Топ 10 најпознати забранети места на Земјата

Ристе Здравков — Mon, 04 Jul 2022 07:37:53 +0000

Многумина тајно сакаат да посетат, или барем „да фрлат поглед“ на места каде што ниту еден обичен човек никогаш не стапнал, или пак, не смее да стапне… Интернет-страницата „Квизклаб“ издвои 10 од можеби најпознатите забранети места на планетата Земја. 1. Змискиот Остров, во Бразил Малиот Змиски Островот кај брегот на Бразил на Атлантскиот Океан, е можеби најопасното место на Земјата. Ова е единствениот дом на критично загрозениот, отровен златен јамски вајпер. Бразилската влада го затвори островот за јавна посета со цел да ги заштити и луѓето и змиите на него. 2. Межгорје, Русија Межгорје е затворен град во Русија. А, не се знае многу за тоа… Гласините говорат дека тука се или биле сместени два воени батаљони, тајна нуклеарна ракетна база и огромен подземен објект. 3. Област 51, Невада, Соединети Американски Држави Областа 51 често е предмет на теории на заговор за вонземјани. Многу луѓе веруваат дека тука американската Влада има складирано и крие тела на вонземјани и НЛО-а. Областа е означена со портокалови столпчиња и околу неа патролираат чувари во бели камиончиња и маскирни облеки. На стражарите не им е дозволено да зборуваат за нивните работодавци. 4. „Роуз тауер“ – „државата“ Силенд Кнежевството Силенд е самопрогласена држава од 1967 година, што како нејзина територија, „ја зазема“ кулата „Роуз тауер“ – воена платформа во Северното Море од Втората светска војна. „Роуз Тауер“ е „окупирана“ од семејството и соработниците на Педи Рој Бејтс, кој воведе и устав на Силенд, национално знаме, национална химна, валута и пасоши. Ако сакате да ја посетите „земјата“ Силенд, ќе треба да добиете дозвола од нејзината Влада. 5. Островот Северен Сентинел, Индија Северен Сентинел е мал остров, опкружен со плиток гребен. Тоа е дом на Сентинелезите, а тие јасно ставиле до знаење дека не сакаат странци, бидејќи го убиваат секој посетител. Индиските власти ја признаваат желбата на островјаните да бидат оставени сами. Тие забрануваат патување на островот и со цел да спречат жителите на племињата да се заразат со болести на кои немаат имунитет. 6. Зградата „Форт Нокс“ во САД „Форт Нокс“ е американска владина зграда чувана од Армијата на САД, во сојузната држава Кентаки. Се нарекува најобезбедуваното место на планетата и тука се сместени околу половина од златните резерви на САД. „Форт Нокс“ е опкружен со челична ограда, а самото здание е своевидна тврдина од гранит обложен со бетон и зајакнат со челик. 7. Чернобил, Украина Чернобил е делумно напуштен град во Украина. Бил евакуиран на 5 мај 1986, девет дена по нуклеарната несреќа во нуклеарната централа „Чернобил“, која се смета за најголемата нуклеарна катастрофа во историјата. Денес, посетите во Чернобил се дозволени, но ограничени со строги правила. Има и две продавници и туристички хотел. 8. Светскиот трезор за семиња „Свалбард“ во Норвешка „Свалбард“ е објект за долгорочно складирање семиња. Местото се наоѓа на островот Спитсберген, а местоположбата се смета за идеална бидејќи нема тектонска активност и има вечен мраз, што помага семињата да бидат зачувани. Пристапот до Светскиот трезор е ограничен само за вработените таму. 9. Пештерите Ласко во Франција Ласко е група пештери во југозападна Франција, познати по палеолитските пештерни слики. Цртежите се заеднички напор на многу генерации праисториски луѓе. Местото е затворено за јавноста бидејќи јаглерод-диоксидот, топлината и влажноста, со еден збор – посетителите може да ги уништат сликите. 10. Големиот храм „Исе“ во Јапонија „Исе“ е шинтоистички храм што Јапонците го обожуваат како „Душата на Јапонија“. Зградите на светилиштето се направени од цврсто дрво чемпрес и не се користени клинци, туку дрва се само прилепени. Пристапот е строго ограничен. На туристите не им се дозволува само поглед оддалеку – зад четирите високи дрвени огради.

Во Турција забранети јавните собири

Тале Кристо — Fri, 20 Mar 2020 14:29:14 +0000

Турскиот претседател Реџеп Тајип Ердоган денеска потпиша декрет со кој се одлагаат сите научни, културни и уметнички настани до крајот на април, со цел да се ограничи ширењето на новиот коронавирус. Во Турција досега починаа четири лица од Ковид-19, 359 се инфицирани, а 9.800 луѓе се во карантин. Ердоган упати апел до граѓаните да останат во своите домови, но не и да престанат да одат на работа. Во Турција суспендрани се летовите за 20 држави, затворени се училиштата, кафулињата и баровите, забранети се масовните молитви и нареди одложување на спортските настани. Вондредни мерки воведе и турската Централна банка, а Владата отвори специјален фонд од 15 милијарди долари наменети за помош на економијата. Се затвора и текстилната индустрија поради што расте загриженоста за судбината на повеќе стотици илјади работници. Трендот го следат и трговските центри, каде се вработени околу 530.000 работници и остваруваат годишен обрт од околу 160 милијарди долари.

забранети – Kurir.mk

Топ 10 најпознати забранети места на Земјата

Во Турција забранети јавните собири