задолжителен карантин – Kurir.mk

Задолжителен карантин за патници од 30 високоризични земји во Велика Британија

Тале Кристо — Wed, 27 Jan 2021 08:55:31 +0000

Британската Влада денеска ќе го објави планот за ограничен хотелски карантин за Британците кои се враќаат од 30 земји со висок ризик, опфатени со забраната за патување поради Ковид 19, пишува британски „Тајмс“. Британските медиуми јавуваат дека станува збор за земјите од Јужна Америка, Португалија, Зелено’ртски Острови и Јужна Африка, пренесува Ројтерс. Премиерот Борис Џонсон го одби повикот на министерката за внатрешни работи, Прити Пател, за привремено затворање на границите, објави „Тајмс“, додавајќи дека Пател побарала забрана за патувања за да се запре пренесувањето на потенцијално отпорните видови на коронавирус во земјата. Британскиот премиер претходно соопшти дека се разгледува можноста за воведување карантински хотели за оние лица кои доаѓаат во Велика Британија, а со цел да се спречи ризикот од влегување на новите мутирани видови на коронавирус во земјата. Првите луѓе на авиокомпаниите, вклучувајќи ги и „Бритиш ервејз“, Вирџин Атлантик“ и „Изи џет“, веќе излегоа со критика на таквиот план за некои или сите пристигнувања во Велика Британија и побараа пакет економска поддршка. Велика Британија во јануари претрпе драстично зголемување на инфекциите и смртните случаи од Ковид- 19, делумно поттикнати од новата, позаразна мутација на вирусот, што прво беше идентификувана во југо-источна Англија, соопштија британските медиуми.

Словенија од понеделник воведува задолжителен карантин

Тале Кристо — Sat, 18 Jul 2020 08:03:15 +0000

Од понеделник, Словенија ќе издава решенија за задолжителен карантин на оние што доаѓаат од „црвените“ зони на сите гранични премини со Хрватска, потврди денеска министерот за внатрешни работи Алеш Хојс. Станува збор за словенечки државјани или странци кои живеат во Словенија кои живееле во земји на „црвената листа“, со висок ризик поради епидемијата, како што се Србија, БиХ, Македонија, Косово и Црна Гора, а транзитираат низ Хрватска. Изминатите три дена Словенија има регистрирано 19 нови случаи на заразени дневно, а владиниот портпарол Јелко Кацин денеса рече дека сите нови случаи биле од веќе познати жаришта, дека инфекцијата е потврдена со тестирање додека биле во изолација.

До крајот на мај продолжен задолжителниот карантин во Грција

Тале Кристо — Tue, 19 May 2020 09:28:04 +0000

Мерката за задолжителен превентивен карантин од 14 дена за патниците од сите националности кои од било која меѓународна дестинација пристигнуваат во Грција, е продолжена до 31 мај 2020 година, за заштита од пандемијата на Ковид-19, јави дописничката на МИА од Атина. Агенцијата за цивилно воздухопловство на Грција во соработка со Министерството за здравство и цивилната заштита издаде конкретни упатства за патниците кои авионски пристигнуваат во земјата, а исклучок се транзит летовите, државните летови, здравствените, хуманитарните, воените, карго летовите, како и летовите на Фронтекс. Со одлуката Агенцијата за цивилно воздухопловство на Грција од минатата седмица, како што веќе објави МИА, до 14 јуни годинава привремено се забранети летовите од и кон Грција од Северна Македонија, Албанија и Турција, а за авионското поврзување со Италија, Шпанија, Велика Британија и Холандија, забраната важи до 31 мај 2020 година.

Од утре задолжителен карантин во Германија за лица кои доаѓаат од странство

Ивона Петрова — Thu, 09 Apr 2020 08:44:53 +0000

Од утре во Германија стапува на сила задолжителен карантин за лицата кои ќе дојдат од странство. Како што најави Министерството за внатрешни работи, сите лица кои доаѓаат од странство мора да бидат во двонеделен карантин. Во случај на непочитување на мерката следи казна од 150 до 25.000 евра. Сојузната држава и покраините договорија регулатива со која се предвидени единствени мерки. „Овие мерки се наменети со цел да го прекинат синџирот на инфекција во прекуграничниот сообраќај и со тоа да се спречи натамошно ширење на вирусот“, се наведува во соопштението на Министерството. Од задолжителниот карантин се изземени прекуграничните работници, лицата кои биле на службен пат, како и возачите на камиони