Каде најмногу грешат паровите кога почнуваат заеднички живот: 3 детали кои не треба да ги игнорирате

Ристе Здравков — Wed, 22 Mar 2023 17:22:32 +0000

Честопати сме понесени од емоции кога пред нас е важен момент од животот, особено кога тој момент го споделуваме со партнерот. Така, повеќето парови кога го чекаат моментот да го започнат заедничкиот живот, занемаруваат некои клучни работи, што предизвикува расправии, лошо расположение и разнишани односи. За да не го расипете овој важен момент за вас, обрнете внимание на следните вообичаени грешки. Дали е вистинското време? Ова прашање е едно од клучните кога ќе се појави идејата за заеднички живот. Откако ќе поминете одредено време во врска, можеби изгледа идеално конечно да тргнете по патот на заедничкиот живот. Но, пред набрзина да ја прифатите оваа промена, има прашања на кои треба да одговорите пред да го преземете тој чекор. Дали би функционирало ако поминувате многу време заедно? Размислете дали сте подготвени да го споделите секојдневието со таа личност – да станувате еден до друг и да го завршите денот на ист начин. Ова не упатува на сомнеж во исправноста на изборот на партнер, туку се однесува на тоа дали доволно сте се запознале себеси. Секој има свој ритам на денот на кој е навикнат. Некои работи можеби сè уште не сте ги научиле за себе, а би биле товар доколку ги научите полека во заеднички дом. Затоа, подобро е да го тестирате заедничкиот живот со заедничко патување, по можност што подолго, бидејќи тогаш ќе видите дали добро функционирате кога ќе го споделите денот со партнерот. Локација Без разлика дали станува збор за вселување во заеднички стан во истиот град каде што веќе сте живееле или во друг, важно е да се запрашате каде може да биде таа локација. Секогаш е важно да ги имате на повидок вашите обврски кога станува збор за нова адреса. Па, дали ви одговара растојанието од работа или некое друго важно место? Исто така, не треба да покажувате себичност, туку да правите компромиси и да се согласувате на средина. Ова не е ситуација во која еден човек ќе се „жртвува“, бидејќи многу брзо ќе почне да му пречи. Финансии Друга многу важна точка е слободно и без никакво двоумење да разговарате за тоа како да го финансирате заедничкиот живот. Па, дали ќе биде пола-пола или ќе се делите кој каков финансиски придонес ќе има. Разликата во заработката е честа пречка, но тоа може да се реши и со разговор, важно е само оваа комуникација да се спроведе. Заедничката сметка е исто така добро решение. Договорот за ова елиминира многу потенцијални дискусии и однапред договорени тепачки. Со помош на овие предмети, заедничкиот живот сигурно нема да го означи крајот на врската.

Левица и СДСМ со заеднички Предлог закон за измени и дополнување на Изборниот законик

Тале Кристо — Fri, 05 Mar 2021 13:38:00 +0000

Премиерот Зоран Заев денеска изјави дека СДСМ ќе даде поддршка на предлогот на помалите политички партии за избор на пратеници во една изборна единица, што, како што нагласи е и нивно изборно ветување, бидејќи тоа, според него, значи унапредување на демократијата и давање шанса на помалите партии за рамноправност. – Ние сме за една изборна единица. Уште еднаш напоменувам тоа е унапредување на демократијата и давање шанса на помалите партии, особено, посебно што во државата покрај помали политички партии, имаме и политички партии со етнички признак. Така што тоа дава поголема шанса за поголема застапеност во самиот Парламент, рече Заев. Со ова, нагласи тој, губат СДСМ, ВМРО-ДПМНЕ, а во мал дел и ДУИ, како поголеми партии, веројатно и Алијансата за Албанците, но добива државата и демократијата. – Но, исто така, даваме и поддршка на консензуално носење Изборен законик, затоа што не сакаме да бидеме први што ќе прекршат правило и по пат на надгласување да се наметне врз опозиција или врз која било партија и да се надгласа за Изборниот законик. Традиција во нашата земја е дека секогаш се прават напори заради рамноправно учество на сите во изборен процес, Изборниот законик да се носи по пат на консензус, рече премиерот Заев, одговарајќи на новинарско прашање по посета на реконструирана градинка во Карпош. Тој додаде дека има некакви сигнали дека и опозициската ВМРО-ДПМНЕ би разговарала за ова прашање. – Испраќам порака да се седне и да се разговара. Навистина со ова добива демократијата. Да го прифатиме тоа што помалите политички партии доминатно го бараат. Ние го прифативме и заради нив, но го прифативме и заради демократското унапредување на изборниот процес. Ред е да седнат ВМРО-ДПМНЕ да се изјаснат со свој став и ако направат подобри проценки, калкулации, верувам дека можат да изградат и позитивен став. Секако тоа останува на нив. И ДУИ се крши, не знаат дали да прифати, дали не, но дефинитивно верувам дека на крајот сите имае должност за демократијата да направиме еден исчекор повеќе и сега тоа го носиме за изборите 2024, рече премиерот Заев. Дотогаш, нагласи тој, има време сите да се подготват и соодветно да се постават. Заев истакна оти би сакал претстојните локални избори наесен да се спроведат со отворени листи, затоа што, како што рече, граѓаните покрај тоа што ќе гласаат за своја определба на политичката понуда, ќе гласаат и за личност. – Со тоа директно се созадава обврска советниците да им должат на граѓаните, да бидат отчетни кон нив и тоа исто така е унапредување на процесот на демократијата. Но, тоа се само ставови на СДСМ, рече Заев. Пратеници од Деморатскиот сојуз, Левица, ВМРО-НП и ЛДП, поддржани од СДСМ, до Собранието денеска поднесоа Предлог закон за измени и дополнувања на Изборниот законик, со кој се предвидува земјава да биде една изборна единица на следните парламентарни избори, наместо шесте изборни единици во коишто досега се

заеднички – Kurir.mk

Каде најмногу грешат паровите кога почнуваат заеднички живот: 3 детали кои не треба да ги игнорирате

Левица и СДСМ со заеднички Предлог закон за измени и дополнување на Изборниот законик