задолжителен тест – Kurir.mk

САД воведува нови правила: Задолжителен негативен тест и карантин за сите кои пристигнуваат со авион

Ивона Петрова — Fri, 22 Jan 2021 07:04:22 +0000

Американскиот претседател Џо Бајден потпиша наредба според која сите што патуваат во САД со авион треба да имаат негативен тест за коронавирус пред да се качат и да бидат во карантин по пристигнувањето во земјата, јави ДПА. – Поради новите варијанти на Ковид за кои учиме, воведуваме нова мерка за луѓето кои пристигнуваат со авион во САД од други земји, рече Бајден во говорот со кој го објави планот на неговата влада за борба против коронавирусот. – Покрај задолжителното носење маска, секој што ќе дојде во САД со авион од друга земја ќе мора да биде прегледан пред да се качи во авионот и да се стави во карантин кога ќе пристигне во Америка, додаде Бајден. – Нашата национална стратегија е сеопфатна, таа се базира на наука, а не на политика, таа се базира на вистина, а не на негирање, рече претседателот. – Нашиот план започнува со агресивна, безбедна и ефекасна кампања за имунизација за да се исполни нашата цел да инјектираме 100 милиони дози вакцина во првите 100 дена од нашата администрација, додаде тој. Бајден предупреди дека САД најверојатно ќе достигнат 500.000 смртни случаи од Ковид-19 следниот месец. Новиот претседател потпиша голем број уредби за спроведување на стратегијата за борба на неговата влада против коронавирусот. Тие имаат за цел да го забрзаат производството на вакцини, тестирање, поддршка на истражување за нови третмани, собирање и анализа на податоци.

Задолжителен тест за Ковид-19 за здравствените работници во Грција што ќе се вратат од одмор

Магдалена Андонова — Fri, 07 Aug 2020 11:04:30 +0000

По користењето на годишниот одмор, сите здравствени работници во Грција, пред да се вратат на работа, задолжително ќе треба да направат молекуларен тест за Ковид-19, јави дописничката на МИА од Атина. Според грчките медиуми, одлуката е на министерот за здравство Василис Кикиљас и испратена до сите здравствени установи во земјата, болници, здравствени центри и слично, а се однесува на лекарите, болничарите и останатиот персонал. (МИА)

Германија воведува задолжителен тест за коронавирус за сите кои влегуваат во земјата

Магдалена Андонова — Thu, 06 Aug 2020 12:19:17 +0000

Тестот за коронавирусот ќе биде задолжителен за сите луѓе кои доаѓаат во Германија од сабота од високоризични региони, изјави денеска германскиот министер за здравство Јенс Шпан. Тој ја даде изјавата откако 1.045 нови случаи на коронавирус беа регистрирани во Германија, што е прв дневен скок над 1.000 новозаразени лица за еден ден во последните три месеци. Од минатата сабота се спроведува бесплатен тест за сите меѓународни патници кои пристигнуваат во државата. Шпан верува дека зголемувањето на бројот на заразени лица се должи на патниците кои се враќале од странство и непочитување на физичката дистанца. (МИА)

Кипар: Задолжителен тест за туристите од Грција

Магдалена Андонова — Mon, 03 Aug 2020 08:28:16 +0000

Поради зголемениот број позитивни случаи на Ковид-19 кај туристи што се вратиле од различни делови на Грција, Министерството за здравство на Кипар соопшти дека ја преместува Грција во втората категорија земји и за патување е задолжителен негативен тест, јави дописничката на МИА од Атина. Одлуката стапува во сила на 6 август, а до тогаш ќе бидат зголемени тестовите по случаен избор на туристите што на кипарските аеродроми пристигнуваат од Грција. За земјите од втората категорија задолжителна е потврда за негативен молекуларен ПЦР тест направен 72 часа пред патувањето. Во оваа група, согласно ажурираната листа што минатата седмица ја објави Кипар се Велика Британија, Белгија, Франција, Италија, Шпанија, Хрватска , Холандија Чешка, Андора, Монако, Ватикан, Сан Марино, Австралија, Мароко, Руанда, Тајланд, Тунис, Уругвај и Кина, а од четврток се додава и Грција. (МИА)