забава – Kurir.mk

Скопје е подготвено за најголемата забава на ова лето

Тале Кристо — Wed, 13 Sep 2023 12:24:36 +0000

Ноќниот живот во нашата држава е постојана мета на критики и коментари, со изговор дека истиот не ги задоволува барањата на граѓаните, кои тврдат дека некогашната забава во Скопје била на едно многу подобро ниво. Сѐ поретко се организираат настани, кои вистински ќе ги привлечат љубителите на добра музика, храна и дружење. Со еден поинаков концепт, ова лето ќе го паметиме со најголемата забава на отворено! Еден од музичарите, кој сè уште ја забавува македонската публика каде и да се појави е Сале Певац, кој реши својата 25 годишна кариера да ја прослави со голема прослава. Четврт век, Сале каде и да се појави, подготвува таква атмосфера, што неговите настапи не можат да завршат. Јубилејната прослава ќе се одржи на 13.09. (среда) на „Боемска улица 1“, со почеток во 18:30 часот, а влезот е од страната на Градскиот Парк. Атмосферата ќе ја загрее предгрупата „К’смет“, а потоа Сале подготви репертоар песни од различни жанрови и периоди од музичкото минато, но и од своите подготвени песни, како неговата „Ране“. Сале, во неговата богата музичка кариера, има настапувано како дел од групата „Коки и Тајфата“ и имаше свој настап на концертот на Мирослав Илиќ во Скопје, по повод 50 годишната кариера. Додека ја очекуваме неговата прослава од 25 годишната музичка кариера и атмосферата, која ја подготвува кога и да настапи, да кажеме дека вакви прослави му се потребни на Скопје, за да го врати својот стар сјај на град со полн ноќен живот. Поради големиот интерес за прославата на Сале, сите резервации се пополнети и нè очекува забава, која ќе се памети со години.

Забавни активности кои трошат калории

Ристе Здравков — Wed, 21 Jun 2023 12:17:27 +0000

Тренингот може да биде многу тежок за многу луѓе бидејќи тие не се љубители на спортот или на салата. Не сакаат рутина во четири ѕида, во просторија исполнета со луѓе кои се концентрираат на вежбање на бицепсите, грбот, нозете или кои се таму само за фотографирање. Постои и решение за ова што всушност вклучува „тренинг“ без воопшто да сфатите дека го правите тоа. Станува збор за вид на активна забава што можете да ја имате и да согорувате калории по пат, пишува Nerdfitness.com. Подгответе се за ретко споменатите вежби во светот на здравиот живот и тренинзите! 1. Шопинг Секаков вид на шопинг може да стане ваш мини-тренинг, жените сигурно ќе поминат низ добар пат и ќе вежбаат многу додека се преоблекуваат. Дури и при купување намирници, можете да тренирате земајќи две помали рачни корпи и носејќи ги. 2. Чистење Можеби не звучи баш најпримамливо, но со малку имагинација, музика и пеење, оваа активност може да согори многу калории! Можете дури и да направите мини-натпревар во чистење со децата или со некој друг и на тој начин да се активирате уште повеќе во желбата вашата полица да биде најдобро исчистена. Каков успех! 3. Шетачки состаноци Кога станува збор за состаноци, мислиме на дружење со другите, но работата нека остане во ѕидовите што ѝ одговараат. Земете шише вода, сок или кафе за да земете, а потоа прошетајте со пријателите. Сè со што чекавте за да разговарате е свеж воздух, поубаво опкружување, активни нозе и приказни. 4. Качување Ова ќе ве врати во времето кога носевте значително помал број чевли и секогаш имаше време за имагинација. Можете да го правите денешниот популарен паркур, кој се заснова на качување и прескокнување преку препреки во околината. На улица, во парк или да пробате на височини, само без да ги имитирате скоковите на Спајдермен од зграда до зграда – тоа би било премногу за нијанса. Се разбира, можете да одите во центри за качување и да доживеете качување по ѕидови. Играта е добра и предизвикувачка, и голем плус за фитнес! 5. Со велосипед до работа Доколку имате можност, пробајте го овој начин на одење на работното место. Сигурно ќе биде поинтересно отколку што мислите, и затоа патувањето таму и назад ќе го доживеете позабавно и поинаку. Добрите страни на возењето велосипед се бескрајни, па зошто да не го практикувате и во деловниот свет? 6. Внимавај, ласер! Ова е одлична игра која го тренира и вашиот мозок и вашето тело. Залепете шарени ленти од еден ѕид до друг како да минува ласер низ собата, но што е можно поинтересни и постепено понапорни. Секој пат кога треба да се провлечете за да не го закачите „ласерот“ треба да се наведнете и да држите положба, што гори калории. Испробајте ја оваа нова игра со децата!

Се урна покрив за време на студентска забава, повредени над 30 лица

Ристе Здравков — Sun, 30 Apr 2023 19:21:10 +0000

Над 30 луѓе се повредени при уривање на покривот на гледалиштето за време на студентска забава во близина на Државниот универзитет во Охајо, откако луѓето се качиле на покрив кој не бил дизајниран да издржи толкава тежина, соопштија локалните власти. Од повредените, 14 лица се пренесени во болница, додека на останатите 20 им е помош на лице место, пренесе „Ен-Би-Си Вашингтон“. Првите екипи нашле 10 лица, а потоа 14 биле пренесени во болници со „различен степен“ на повреди, но сите се во стабилна состојба, изјавил началникот на пожарникарите во Колумбус, Стив Мартин. „На покривот веројатно имало меѓу 15 и 45 луѓе, кој не е дизајниран да ја држи тежината на луѓето“, изјавил Мартин. Салата каде што се урнал покривот не припаѓа на Универзитетот во Охајо.

„Забава“ на Миконос: Собарки пробале слатки оставени од гостите, завршиле во болница со халуцинации

Ивона Петрова — Tue, 04 Oct 2022 09:12:17 +0000

Грчките медиуми јавуваат дека на Миконос пет лица завршиле во болница откако консумирале слатки кои во собите ги оставиле гостите, а кои биле полни со халуцигени супстанци. Дека Миконос е остров познат по лудите забави на кои се користи и дрога не е нов податок. Во изнајмените вили, остануваа се и сешто по заминувањето на богатите гости. Како што јавува Прототема, пет собарки се хоспитализирани откако јаделе чоколади и слатки кои останале во фрижидерите по заминувањето на гостите. Се утврдило дека слатките содржеле псилоцибин, супстанца со сличен ефект како и ЛСД, која може да предизвика еуфорија, нагла промена на емоциите и халуцинации.

ВИДЕО: Премиерката на Финска била на луда забава, опозицијата бара да прави тест за дрога

Магдалена Андонова — Thu, 18 Aug 2022 13:43:09 +0000

Видеа објавени на социјалните мрежи, ја прикажуваат финската премиерка Сана Марин како се забавува со неколку познати фински личности, меѓу кои и пратеникот Илмари Нурминен и ТВ водителката Тини Викстром. На видеото Марин танцува во занес со неколку пријатели, а во позадина се слуша како луѓето викаат за кокаин, пренесуваат финските медиуми. Финскиот пратеник Мико Керна, коалициски партнер на партијата на Сан Марин, ја повика премиерката да направи тест за дрога и да ги објави резултатите јавно. „Народот може да го очекува ова од својот премиер“, напиша тој на Твитер. На прес-конференција во четвртокот наутро, Марин негираше дека користела дрога и рече дека „нема што да крие“, објави Политико.

This is the Prime Minister of Finland Sanna Marin. Some been saying she’s cool... maybe among other teenagers. But a responsible leader for a country in crisis? She is by far the most incompetent PM we ever had. Knows nothing. Please take your leather jacket and resign. Thanks. pic.twitter.com/tHLhdEKEa8
— Aleksi Valavuori (@Valavuori) August 17, 2022

Полицијата во Британија казни уште 50 лица за забавата во локдаун каде што бил присутен и Џонсон

Магдалена Андонова — Thu, 12 May 2022 13:54:52 +0000

Британската полиција издаде повеќе од 50 нови казни за прекршување на антиковид правилата во Даунинг стрит и други владини згради. Овие казни се дополнување на повеќе од 50 изречени минатиот месец, вклучително и на премиерот Борис Џонсон, неговата сопруга Кери Џонсон и министерот за финансии Риши Сунак, јави Би-Би-Си. Британскиот премиер Борис Џонсон се извини минатиот месец кога му беше изречена казната за кршење на правилата на „локдаун“ кога во неговата канцеларија била организирана прослава за неговиот роденден, но одби да поднесе оставка поради тоа. Најновите казни се однесуваат на божиќна забава во декември 2020 година, на која Џонсон не присуствувал. Полицијата истражува 12 собири, од кои се знае дека Џонсон присуствувал на најмалку три. Додека пристигнуваше на специјален состанок на кабинетот во Стафордшир, Џонсон беше прашан дали е „шокиран“ од размерите на кршење на законот во Даунинг стрит 10. – Ќе имаме многу да кажеме за тоа кога ќе заврши работата“ одговори тој. Во соопштението, британската полиција најави дека истрагата продолжува. Се очекува да следат дополнителни казни, н о не е даден временски рок. (МИА)

Ја тужел компанијата зошто му организирала роденденска забава, добил отштета од 450.000 долари

Ивона Петрова — Wed, 20 Apr 2022 10:33:31 +0000

Маж од Кентаки ја тужел компанијата во која е вработен откако била игнорирано неговото барање, роденденот да не му се прославува во компанијата. Причината била оправдана бидејќи Кевин Берлинг страда од анксиозно пореметување. Од компанијата добил отштета од 450.000 долари поради занемарување на поднесената молба и одржување на прослава. Медицинската лабораторија „Gravity Diagnostics“, го игнорирала барањето на вработениот, неговиот роденден да не се слави. Според зборовите на адвокатот Тони Бучер, вработениот разговарал со организаторот на роденденски прослави, но лицето кое било одговорно за тоа заборавило на неговото барање. Во компанијата била приредена прослава за Кевин на која тој доживеал анксиозен напад на паника. Морал да замине до својот автомобил, да вежба техники на дишење, да јаде, по што му сипратил на својот менаџер порака со известување дека неговото барање е игнорирано. Следниот дел, Кевин од колегите бил критикуван поради реакцијата која ја има, па тој одлучил да поднесе тужба против компанијата. На работа соработниците барале од него да престане да користи механизми за соочување и да се „гушне самиот себе“. Според тужбата оваа расправија предизвикала нов паничен напад кај Кевин и тој бил избркан од работа. Судот му одредил отштета од вкупно 450.000 долари. 120.000 долари поради изгубени палти и бенефиции, 30 долари за идни изгубени плати и бенефиции, 300.000 за мината, сегашна и идна ментална болка, страдање, срамота, понижување, но и губење на самодовербата. Од компанијата истакнале дека одлуката на судот е сериозен преседан за работодавачите и вработени.

Шефот му организирал роденденска забава, а тој го тужел: Доби огромна отштета, а ова е причината

Ивана Ефремовски — Tue, 19 Apr 2022 19:03:51 +0000

Жител на Кентаки добил отштета од 450.000 долари откако неговата компанија му организирала роденденска забава и покрај неговите предупредувања дека тоа би му создало стрес и анксиозност. Кевин Берлинг тврди дека непосакуваната роденденска забава во 2019 година во „Гревити дајагностикс“ му предизвикала повеќе панични напади. Во тужбата тој ја обвинил компанијата за дискриминација врз основа на попречување. Според тужбата, Берлинг, кој страда од анксиозност, побарал од неговиот менаџер да не се слави неговиот роденден како што вообичаено се прави за другите вработени бидејќи може да му предизвика паничен напад и да му врати непријатни спомени од детството. Но и покрај неговото барање, компанијата му организирала забава во август 2019, а тоа довело до паничен напад кај него. Тој брзо ја напуштил забавата, а следниот ден бил критикуван и обвинет дека им ја скратил радоста на колегите и се однесувал како „мало девојче“. Овој состанок му предизвикал втор паничен напад, а по неколку дена компанијата го отпуштила поради грижи за безбедноста на работното место. По тужбата од страна на Берлинг, судот пресудил дека компанијата треба да му плати отштета од 450.000 долари, од кои 300.000 долари за емоционално вознемирување, а 150.000 долари за загубени дневници.

Џонсон ја прифаќа казната на полицијата за кршење на карантинот

Магдалена Андонова — Tue, 12 Apr 2022 20:05:31 +0000

Британскиот премиер Борис Џонсон денеска изјави дека ја прифаќа казната на полицијата за кршење на правилата за карантин во 2020 година и оти го разбира гневот на јавноста, но повтори дека тогаш не мислел дека го прекршил законот. – Морам да кажам, искрено, тогаш не ми падна на памет дека можеби во прашање е кршење на правилата. Но, се разбира, полицијата утврди поинаку и јас целосно го почитувам исходот од нивната истрага, изјави Џонсон за Би-Би-Си. Кабинетот на Борис Џонсон потврди дека премиерот на Велика Британија ќе биде казнет поради кршење на анти-ковид мерките и организирање забави во владините канцеларии за време на строгите ограничувања, а ќе биде казнет и министерот за финансии Риши Сунак. (МИА)

Изречени 50 казни за присутните на фамозната забава на Борис Џонсон направена за време на строги рестриктивни мерки

Магдалена Андонова — Tue, 12 Apr 2022 13:33:52 +0000

Лондонската полиција изрече повеќе од 50 казни за посетителите на забавата во резиденцијата на британскиот премиер Борис Џонсон и други владини згради за време на строгите рестриктивни мерки во првите бранови на пандемијата на Ковид. Ова се наведува во извештајот што го објави Скотланд Јард денеска, цитиран од локални и странски медиуми. Првите 20 казни беа изречени кон крајот на март, а две недели подоцна полицијата откри уште 30 случаи на прекршоци. Службениците за спроведување на законот не ги открија имињата на прекршителите, ниту датумот и местото на настаните што се случија во време на пандемијата. Кабинетот на Џонсон претходно соопшти дека доколку премиерот биде казнет, тоа ќе биде јавно објавено. Лидерот на либералдемократите Ед Дејви веќе рече дека бројот на издадени казни покажува „шокантен обем на прекршок“ на Даунинг стрит 10. - Полицијата целосно ги отфрли тврдењата на Џонсон дека законите не се прекршени. Нему не може да му се верува, не може да остане премиер. Ниту еден друг лидер на која било организација не може да продолжи да остане на функцијата по прекршување на законот од ваков обем. Ако Борис Џонсон не поднесе оставка, конзервативните пратеници мора да му ја покажат вратата, рече Дејви. (МИА)