задолжително тестирање – Kurir.mk

Шангај го продолжува задолжителното тестирање за Ковид-19 до септември

Магдалена Андонова — Sat, 13 Aug 2022 12:24:54 +0000

Најнаселениот град во Кина, Шангај, го продолжи задолжителното неделно тестирање за Ковид-19 до крајот на септември, со намера да ја држи под контрола епидемијата, соопштија денеска локалните власти. На граѓаните без евиденција за тестирање во рок од седум дена ќе им биде доделен жолт код во здравствениот систем на Шангај. Тоа значи забрана за пристап до одредени јавни места. Здравствените власти во кинескиот финансиски центар соопштија дека во петокот откриле еден симптоматски и три асимптоматски случаи. Според податоците од петокот, јужната провинција Хаинан е моментално најпогодениот регион во Кина, со 594 симптоматски и 832 асимптоматски случаи. (МИА)

Од денеска во Хонг Конг задолжително тестирање за Ковид-19 на високоризнични групи

Магдалена Андонова — Sun, 15 Nov 2020 12:25:47 +0000

Од денеска тестирањето за Ковид-19 е задолжително во Хонг Конг за високоризични групи граѓани, а на оние кои ќе одбијат тестирање им се заканува и затвор до шест месеци. Постои градација на казните, така што избегнувањето на првичното тестирање се казнува со парична казна од 257 американски долари. Секое последователно одбивање на тестирање може да се казни со повеќе од 3.000 американски долари или да се добие затворска казна од шест месеци. Владата објави вчера нови мерки што треба да помогнат во спречување на, како што се нарекува, четвртиот бран на ширење на вирусот во Хонг Конг, а мерките ги погодија луѓето со висок ризик и секој што ќе дојде во контакт со нив. Секоја таква личност мора да се тестира. Според новите правила, лекарите ќе можат да побараат од пациентите кои имаат симптоми на болеста да бидат тестирани. (МИА)

Германија воведува задолжително тестирање за оние кои се враќаат во земјата

Магдалена Андонова — Mon, 03 Aug 2020 08:41:21 +0000

Германскиот министер за здравство Јенс Шпан вели дека ќе биде воведено задолжително тестирање за сите патници кои се враќаат во Германија од високоризична област. „Имаме првични нацрти. Сакаме добро да се искоордимираме со сите гермаснки покраини, кои мораат да го воведат тоа на сите аеродроми и железнички станици“, рече Шпан, пренесе Ројтерс. Најави дека задолжителното тестирање ќе почне неделава. (МИА)

Германија: Наскоро задолжително тестирање за повратниците од ризичните подрачја

Магдалена Андонова — Thu, 23 Jul 2020 10:58:53 +0000

Министрите за здравство на германските сојузни покраини планираат да воведат задолжително тестирање на коронавирус за патниците кои се враќаат од земјите со голем број заразени лица. За тие потреби на аеродромите ќе бидат поставени центри за тестирање. Повратниците од ризичните земји, кои пристигнуваат по копнен пат, ќе треба да се тестираат веднаш по пристигнувањето во местото на престој. Мерката се воведува со цел да се избегне двонеделен карантин за повратниците од ризичните подрачја. Тестирањето ќе биде задолжително и бесплатно. Неформалниот договор, кој е постигнат вчера, треба да биде потврден на утрешната конференција по договорите со локалните институции за јавно здравство, кои ќе ги организираат тестирањата. Германија од европските земји како ризични, покрај Русија и Украина, ги вбројува и БиХ, Црна Гора, Албанија, Србија и Косово. На листата ризични земји членки на ЕУ се наоѓа само Луксембург. (МИА)