш тоа е скоро истото за што се бориме и ние денес. Тие се бореле да ја добијат, ние се бориме да ја зачуваме оваа држава која ја имаме рече Илиевски