Оваа карактерна особина сигурно ве нервира: Верувале или не таа е показател дека сте интелигентни!

Ивана Ефремовски — Fri, 02 Oct 2020 07:19:50 +0000

Во секојдневни ситуации, луѓето постојано се жалат дека често забораваат, што може да биде доста фрустрирачко. Иако се третира како лоша особина, заборавањето е всушност знак на интелигенција, тврдат научниците. Имено, едно канадско истражување покажа дека добрата меморија на мозокот е преценета, и дека нејзината спротивност – заборавноста е всушност показател за висока интелигенција. -Добро е мозокот да заборави помалку важни работи затоа што тогаш може да се фокусира на работи што можат да му помогнат да извршува задачи и да носи одлуки, вели авторот на студијата Блејк Ричардс, како што објави Индипендент. До неодамна, оваа карактеристика се сметаше за човечки недостаток и многу конфликти се јавуваат кога една личност постојано заборава на ситниците од секојдневниот живот, но се чини дека не е толку лошо. -Каков вид на информација ќе се запомни зависи од ситуацијата. Меморијата е под влијание на околината, односно важноста на тоа опкружување. Ако тоа е ситуација што нема да се повтори наскоро, луѓето ќе ја заборават, вели Ричардс. Како пример, тој ги наведува работниците во супермаркетите кои гледаат многу различни луѓе во еден ден и можеби никогаш повеќе нема да ги видат – овие луѓе едноставно нема да бидат врежани во нивната меморија. -Од друга страна, имаме келнер од локално кафуле што ќе се сеќава на луѓето кои доаѓаат кај него повеќе од еднаш. Очигледно е најдобро да чувате спомени ако не паметите апсолутно сè, забележува тој и додава: Ако се обидувате да донесете одлука, тоа ќе биде невозможно затоа што вашиот мозок постојано е бомбардиран со бескорисни информации. Луѓето со добра меморија честопати се идеализираат, но поентата на запомнување е да запомнат ситуации што се важни за животот.

заборавеност – Kurir.mk

Оваа карактерна особина сигурно ве нервира: Верувале или не таа е показател дека сте интелигентни!