задушување – Kurir.mk

Млада мајка се обидела да го задуши своето 9-месечно бебе во околината на Кладово

Катерина Бојаџиева — Sun, 16 Jul 2023 19:20:23 +0000

Мајката А.А.(20) од околината на Кладово е уапсена под сомнение дека се обидела да го задуши своето деветмесечно бебе, јавија српски медиуми. На мајката ѝ е одредена мерка притвор до 48 часа и со кривична пријава ќе биде спроведена во Основното јавно обвинителство Неготин. Согласно Законот за спречување на семејно насилство, полицијата на А.А. ѝ изрече и вонредни мерки – времено отстранување од станот и забрана за приближување кон детето.

Старицата во Струмица е убиена со давење или задушување

Катерина Бојаџиева — Mon, 23 Jan 2023 11:24:56 +0000

Осумдесет и три годишната старица М.Б., која пред три дена беше пронајдена мртва во својот дом на улицата „Димитар Цветинов“ била убиена. Првичните информации од ОЈО Струмица по извршената обдукција покажале дека причина за смртта е надоврешна сила, односно таа била задавена или задушена. Од струмичкото Oбвинителство не соопштуваат повеќе детали во интерес на истрагата. Додаваат дека интензивно се работи на расчистување на случајот и откривање на сторителот или сторителите на овој грозоморен чин. Инаку, безживотното тело на старицата, која живеела сама, беше пронајдено во петокот попладне од блиски членови на семејството, кои повикале Итна медицинска помош, а оттаму ја известиле полицијата.

Маж се задушил: Влегол во подземен резервоар за вода и останал без кислород

Ивона Петрова — Sun, 03 Oct 2021 14:22:15 +0000

На 02.10.2021 во 17,30 час во Полициско оддление Зајас, Л.Џ.(52) од с.Зајас пријавил дека во с.Колари во двор на куќа сопственост на А.З.(67) од с.Колари го забележал истиот паднат, без знаци на живот. -Од полициски службеници е излезено на лице место и констатирано е дека А.З. околу 16,00 часот влегол во подземен резервоар за вода во неговиот двор, но поради недостаток на кислород дошло до задушување, информира МВР. Од екипа од медицински центар Кичево констатирана е смрт без траги на насилство, а по наредба на јавен обвинител телото на починатиот е предадено за обдукција.

Детали за трагедијата во БиХ: Соседи кршеле стакло за да влезат во викендичката (ФОТО)

Ивона Петрова — Fri, 01 Jan 2021 13:44:41 +0000

Четири момчиња и четири девојки почина во викендичка кај Посушје, БиХ. Првичните информации говорат дека децата кои се на возраст од 19 и 20 години, најверојатно се задушиле од плин. Осумте млади луѓе во викендичката го прославувале дочекот на Новата годината. Полицијата во моментот се уште врши увид на местото, а медиумите ги пренесуваат и првите детали. Телата на децата биле пронајдени од соседите на кои им било чудно дека никој не излегува од викендичката. Неколкупати заѕвонеле на вратата, но откако никој не им одговорил, одлучиле да го скршат стаклото на прозорецот и да влезат внатре. Внатре ги затекнала страшка глетка - осум тела, по што веднаш повикале полиција.

Лидерите на Фејсбук, Амазон, Гугл и Епл демантираат дека ја задушуваат конкуренцијата

Тале Кристо — Thu, 30 Jul 2020 07:14:23 +0000

Лидерите на четирите најголеми американски технолошки компании – Фејсбук, Амазон, Гугл и Епл ги отфрлија пред Конгресот обвинувањата за монопол на дигиталниот пазар, за задушување на конкуренцијата и фаворизирање на демократите во предизборната кампања. Марк Зукерберг од Фејсбук, Џеф Безос од Амазон, извршниот директор на Гугл, Сундар Пичаи и на Епл, Тим Кук, чии компании имаат пазарна вредност од околу пет билиони долари, за време на повеќечасовното сослушување преку видео конференција, одговарајќи на прашања на пратениците, ги отфрлија обвинувањата за оштетување на помалите бизниси во онлајн рекламирањето, додавајќи дека тие ги поддржуваат двете кампањи за претседателските избори во САД. Тоа беше нивно прво заедничко сослушување, а Безос првпат се појави пред пратениците. Водечките технолошки компании се товарат за кражба на содржини, задушување на конкуренцијата и генерално за злоупотреба на нивната доминација на пазарот, вклучително и аквизиции на ривалите. Конзервативците, исто така, тврдеа дека ги цензурираат нивните политички ставови. Републиканецот Џим Џордан ги обвини компаниите за спречување на конзервативците да контактираат со приврзаниците, а претходно претседателот на САД, Доналд Трамп се закани дека ќе „воведе правда“ во големите технолошки компании преку издавање на извршни регулативи. Марк Цукерберг ја оправда доминацијата на Фејсбук во социјалните мрежи, тврдејќи дека во 2012 година, Инстаграм бил „мала апликација за споделување фотографии“, но тој од неа направил феномен на социјалните медиуми. Безос, пак, не негираше дека Амазон користи податоци од трети лица (продавачи) за креирање сопствен план за пристап до купувачите, претпазливо одговарајќи како тие воделе политика против таквите обиди. „Ако откривме дека тоа некој го прекршил, ќе преземевме акција против нив“, рече тој. Тим Кук ги отфрли обвиненијата за нечесен однос кон конкуренција и високите провизии кои Епл ги наплаќа од креаторите на апликации за App Store. „Не се согласувам со тоа“, истакна Кук, објаснувајќи дека програмерите се натпреваруваат, а можат да пишуваат апликации и за Андроид или Виндоуз или за Иксбокс или ПлејСтејшн.

Познат идентитетот на жената која почина во пожарот во Ѓорче

Ивона Петрова — Mon, 08 Jan 2018 18:31:00 +0000

Една жена почина од задушување во пожар што попладнево избувна во стан во скопската населба Ѓорче Петров. Од Територијалната противпожарна бригада на Град Скопје за МИА изјавија дека пожарот избувнал околу 16:25 часот на улицата Шидска и оти е интервенирано со пет пожарникари и две возила. Во пожарот нема други жртви и повредени, а не се опожарени ниту други станови. Полицијата потврди дека Јаготка Анѓелковиќ, родена 1955 година, починала од задушување во пожар во зграда на улицата Шидска во Ѓорче Петров. Причината за пожарот ќе се утврдува.

Новороденче почина од задушување

Саше Стојановски — Mon, 01 Jan 2018 10:19:47 +0000

На 01.01.2018 година во 07,30 часот пријавено е од страна на лекар, дека во с.Трипатница, во ромската населба, во семејниот дом, починало новороденче (старо околу 10 дена). Смртта настанала околу 03,00 часот, веројатно поради задушување. Известен е Јавен обвинител, а телото на новороденчето е предадено за обдукција.