заболен – Kurir.mk

Втор случај на заболен со индискиот сој на коронавирус во Македонија

Тале Кристо — Sat, 19 Jun 2021 13:56:33 +0000

Евидентиран е уште еден пациент заболен од индискиот сој на коронавирус, потврди денеска министерот за здравство Венко Филипче. Досега во Македонија се регистрирани само двајца граѓани кои се заразиле со индиската мутација. Првиот заболен беше откриен во јуни, а претходно престојувал во Ирак. -Пред два дена имавме состанок во рамките на Берлинскиот процес со германскиот министер за здравство и сите министри од регионот од Западен Балкан. Стравување од индискиот сој или некоја нова форма на мутација која може да виде позаразна од сегашните актуелни постои насекаде. Но, битно е дека сите вакцини штитат од тешка форма на бoлеста или од смртен исход, дури и од таква мутирана форма на вирусот. Досега епидемиолошките анкети кои се направени покажаа дека некаков ризик, а со тоа и дополнителни мерки не треба да се прават, рече министерот Филипче денес во Битола.

Поразителна статистика: Секој 60-ти Македонец се заразил со коронавирус

Тале Кристо — Sun, 01 Nov 2020 14:43:24 +0000

Според последните официјални информации на ИЈЗ, Во последните 24 часа од направени 2449 тестирања, регистрирани се 865 нови случаи на Ковид-19, починале 10 лица, а оздравени се 359. Заклучно со оваа последна статистика до сега вкупниот број на на ковид дијагностицирани во Македонија од почетокот на епидемијата изнесува 32436 и доколку се направи пресметка на глава по жител, односно секој 60ти граганин од 2 милиони жители се разболел од корона вирус. Инаку Македонија е и на врвот на починати лича од коронавирусот во глава на жител. Според денешните офиицијални бројки бројот на починати од Ковид-19 надмина 1000 лица, односно од смртоносниот вирус во Македонија до сега починаа 1004 лица.

Штипјанец повторно заболел од ковид 19

Магдалена Андонова — Wed, 05 Aug 2020 12:20:17 +0000

Штипјанецот еднаш заболел, оздравел и повторно бил инфициран и во моментов се наоѓа на болничко лекување, информираше денеска директорот на штипската клиничка болница Ален Ѓеорѓијев, пренесува ммс.мк На инфективното одделение во моментов се лекуваат 35 пациенти заболени одковид 19, 11 се сомнителни случаи. Најмногу пациенти има од Штип, но има и од Кочани, Виница, Пробиштип , Берови и од други места. Денес во Штип се евидентирани 11 ново заболени од короновирусот. Од почетокот на пандемијата до сега заболени се 887 лица а во моментов се активни 433 лица. Како што информираше директорот, до крајот на овој месец ако се завршат сите процедури треба да пристигне и болничкото возило со најсовремена опрема, донација од германската амбасада во вкупна вредност од 38.000 евра, пишува ммс.мк Во тек се и подготовките за изградбата на монтажната болница, што ќе биде еден од 16-те Ковид центри во државата.

Втор случај на заболен од новиот коронавирус во САД

Тале Кристо — Fri, 24 Jan 2020 16:17:02 +0000

Центарот за контрола и спречување болести во САД денеска потврди за втор регистриран случај на заболен од новиот коронавирус. Инфицирана е жена на возраст од 60 години во Чикаго која неодамна била во Вухан, во Кина. Според Центарот, жената не користела јавен превоз и не била болна кога патувала, соопштија здравствените власти во Чикаго. Од 63 лица кои се под лекарски надзор од 22 држави, 11 се тестирани негативно, соопшти Центарот на прес конференција. Новооткриениот вирус уби 26 лица и зарази повеќе од 800, но повеќето случаи и сите смртни случаи досега има во Кина, каде властите воведоа ограничувања за патувања и јавни собири.