забавен парк – Kurir.mk

Трагедија во забавен парк: Едно лице загина, неколку се повредени- ролеркостер се откачил од шините!

Катерина Бојаџиева — Sun, 25 Jun 2023 12:35:59 +0000

Едно лице денеска загина во несреќа во забавен парк во Шведска, а неколкумина се повредени. Шведските медиуми јавуваат дека во забавниот парк „Грона Лунд“, во Стокхолм, несреќата се случила на ролеркостерот, откако еден се откачил од шините и паднал на земја од височина од неколку метри. Паркот веднаш бил испразнет. „Ролеркостер Џетлајн“ достигнува брзина до 90 километри на час и височина од 30 метри. А со него годишно се возеле милион посетители.

Повторно е отворен за посетители: Технички дефект најверојатна причина за пожарот во најголемиот забавен парк во Германија

Катерина Бојаџиева — Tue, 20 Jun 2023 10:46:14 +0000

Пожарот во најголемиот забавен парк во Германија, во градот Руст во покраината Баден-Виртемберг, најверојатно бил предизвикан од технички дефект, соопшти денеска германската полиција, иако ќе бидат потребни неколку недели за да се направи конечен извештај, јави ДПА. Паркот денеска е отворен за посетители, еден ден откако пожарот предизвика евакуација на 25.000 луѓе. „Сите атракции и хотели во паркот „Европа“ кој се простира на 95 хектари се отворени, освен областа зафатена од пожарот“, изјави портпаролката на паркот. Пожарот избувна вчера попладне во техничката просторија на затворената атракција „Волшебниот свет на дијамантите“, во која има анимирани џуџиња кои работат во рудник за дијаманти и змеј. Безбедносните механизми, како што се детекторите за пожар и алармите, работеле според планираното, соопшти полицијата. Повеќе од 450 пожарникари, полицајци и други работници за итни случаи беа распоредени во паркот, кој се наоѓа во близина на Фрајбург, недалеку од француската граница. Во пожарот полесно беа повредени двајца пожарникари.

ВИДЕО: Итна евакуација, пожар во најголемиот забавен парк во Германија

Ивона Петрова — Mon, 19 Jun 2023 17:43:53 +0000

Голем пожар избувна денеска во најголемиот забавен парк во Германија, Европа-парк, што доведе до евакуација на посетителите. На видео објавено на интернет се гледа црн чад од дел од забавниот парк. Европа-парк е огромен забавен парк лоциран во градот Руст во покраината Баден-Виртемберг. Причината за пожарот засега не е позната. Паркот е отворен во 1975 година, а цената на билетот се движи меѓу 40 и 300 евра.

ФОТО: Роналдо со семејството во забавен парк, бил отворен само за нив

Ивона Петрова — Tue, 17 Jan 2023 09:47:29 +0000

Кристијано Роналдо и неговото семејство уживаат во Ријад, а вчера биле во посета на забавен парк. Ова не е вообичаен семеен излет, бидејќи ништо не е класично кога се работи за Роналдо. Португалецот и неговото семејство имаше големо обезбедување, а според пишувањата на некои медиуми забавниот парк бил отворен само за нив. Децата имале одлична забава, но според објавените фотографии добро се забавувала и Георгина. За потсетување, Роналдо во Ал-Наср има годишна плата од 200 милиони евра. Дополнително на располагање му стојат луксузни автомобили, приватен супермаркет, приватен трговски центар...

Славески: Нов забавен парк за Скопје

Тале Кристо — Fri, 08 Oct 2021 20:09:44 +0000

Град со ред во сообраќајот. Град со безбеден и ефикасен еколошки јавен превоз. Гасифициран град со можност за приклучок во секое домаќинство. Град со десетици илјади метри квадратни нови паркови. Град со нова Универзална сала, нов забавен парк. Град со нови можности за младите да останат да живеат и творат во Скопје. Тоа е Скопје што го сакаме, тоа е Скопје што го заслужуваме! Тоа е Скопје за кое вреди да се бориме, истакна Трајко Славески, носител на советничката листа за Град Скопје на вечерашниот митинг во општина Гази Баба. Славески порача дека на скопјани му се потребни проекти, а не празни ветувања. -На Скопје му се потребни проекти. Вистински, реални и остварливи. Не само списоци на желби и празни ветувања за мегаломански зафати. Не само мостови кои не водат никаде. Ние се зафаќаме со решавање на вистинските проблеми на граѓаните, вели Славески. Славески ја побара поддршката од грашаните на Гази Баба, на 17ти октомври да излезат да го заокружат бројот 7 за Бобан Стефковски, за советот на Храд Скопје, како и поддршка за Данела Арсовска со заокружување на бројот 82 за модерно Скопје.

Го ветуваше и градоначалникот Шилегов, сега го ветува и кандидатот за градоначалник Шилегов: Забавниот парк сè уште само СОН за граѓаните!

Катерина Бојаџиева — Fri, 08 Oct 2021 10:55:08 +0000

Истиот проект што го ветуваше и не го реализираше градоначалникот Петре Шилегов, сега го вметна во партиската програма и го ветува кандидатот за градоначалник Петре Шилегов. Сонот на граѓаните, пред се на скопјани, да имаат забавен парк во градот, се уште е само СОН! Кандидатот на СДСМ за градоначалник на Скопје Петре Шилегов денеска на прес-конференција го презентраше „новиот“ забавен парк, кој ќе се наоѓа на местото на стариот Луна парк и чија изградба, како што вели нема да има буџетски импликации врз Градот Скопје. Шилегов, кој како градоначалник најави дека Забавниот парк ќе биде пуштен во употреба до средината на 2020 година, сега како кандидат за градоначалник најави дека паркот треба да биде готов летото 2023 година. Една и пол година по одлуката на Советот да се одложи изградбата на паркот, денеска Шилегов најави дека неговата изградба ќе почне на крајот на оваа година. -За забавниот парк градот има завршено проект, обезбеден буџет, соодветен план за јавни набавки и соодветна локација за градба, информира Шилегов. Забавниот парк, како што појасни, ќе се наоѓа на местото на стариот Луна парк, на иста парцела, со иста големина и со ист број на дрвја, бидејќи, како што рече, проектот го проектирале внимателно со цел да ја заштитат животната средина во градскиот парк. Предвидени се 27 реквизити, односно содржини за три различни возрасти на граѓани – детски дел, семеен дел и екстремен, адреналински дел. -Адреналинските содржини ќе бидат користени и од повозрасните, како на пример ролеркостер, кој ќе биде најголем на Балканот, а ќе можат да го користат и возрасните. Паркот може да прими повеќе од 3000 постетители секој ден или преку милион посетители годишно. Ќе биде изграден по стандарди за квалитет и безбедност. Покрај реквизитите предвидуваме содржини на ресторани, сувенирници, тоалети, друг тип продавници и придружни содржини за пристоен престој на посетителите, информира Шилегов. Тендерот, како што рече тој, ќе го распишат после изборите, а паркот треба да биде готов летото 2023 година, односно за 18 месеци. -Креираме нови работни места, ја помагаме локалната економија, проектот е целосно самоодржлив, за реализација на овој проект ќе се бара инвеститор кој ќе го финансира овој проек и нема да има буџетски импликации врз градот. Еднаш кога ќе почне да работи сам ќе се исплати. Се очекува паркот да се исплати за три години од неговото зпаочнување со работа. Скопјани го добиваат најдобриот парк во регионот за нула денари, информира Шилегов, додавајќи дека планирани се најмалку 200 вработувања во новиот забавен парк. Со ова, според Шилегов, Скопје станува регионален туристички центар, а најави дека на местото на сегашните бараки, бидејќи е во тек постапката за набавка на нова градска куќа, ќе изградат голем паркинг и влез во градскиот парк. -Во паркот ќе овозможиме да се развива т.н. семеен туризам, со оглед на тоа што во најмалку 300 километри радиус од Скопје ваков тип на забавен парк и целосен концепт не постои, заклучи Шилегов. Шилегов практично денеска презентираше Забавен парк кој скопјани веќе заборавија дека некогаш ќе се изгради. Во средината на 2019 година, градоначалникот Шилегов под името „The world“ на прес-конференција го промовираше тематскиот забавен парк, кој требаше да биде изграден на местото на стариот Луна Парк, а според проценките требаше да биде пуштен во употреба до средината на 2020 година. И тогаш Шилегов ветуваше дека новиот забавен парк ќе опфаќа најсовремени реквизити кои ќе им нудат забава на сите посетители без оглед на нивната возраст. -Проектирано е во паркот да има 3 зони- детска, фамилијарна и адреналинска зона, во кои ќе се постават 24 различни реквизити и содржини. Самиот парк ќе се протега на истата површина како и досега, а сите реквизити во паркот ќе се поставуваат, односно лоцираат, според постојните дрвја на парцелата. Забавниот парк ќе се простира на околу 26.000 квадратни метри, беше презентирано на прес-конференцијата во 2019 година. За потсетување Луна Паркот започна да го гради минатиот градоначалник на Скопје, Коце Трајановски кој им вети на граѓаните нов забавен парк по 44 години. Во проектот беа најавени 27 реквизити, од кои 3 адреналински, 6 семејни и 18 детски реквизити. За Луна паркот кој започна да се гради од претходникот на Шилегов, беа отпочнати и градежни работи во вредност од 4 милиони евра, инвестиција на Градот Скопје. Но, Шилегов сето ова го стопираше и не го дофинансира проектот, туку реши дека да бара јавен приватен партнер. Инаку, пред Шилегов да го запре градењето на Луна Паркот, во март 2017 година пристигнаа првите седум реквизити за новиот парк што сега некаде уште фаќаат прашина и можеби се плаќа лежарина за нив. Едно е сигурно, највеќе изгубија граѓаните кои сега нема никаков забавен парк за забава и разонада. K.B.

Шилегов со истите лажни ветувања како во 2017 година: Ветува нов забавен парк, решавање на сообраќајниот хаос, а загадениот воздух веќе бил решен!

Дарко Андоновски — Wed, 29 Sep 2021 07:47:53 +0000

Во следните четири години ќе го заокружиме целосно процесот за решавање на собораќајниот хаос во градот, во првиот мандат започнавме храбро, а во следниот ги завршуваме сите проблеми за Скопје да биде град без инфраструктурен проблем во следните 50 години, рече Петре Шилегов, кандидат за градоначалник на Скопје, на вечерашниот караван на СДСМ во паркот Ибни Пајко. – Започнуваме да го пробиваме булеварот „Македонија“ познат како „Јужен булевар“, конечно ја поврзуваме Кисела Вода со Центар и со Карпош. Целосно го завршуваме булеварот Словенија, кој ќе води до Волково и до Ново Село, а ќе биде поврзан и со Општина Карпош со мостот на улица „Љубљанска“. Во центарот на градот ја градиме најголемата пешачка зона во Европа од стара Железничка до Бит Пазар, од Собрание до Палома Бјанка, целосно ќе го исчистиме градот заедно со општините затоа што изградивме инфраструктура во возила и потенцијал да можеме во наредниот мандат да понудиме на општините да влеземе пред секоја зграда и пред секој дом, нагласи Шилегов. Истакна дека во следните четири години Скопје ќе го добие забавниот парк. Како што информира, проектот е готов, а тендерот е распишан. – Најубавиот забавен парк во регионот, убедливо и еден од најубавите забавни паркови во Европа. Го одложивме лани само во интерес на заштита на интересите на Скопјани заради ковид кризата, нагласи Шилегов. Инаку, актуелниот градоначалник на Скопје Петре Шилегов, забавниот парк го најавуваше и минатите избори а во август 2018 година изјави дека веќе од 2019 тој ќе биде во функција и ќе биде ставен на располагање на Скопјани. Но тоа не се случи. Потенцира дека тој и неговиот тим имаат реален и проверен план како тоа да биде реализирано. – Успеавме. Скопје денес е една поинаква приказна. Скопје денес е подобро од пред четири години, покажавме дека знаеме поинаку, дека можеме подборо. Пред четири години ја почнавме оваа приказна барајќи промени, рече Шилегов, додавајќи дека никој од кандидатите не зборува веќе за аерозагадувањето во Скопје. Воздухот, истакна, денес е далеку почист и затоа тоа, според него, веќе не е тема. – Сите аналзи пикажуваат дека е тоа така. Оваа војна не е завршена, работа имаме уште, ќе продолжиме и понатаму. Покажуваме дека водиме грижа за јавниот интерес. Градските улици и булевари се градат и побрзо и поквалитетно и певитно од порано. Новата приказна за скопје е и приказна за град кој конечно се разбуди од сивилото и стана дури и во короната град на културата, се гради новата Универзална сала, додава Шилегов. Се осврна на вчерашниот говор на кандидатката за градоначалник на Скопје Данела Арсовска, за која посочи дека е лош менаџер. – Само лош менаџер може да нуди брзи решенија, добриот менаџер темелно планира и реализира, како што можевте да слушнете. Скопје не смее и нема да биде уште еден експеримент на ВМРО-ДПМНЕ, Скопје не е сопственост на ниту една партија, туку на граѓаните. Затоа не ги потценувајте Скопјани и нивната интелигенција, заклучи Шилегов, нагласувајќи дека ова не се избори на кои се определува само кој ќе биде градоначалник на Скопје, туку избори во кои се бира меѓу полтиката на континуитет или враќање назад кон лажните митови и криминалот.

Во Јапонија се отвора забавниот парк „Светот на Супер-Нинтендо“

Магдалена Андонова — Mon, 30 Nov 2020 13:12:17 +0000

Тематскиот забавен парк „Светот на Супер-Нинтендо“ требаше да биде отворен оваа година во Осака, Јапонија, поради Олимписките игри во Токио. Но, тоа не се случи поради пандемијата на коронавирусот, па сега е одреден нов датум. Иако минатиот месец бројот на новозаразени со коронавирус го урна рекордот во САД, Франција и Италија, паркот „Светот на Супер-Нинтендо“ во Осака ќе биде отворен на 4 февруари. И Јапонија бележи поголем број заразени од порано, со потврдени 2.585 нови случаи изминатава седмица. Од почетокот на пандемијата, вкупно над 148.000 луѓе се заразени, а 2.057 лица починаа. Тематскиот парк ќе има голем број атракции, меѓу кои и фантастичниот ролеркостер „Марио Карт“. Тука е и Замокот Баусер, а посетителите ќе може да користат и т.н. очила за алтернативна реалност, за да ја искусат играта „Марио карт“. Целиот тематски парк е, всушност, една огромна игра, и секоја атракција се заснова на некој карактер. И кафулето „Кафѐ Марио и Луиџи“ е веќе отворено. Сличен тематски парк ќе се отвори и во Орландо, Флорида, САД, во 2023 година. (МИА)

ВИДЕО: Пожар во забавен парк во Кина – најмалку 13 починати и 15 повредени

Ивона Петрова — Fri, 02 Oct 2020 08:00:51 +0000

Најмалку 13 лица го загубија животот и 15 се повредени во пожар кој избувнал во забавен парк во кинеската провинција Шанси, соопшти Министерството за вонредни ситуации. Сите повредени се примени во болница и нивната состојба е стабилна. Пожарот избувнал во делот од паркот во кој се изложени ледени лампиони и снежни скулптури. Несреќата се случила на почетокот на осмодневниот национален празник кога се очекува милиони луѓе да допатуваат во Кина.

Во забавен парк им прават ужасни работи на животните: Ова воопшто не е забавно, нехумано е (ВИДЕО)

Ивана Ефремовски — Tue, 21 Jan 2020 12:44:03 +0000

Новата атракција во кинески тематски парк предизвика гнев кај јавноста бидејќи е исклучително необична и сурова. Видеото брзо се рашири на кинеските социјални мрежи, но не од добри причини. Многумина ги осудија водачите на забавниот парк за нехумано постапување со свињи. На социјалните мрежи се појави видео на кое се гледа дека Кинезите фрлаат свиња од банџи надвор од платформата висока 70 метри. Во видеото се слуша свиња како испушта крици додека е фрлена во бездна. Околу платформата се слушаат навивање и смеа. Снимките потоа преминуваат на сцената каде животното се гледа скоро во несвест, потоа се одвлекува, а со овој чекор официјално се отвори платформата за скокање. Извор: Кумановски муабети