задар – Kurir.mk

Забрането пливање на познатата хрватска плажа

Ивона Петрова — Sun, 27 Aug 2023 08:12:04 +0000

Поради загадувањето не се препорачува капење на плажата Марек во центарот на Задар до понатамошно известување. Препораката е издадена врз основа на извештај од Задарскиот институт за јавно здравје поради краткотрајно загадување на морето. -Градскиот институт ќе го следи квалитетот на морето и ќе ја информира јавноста за прекин на загадувањето на морето, стои во соопштението. Неофицијално се дознава дека загадувањето настанало поради излевање на фекалии од канализацијата.

ВИДЕО: Голем пожар во близина на Задар, шест авиони го гаснат

Магдалена Андонова — Mon, 25 Jul 2022 15:45:56 +0000

Три канадери и три Ер Трактора го гаснат пожарот кој избувна околу пладне во близина на Задар. - Дојава за пожарот добивме во 11.55 часот, а огнот се шири, иако наскоро очекуваме истиот да биде локализиран, вели противпожарниот командант Матеј Рудиќ. Во пожарот изгореле неколку хектари шума, а засега станбените објекти не се загрозени.

Ф4 во СЕХА-лигата повторно во Задар

Тале Кристо — Mon, 05 Jul 2021 11:42:50 +0000

Хрватскиот приморски град Задар ќе биде домаќин на завршниот турнир од Регионалната ракометна СЕХА-лига за сезоната 2020/21. – И покрај тоа што остануваат уште неколку натпревари пред завршниот турнир во СЕХА – Газпром Лига, ние сме горди што го објавивме датумот и времето на финалето на оваа сезона. Ќе се игра од 3 до 5 септември во Задар, Хрватска.Северна Далмација е нашиот дом на Фајнл 4 втора година по ред и не очекуваме ништо помалку од истата возбуда како и минатата година. Затоа, еден од најмодерните спортски центри во Хрватска, „СЦ Вишњик“, ќе биде домаќин на четири од најдобрите тимови кои ќе успеат да ги надминат сите пречки, објавено е на официјалната веб-страница на СЕХА. Полуфиналните натпревари ќе се играат во петок (3-ти септември), додека два натпревари за пласман ќе се одржат во недела (5-ти септември). Осум екипи ќе се обидат да изборат учество на Ф4 турнирот, меѓу кои и македонските претставници, Еурофарм Пелистер и Вардар. Тука се уште и: Мешков Брест, Мотор Запорожје, Нексе, ППД Загреб, Татран Прешов и Веспрем. Целиот турнир ќе се спроведе следејќи ги упатствата за пандемија.

Го полните ли и вие мобилниот телефон во текот на ноќта- oткако ќе дознаете колкава штета му направи на овој сопственик ќе се запрашате

Дарко Андоновски — Thu, 01 Aug 2019 07:48:41 +0000

Прегревањето на батерија која цела ноќ била на полнач предизвикала пожар во еден стан во центарот на Задар. Пожарникарската екипа во Задар примиле дојава за пожар на полуостровот во стан на третиот кат од една зграда, објавуваат хрватските медиуми. На местото на случувањето веднаш пристигнале пожарникарите и полицијата, а тие утврдиле дека пожарот избил во стан на 54 годишен сопственик. Надлежните после истрагата утврдиле дека пожарот избил поради загревање на батеријата на телефонот кој бил приклучен на полнач во дневната соба, а потоа пожарот се проширил низ целата соба. Материјалната штета допрва ќе се утврдува, а надлежните упатуваат апел мобилните телефони да не се полнат навечер додека сопствениците спијат.

Две момчиња пронајдени мртви во автомобил во шума: Пред да се самоубијат напишале трогателно писмо „Збогум татковино“

Дарко Андоновски — Wed, 19 Sep 2018 11:24:46 +0000

Регионот е во шок откако во хрватските медиуми се објави веста дека две млади момчиња се пронајдени мртви во нивниот автомобил среде шума во Задар. Станува збор за момчиња кои биле на 22 и 23 годишна возраст од Задар кои биле соседи и најдобри пријатели. Двајцата извршиле самоубиство во автомобилот задушувајќи се со плин, а оставиле и писмо со зборовите „Поздрав татковино“, објавува „Слободна Далмација“. Автомобилот со безживотните тела ги пронашол локален овчар кој забележал дека автомобилот се уште работи. Полицијата се уште работи на расчистување на случајот.

Чудесни фотографии: Најдобрите моменти од спектакуларниот пречек на Модриќ и соиграчите во Задар (ФОТО ГАЛЕРИЈА)

Матеја Петровски — Wed, 18 Jul 2018 15:10:23 +0000

Незаборавна прослава припремија во Задар за своите сограѓани кои беа дел од репрезентацијата на Хрватска. Лука Модриќ, Даниел Субашиќ, Шиме Вршаљко и Доминик Ливаковиќ, беа поздравени од илјадници луѓе. Колку беше емотивно и моќно забележано беше од одличниот задарски фотограф Филип Брала, пишуваат медиумите во Хрватска. Со вечните хитови на далматинецот Младен Грдовиќ сите го следеа секој чекор на сребрените момци, а во 21 часот и 10 минути започна спектакуларниот дочек. Во 21:30 Лука и соиграчите од бината почнаа да шутираат потпишани топки во публиката. Во фантастичните фотографии во галеријата фатен е и Шиме Вршаљко, кој вози скутер на вода, како и Даниел Субашиќ кој малку се искапи во морето. Тука имаше и една генијална порака за капитенот Лука Модриќ.

Избегната трагедија на прославата во Хрватска: Вида понесен од алкохолот можеше да има пад од автобус, Субашиќ му го спаси животот (ВИДЕО)

Дарко Андоновски — Wed, 18 Jul 2018 10:20:19 +0000

Фудбалерите на Хрватска веќе два дена го прославуваат второто место на СП во Русија. Откако репрезентативците беа пречекани во Загреб, вчеравечер беа дел и од прославата во Задар каде се собраа околу 100 илјади навивачи да ги поздрават фудбалерите. Во целиот тој занес и под многу алкохол, еден од највеселите фудбалери беше Домагој Вида кој скокаше по автобусот, а за момент ќе настанеше и поголема катастрофа. Вида во инцидентот падна од кровот, а за негова среќа Субашиќ му го спаси животот, погледнете.

It's saved. He did it again. #Subasic #Cro ? pic.twitter.com/y7YOq3NCKh
— AɴᴛᴏNɪᴏ ʙᴇᴢ J ? (@Antonio_Mtk) July 17, 2018

Субашиќ не и верува на својата девојка- откако таа седна да го управува авионот, голманот на фановите им упати шокантна порака (ФОТО)

Дарко Андоновски — Wed, 18 Jul 2018 08:07:15 +0000

Голманот на Хрватската репрезентација Даниел Субашиќ кој е еден од најзаслужните за успехот на СП вчера во текот на денот на својот Инстаграм профил со фановите сподели несекојдневна фотографија со својата девојка. Откако фудбалерите заминаа за Задар каде вчера имаа пречек од страна на жителите, голманот Субашиќ заедно со својата девојка Антонија Бока со авион полета за неговиот роден град. Министерот за одбрана како што го нарекуваат во Хрватска објави фотографија на која неговата девојка го управува авионот прашувајќи ги фановите „дали ќе стигнат до Задар?“. Сепак се помина во најдобар ред, а голманот жив и здрав пристигнал во Задар и вечерта имал одличен пречек со останатите репрезентативци.

Експлозија пред полициска станица во Задар

Дарко Андоновски — Mon, 16 Apr 2018 10:44:07 +0000

Во дворот на полициска станица во Задар ноќеска околу 2.30 часот експлодира засега непозната направа, соопшти денеска хрватската полиција. Во моментот на експлозијата во близина на зградата немало дежурни полицајци или минувачи, па при инцдиентот нема жртви. Ивршен е увид на местото на експлозијата, а во рамките на истрагата на сослушување се повикани повеќе лица. Засега нема други детали за случајот.