заеви – Kurir.mk

Стоилковски: Дали луксузните имоти во кои престојуваат Заеви во Дубаи се нивна сопственост?

Тале Кристо — Wed, 11 May 2022 10:05:57 +0000

Молчи Зоран Заев, молчи Димитар Ковачевски, молчи СДСМ, молчи Владата, нема коментар за имотите вредни 14 милиони евра на македонски државјани во Дубаи. Едни од најчестите посетители на Дубаи се членовите на семејството Заеви, кои што објавуваат фотографии од луксузни апартмани и имоти, истакна на денешната прес-конференција портпаролот на ВМРО-ДПМНЕ Наум Стоилковски. Во продолжение интегрален текст и видео од прес-конференцијата на Стоилковски: -Членови на најблиското семејство на Зоран и Вице Заеви, како и други членови на семејството Заеви постојано објавуваат фотографии од луксузните имоти во Дубаи. Почитувани, Дали имотите во кои што престојуваат членови на семејството Заеви се во посед на некој член со презиме Заев? Ако овие имоти се во нивни раце, колку пари се купени и како тие пари се стекнати? Зоран Заев, ти како поранешен премиер треба да одговориш пред јавноста дали лица од твоето семејство поседуваат имоти во Дубаи? Народот заслужува да знае. Дополнително ги повикуваме финансиските институции во Македонија да ги истражат наводите на новинарите од Норвешка и да утврдат дали имотите вредни 14 милиони евра во Дубаи се стекнати со пари заработени со криминал и корупција. Ковачевски како премиер и поранешен заменик министер за финансии мора да излезе и да каже дали луѓе од неговото блиско опкружување се дел од лицата кои што поседуваат имоти во Дубаи, на свое или на име на други лица? И Заев и Ковачевски можат да продолжат да молчат или да се обидат да ја лажат јавноста денеска, но треба да знаат дека за многу брзо од сега се ќе биде јавно и ќе има одговорност за секој криминал, порача Стоилковски.

Република: Правдата е слепа и пред избори: Вице Заев, Трајче Заев…. и Заеви зеле кредит од Еуростандард и не го вратиле

Ивона Петрова — Fri, 29 Oct 2021 06:54:49 +0000

Вице Заев, братот на премиерот Зоран Заев, излегол од сопствеништвото на фирмата Сара Инженеринг ДОО Струмица, која има сомнителен и спорен долг во Еуростандард банка од околу 600 илјади евра и нема платено ниту една рата 620 дена пред затворање на банката минатата година. Според јавно достапни податоци од Централен регистар, Вице Заев ја напуштил фирмата Сара Инженеринг ДОО Струмица на 18 февруари оваа година, пишува порталот Република.мк. На негово место како косопственик во фирмата влегол Зоран Марковски додека другите двајца крајни косопственици, Сашко Брндевски и Ристо Кречев, останале во фирмата. Историјат на промени Сара Инженеринг ДОО Струмица -Во последните две години фирмата имала загуби од 16 до 65 илјади евра, и двапати поголеми обврски од капиталот на фирмата. Во 2020 година приходите на фирмата биле само 4.800 евра. Фирмата должи и околу 560 илјади евра за неплатени даноци према државата односно кон Управата за јавни приходи. Вице Заев бил континуирано косопственик во оваа фирма од 2010 година, за да ја отуѓи истата со неисплатен долг кон Еуростандард банка само неколку месеци откако банката се затвори минатата година. Земени пари за да не се вратат, стои во текстот. Целиот текст на Република.мк

Арсовски: Една недела молк од институциите за вмешаноста на нарко картелот Заеви во нарко трговијата со марихуана

Тале Кристо — Thu, 15 Apr 2021 10:30:14 +0000

Цела недела молк од институциите за вмешаноста на нарко картелот Заеви во нарко трафикингот на марихуана, кој беше спречен и пресечен од американската агенција ДЕА. Цела недела молк и од Оливер Спасовски за неговите потрчковци началници и командири на полициски станици и сеуште не поднесува никаква одговорност за дејствувањето на истите, истакна на денешната прес-конференција портпаролот на ВМРО-ДПМНЕ Димче Арсовски. Кире Чипсио Спиркоски, близок човек на Оливер Спасовски и Зоран Заев, командир на полициската станица Прилеп, која е една од најголемите во градот, редовно на слики до Заев и Спасовски, беше уапсен заедно со возачот на Трајче Заев за над 800.000 евра марихуана, а Трајче Заев и Бобан Заев отидени во Дубаи, а Оливер Спасовски повторно не понесува никаква одговорност. Оставка е единственото нешто што може да го направи за почеток, затоа што во нарко трафикинг му е вмешан командир на една од поголемите полициски станици во Република Македонија. Срамота е Оливер Спасовски да излегува на јавни настапи и да говори недоветни и нереални работи, бидејќи сите знаат што се случува во државата, а да не говори за најважното во моментов, а тоа е кога ќе си поднесе оставка од функцијата министер за внатрешни работи. Бидејќи е заглавен во криминал до гуша и повеќе таму не му е место. Ако ги погледнеме командирите и началниците низ градовите кои ги поставил Оливер Спасовски, на чело со Кире Чипсио Спиркоски кој го уапсија, па да продолжиме со велешките командири и началници, па битолските, струмичките, кумановските, штипските, повеќе од јасно е зошто ги штити Оливер Спасовски и Зоран Заев. Овие луѓе им е допуштено да прават што сакаат во нивните места, затоа што ова е партиската војска на СДСМ која во време на изборните процеси малтретираат, поткупуваат и местат изборни резултати. И ова е јавна тајна, рече Арсовски. Ова се луѓето кои поважно му е на Оливер Спасовски да прават нелегални дејствија, наместо да се борат против криминалот и криминалците. Всушност не само што не се борат, туку сите од врвот на СДСМ, па до најниските структури се вмешани во криминал до гуша.

ВМРО-ДПМНЕ: Додека Заеви јадат со златна лажичка, Македонија е најсиромашната, најнесреќната и најкорумпираната во Европа

Тале Кристо — Sat, 09 Jan 2021 07:53:07 +0000

Златниот прибор за јадење на Заеви е слика и прилика за тоа како се луксузира власта на сметка на сиромашните граѓани, велат преку соопштение од ВМРО-ДПМНЕ. Лажната претстава која Заев ја создава околу себе е демантирана само со една слика на која се гледаат златните лажици, вилушки и ножеви на Заеви во време кога граѓаните едвај врзуваат крај со крај. Половина милион луѓе живеат во сиромаштија со само две евра дневно, 54 илјади луѓе останаа без работа, а уште толку не земаат редовно плата. Десетици илјади семејства на тутунари, лозари и оризари не можат да си ги земат заработените пари, ама затоа луксузот на Заеви и на власта не смее да трпи. Лажниот социјалдемократ Заев е всушност апсолутист кој власта ја користи за лично богатење. Затоа во пикот на епидемијата тој наместо за животите и здравјето на граѓаните е опседнат со бизнисот со марихуана за да му обезбеди на своето семејство уште поголемо богатство. Тоа што починаа скоро 2.600 лица, а 85.000 беа заразени, очигледно не го спречува Заев да ужива во луксузот стекнат со матни зделки, сомнителни коруптивни и криминални набавки. Алчноста по злато и пари на Заев ја претворија Македонија во најсиромашна, најнесреќна и најкорумпирана држава во Европа. Додека Заеви јадат со златна лажичка, огромно мнозинство нема ни за леб, се вели во соопштението на ВМРО-ДПМНЕ.

ВМРО-ДПМНЕ: Посиромашен народ, побогати фирмите на Заеви

Тале Кристо — Mon, 24 Aug 2020 06:42:17 +0000

Во време на економска и здравствена криза, Владата на Заев овозможува поголем приход за приватни компании на грбот на граѓаните, велат во своето соопштение од ВМРО-ДПМНЕ. Зоран Заев и СДСМ единствено се грижат за своите бизниси. Доказ затоа е континуираната троцифрена бројка на новозаразени од вирусот КОВИД – 19. Република Македонија поради негрижата на Владата на СДСМ е рекордер во новозаболени и смртни случаи од корона вирусот. За граѓаните веднаш по изборите следуваше нов шок, зголемување на цената на електричната енергија за 7,4 %. Цената на електричната енергија ако останеше иста, енергетските компании во 2020 година ќе оствареа приход од: 16.106.756.099 денари. Со зголемувањето од 7,4% овој приход за истата енергија ќе биде 17.303.879.863 денари. Разликата поради зголемување на цената изнесува: 1.197.123.764 денари што претставува скоро 20 милиони евра. Неспособноста на власта се гледа и по пропаѓањето на Еуростандард Банка. Според извештаите по пропаѓањето на оваа банка само околу 10 проценти од лицата успеале да отворат сметки во други банки, што значи дека околу 90.000 граѓани ќе останат без своите пари наредниот месец. Оваа влада е со краток рок на траење. Од нејзе можеме да очекуваме само неуспеси и разочарувања, се вели во соопштението на ВМРО-ДПМНЕ.

ВМРО-ДПМНЕ: Граѓаните осиромашуваат и умираат од корона, а Заеви ги полнат џебовите

Тале Кристо — Thu, 20 Aug 2020 07:40:22 +0000

Македонија продолжува да бележи трицифрен број на заразени од корона вирус. Бројот на заразени надмина 13 илјади, а бројот на починати е над 550. државата е црн рекордер во регионот и Европа на еден милион жители, а да е уште пострашно станавме извозник на корона во земји од Европа поради немањето мерки и протоколи, стои во соопштението на ВМРО-ДПМНЕ. Власта на Заев наместо да се посвети на борба со пандемијата и справување со последиците беше и е посветена на криминал и корупција. Така Агенција за обезбедување од Струмица блиска до заеви има испумпано над 21 милион евра за само 2 години од државни и енергетски компании, а од народот бараат да плаќа поскапа цена на струјата за 7,5%. Се задолжија милијарда евра само за три месеци. наместо за поддршка на економијата, стопанството и изградба на капитални инвестиции , парите се потрошија за изборен поткуп. Затоа сега експертите најавуваат дека од септември државата ќе нема пари за сервисирање на основните потреби. Дојде државата до дереџе да биде единствената земја во регионот во која пропадна банка и остави илјадници луѓе без своите заштеди, ама затоа министерката Ангеловска “успеала“ навреме да ги повлече депозитите. Додека народот осиромашува, се разболува и луѓе умираат, милионерите од власта на Заев и понатаму ги полнат џебовите, велат од ВМРО-ДПМНЕ.

Еве ја целата листа: Речиси цело семејство Заеви, министри, градоначалници и функционери на СДСМ добија кривични од Боки 13

Ивана Ефремовски — Thu, 09 Jul 2020 15:56:14 +0000

Со порака дека единствен начин да го спречат е да го убијат, Боки 13 од Шутка потврди дека кривичните пријави ги поднесува против политичари од власта. Во писмо до јавноста кое што го прочита неговиот адвокат Сашко Дуковски, Јовановски вели пријавите се однесуваат на носители на јавни функции, кои се дел од актуелната власт, луѓе од нивните семејства и блиски до нив, како и бизнисмени. Се пожали и дека тој и неговото семејство цело време добиваат уцени и закани, од оние кои според неговите зборови знаеле дека ќе заработат кривични пријави. -Одговорно ви тврдам дека нема да ме спречат во што и да сакаат да применат и било кои методи на уцени и на закани. Единствено ќе ме спречат доколку ме лишат од живот, односно доколку посегнат по мојот живот. Но, повторувам нема да ме спречат во мојата чесна граѓанска обврска и должност, ниту пак ќе ме спречат, ниту пак ќе ме спречат во мојата намера во борбата со вистинските криминалци и сторители на кривични дела, изјави Дукоски.

Кривичните од Боки13 за : pic.twitter.com/g42RqZ3Hmr
— Tik Tak (@TikTak08818533) July 9, 2020

На социјалните мрежи се објавуваат документи на кои се напишани имињата на лицата за кои се тврди дека Боки 13 поднел кривични пријави. Исто така е наведено кои лица треба да бидат повикани на сослушување:

Осамна графит на влезот во Струмица: Заеви вие сте главата на „Рекет“! (ФОТО)

Тале Кристо — Thu, 18 Jun 2020 11:59:27 +0000

На мост на влезот во Струмица осамна графит на кој што пишува „Заеви вие сте главата на Рекет!“, откако претходно денеска пред судот првообвинетиот во истиот случај Бојан Јовановски-Боки 13 кој што доби 9-годишна затворска казна рече дека парите од рекет да се барат кај Зоран и Вице Заев. Имено, тој пред судијата рече парите од РЕКЕТ барајте ги кај Зоран Заев и Вице Заев. -Јас овој ден ќе го прогласам како ден на политичката кампања во Македонија. Донесовте политичка одлука. Рекетираните пари барајте ги кај Зоран и Вице Заев – кажа Јовановски по што судијката побара да биде изнесен надвор доколку не зборува за пресудата. За момент од судијата во случајот беше побарано Јовановски да биде изнесен од судот. Инаку, Јовановски беше осуден на 9 години затвор, а поранешната специјална обвинителка Катица доби седум годишна казна затвор.

УЈП не кажува дали „Мамас“ на Заеви платила предвреме данок, екс-премиерот се фали

Тале Кристо — Sat, 04 Apr 2020 08:49:20 +0000

Го послушаа ли фирмите на семејството Заеви апелот да ги плата предвреме даноците кон државата? Алфа праша во Управата за јавни приходи. Ни побараа официјално преку маил да им се обративме. Тоа и го сторивме. Прашавме, на пример конкретно, дали фирмата „Мамас“ покажа солидарност кон државата и аконтативно ги подмири обврските, со цел државата да има повеќе пари за да им се помогне на оние фирми кои немаат? До овие вести од УЈП не даваат одговор. На последното интервју Заев не кажа конкретно кои фирми од неговото семејство и помогнале на државата плаќајќи данок. Ама се пофали дека некои го направиле тоа. Не заборавајќи да каже оти тоа било должност на најбогатите во земјата. Ама сепак, без да посочи на точните фирми од неговото семејство. И авансно си ги плаќаат своите обврски, тие кои што функционираат. Еден дел се погодени заради тоа што работат во дејности кои дирекно се погодени ….Имаат право да аплицираат за помош, законот важи за сите, вели Заев. Никогаш не одговори на прашањето на Алфа дали и колку донирале нивните компании за излез од кризата. Не кажа ни на последното интервју. Посочи дека не сакал да се фали оти донирал, ама сепак си кажа. Вие новинарите да проверите кон сиромашните луѓе што се случува со пакетите, за лечење на луѓе, со одредени други помагања…нека си кажат луѓето. Јас не би сакал да зборувам за тоа и верувам дека сме едни од поголемите донатори како семејство Заеви, рече екс премиерот. Алфа побара од УЈП и листа кои други богати компании предвреме платиле даноци кон државата, но и таква информација до сега нема. Ако транспарентноста е одлика на власта, прашањето е зошто недостига во услови кога оние кои покажале солидарност треба да се поттик и будење на свеста за останатите компании?

Мицкоски: Кој во СДСМ го мести вака СДСМ?

Тале Кристо — Wed, 22 Jan 2020 12:33:39 +0000

Пред 25 години СДСМ беше на власт и цветаше корупцијата, Радмила беше главна во младината на партијата, шверцот на цигари, првите рекетирања кои денес се усовршени, атентатот на Глигоров, протести, загубари, фабрики кои се затвораат, инфлација, сиромаштија, вели во својата објава на социјалната мрежа Фејсбук, лидерот на ВМРО-ДПМНЕ Христијан Мицкоски. Во целост ви го пренесуваме статусот на претседателот на ВМРО-ДПМНЕ Христијан Мицкоски: Кој во СДСМ го мести вака СДСМ? СДСМ има спот во кој се вели "пазете да не се врати ВМРО-ДПМНЕ пред 25 години!!!" Да бидам прецизен, пред 25 години СДСМ беше на власт, тоа е времето на Радмила Шекеринска, залетот на кланот Заеви во Струмица, првиот криминален занает на многумина кои сега се во врвот на партијата. Пред 25 години СДСМ беше на власт и цветаше корупцијата, Радмила беше главна во младината на партијата, шверцот на цигари, првите рекетирања кои денес се усовршени, атентатот на Глигоров, протести, загубари, фабрики кои се затвораат, инфлација, сиромаштија. Тоа е времето на пропаста на Славија, Центро, Железара, на грабежот и пропаста на ТАТ. Семејството Заеви од просечно земјоделско семејство го започна картелот кој денес вреди милиони.Тоа беше нивното време пред 25 години. Но, и сега не е поинаку. Истите криминални ликови се провлекуваат и денес. И затоа на овие избори мора да се поразат последните остатоци на транзицијата во македонската политика. 12 април е денот кога ова може да се порази, заклучува Мицкоски.