забрана за тешки товарни возила – Kurir.mk

Забрана за камиони на патот Струга – Ќафасан

Дарко Андоновски — Fri, 21 Jan 2022 14:40:27 +0000

Од 14.20 часот, поради врнежи од снег, се воведува забрана за сообраќај на тешки товарни возила на патниот правец Струга - Ќафасан, соопшти АМСМ.

Во текот на денот инаку имаше и други забрани за движење на тешки товарни возила на неколку патни правци, а УХМР снег најавува во текот на целиот ден, но и викенд.

Покрај Плетвар, забрана за сообраќај за тешки моторни возила има и од село Узем до ГП „Деве Баир“

Катерина Бојаџиева — Tue, 11 Jan 2022 21:30:35 +0000

Поради снежни врнежи вечерва од 21:00 часот е воведена забрана за сообраќај за тешки моторни возила на магистралниот пат А-2 од село Узем до Граничниот премин „Деве Баир“. Како што информира АМСМ, забрана за сообраќај за тешки моторни возила вечерва има и на планинскиот превој Плетвар.

Забрана за сообраќај за тешки товарни возила на овие патни правци

Катерина Бојаџиева — Mon, 10 Jan 2022 17:37:42 +0000

Поради превртено возило, денеска од 16:00 часот во прекин е сообраќајот за тешки товарни возила на патниот правец Штип – Миладиновци. Како што информираа од Автомото сојузот на Македонија (АМСМ), забрана за сообраќај за тешки товарни возила има и на кракот Маврово – Дебар. На патниот правец Свети Николе – Миладиновци, на 10 километри пред Миладиновци, поради свлечиште и голем одрон, сообраќајот е пренасочен само на една коловозна лента во должина од 150 метри. На самото место е поставена соодветна сообраќајна сигнализација. На учесниците во сообраќајот им се препорачува внимателно возење. Сообраќајот на државните патишта се одвива по влажни коловози, на некои повисоки места наместа со остатоци од кашест снег на коловозот по интервенција на дежурните екипи на ЈП „Македонија пат“. Врнежи од снег со променлив интензитет се бележат на Попова Шапка, Стража, Маврово, Гостивар, Дебар, Крушево, Кичево и на планинските премини Буково, Ѓавато и Пресека. Намалена видливост до 50 метри поради магла има на планинскиот превој Ѓавато.

Свлечиште на патот кај село Косоврасти, забрана за тешки товарни возила

Катерина Бојаџиева — Tue, 14 Dec 2021 07:15:37 +0000

Патниот правец Маврово – Дебар кај село Косоврасти изутрина од 06:30 часот сообраќајот е дозволен само за лесни возила кој се одвива по девијација. Забрана за сообраќај важи само за тешки товарни возила. Патот беше затворен за сообраќај во двата правци од ноќеска во 02.15 часот поради свлечиште на земја. -Сообраќајот на државните патишта се одвива по претежно влажни коловози, на планинските превои со наместа остатоци од кашест снег на коловозот по интервенција на дежурните екипи на ЈП Македонијапат, информира АМСМ во утринскиот извештај за состојбата на патиштата. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Тоа посебно се однесува за делниците Катланово – Велес, Маврово – Дебар – Струга, Виница – Берово и Кочани –Декчево.