Заевизам – Kurir.mk

ВМРО-ДПМНЕ: Криминалните шеми на генералните секретари на Владата на заевизмот не можеле да се случат без знаење на нивните шефови

Тале Кристо — Mon, 11 Apr 2022 06:49:05 +0000

Криминалните шеми на генералните секретари на Владата на заевизмот, Рашковски и Зекири не можеле да се случат без знаење на нивните шефови. И двајцата се луѓе од доверба на Зоран Заев, едниот му е близок пријател, другиот му е кумашин, велат во партиското соопштение од ВМРО-ДПМНЕ. Затоа надлежните институции треба да ја прошират истрагата. Логично се поставува прашањето дали и колку пари од криминалните зделки завршиле кај Зоран Заев и неговиот наследник Ковачевски? Медиумите пренесоа дека Мухамед Зекири без тендер во четири очи направил коруптивен договор со двајца хрватски државјани во вредност од околу еден милион евра, правејќи фиктивни физибилити студии во вид на „семинарски труд“ за рационализација и продажба на институција која што е под владата Македонски пошти. Ваквите шеми се причината поради која народот осиромашува, а голтарите од власта на СДСМ и ДУИ стануваат милионери. Поради ваквите криминали Македонија е најсиромашната држава, а власта е најкорумпирана во регионот и Европа според сите релевантни меѓународни мерења, се вели во соопштението на ВМРО-ДПМНЕ.

ВМРО-ДПМНЕ: Поради заевизмот во КОВИД пандемија Македонија е на врвот по смртност со над 8.100 починати

Тале Кристо — Wed, 19 Jan 2022 08:39:55 +0000

Лошите политики и мерки на заевизмот во време на пандемијата со КОВИД доведоа Македонија да биде меѓу 6-те во светот по смртност, велат во партиското соопштение од ВМРО-ДПМНЕ. Задоцнетите и лоши мерки направија над 8.100 граѓани на Македонија да го изгубат својот живот, што е рамно на една средно голема општина. Неодговорноста и несериозноста на власта на заевизмот, направи Македонија во Европа да е црна КОВИД точка и затоа земјата е рангирана како земја со висок ризик од КОВИД-19. Наместо здравството на Филипче, Заев и Ковачевски да спречува ширење на брановите на КОВИД вирусот, тие се водеа од политика или пак воведуваа нелогични мерки. Лошото менаџирање, отсуството на стратегија и план за справување со КОВИД пандемијата граѓаните скапо го платија За жал Заев и Филипче, а и пиунот Ковачевски во текот на целиот период не направија ништо ваквите лоши практики да се променат и да се подобрат. Напротив граѓаните сега речиси и да немаат можност во јавното здравство да направат ПЦР тест. Само 20 до 25% од тестовите се направени во јавното здравство, а останатите 75-80% се прават во приватни здравствени установи и тие чинат илјадници денари по тест. Поразителна е информацијата дека граѓаните во Македонија досега платиле околу 30 милиони евра за тестирање во приватни лаборатории затоа што во државните нема термин. За ова катастрофално менаџирање со КОВИД кризата, никој не понесе одговорност. Напротив неспособниот Филипче беше заштитуван, се до моментот кога не беше заменет поради партиско политички пазар. Сепак последиците од лошото менаџирање на заевизмот остануваат, а за жал гледаме дека немаат абер ниту да се променат погрешните политики кои граѓаните скапо ги чинат.

Стојаноска: Иницијативата за недоверба на Владата е од луѓе кои се против заевизмот кој е одлика на корупција и криминал

Тале Кристо — Tue, 09 Nov 2021 20:18:04 +0000

Поднесената иницијатива за гласање на недоверба на Владата е од луѓе против заевизмот. Целта е јасна се бара промена на заевизмот, важно е да се формира мнозинство на база на принципи, а не уцени, рече пратеничката и член на Извршниот комитет на ВМРО-ДПМНЕ, Дафина Стојаноска на вечерашното гостување на Македонската телевизија. Стојаноска укажа на лошото владеење на СДСМ. -РЕК Битола е во хаос, што е со хидороцентралите, тука е и однесувањето на Заев и власта во ковид кризата до каква последици доведе и што уште не, редица на случаи на криминал и корупција, рече Стојаноска ставајќи акцент на многуте кризи како корона кризата, како и актуелната енергетска криза. Токму поради ова, рече Стојаноска, јасно е зошто се такви резултатите од локалните избори. -Најголемиот проблем во државава е Зоран Заев. Секој дополнителен ден со Заев значи пропаст за граѓаните и државата“, посочи Стојаноска. За локалните избори се осврна и пратеничката на СДСМ, Снежана Калеска Ванчева. На дебатата пратеничката Калеска Ванчева од СДСМ посочи дека „локалните функционери се шлепаа на централните политики“, на што Стојаноска и посочи „значи ли тоа дека локалните функционери немале на што да се шлепаат бидејќи добивте многу малку гласови на локалните избори“. Стојаноска кажа дека неработењето на владата и на владеачкото мнозинство се покажа целиот мандат, бидејќи не можеше да се собере ниту мнозинство за работа на Собранието. -Заев само лаже, вели ќе поднесел оставка, но сега не знаеме што мисли, бидејќи само ги менува ставовите, а во меѓувреме се случуваат кризи во државата. А тоа е така затоа што Заев е самобендисан и е до гуша заглавен во криминал, рече Стојаноска.

ВМРО-ДПМНЕ: Заевизмот ја влече Македонија на дното, неправдите, криминалот и сиромаштијата станаа секојдневие

Ивана Ефремовски — Sun, 24 Mar 2019 08:53:50 +0000

Заевизмот на Република Македонија и граѓаните им донесе губење на националното достоинство, сиромаштија и криминал на дневна основа. Црнилата на криминалниот картел на СДСМ направија хаос во државата, создадоа поделби, а животот на граѓаните од ден на ден го направија се потежок, реагираат од ВМРО-ДПМНЕ. -Власта која ветуваше правда за секого, во реалноста донесе неправда. Недолжни граѓани станаа жртви на политички прогон само затоа што не се согласуваат со политиките на Зоран Заев. Заевизмот ги зароби институците и донесе 2 века казна за луѓе кои не направиле ништо лошо и чиј единствен грев е што се спротиставиле на Заев, додека луѓе кои се бореа за ИСИС и масакрирале стотици добија само 6 години затвор. Неправдите, лагите и понижувањата на СДСМ и Заев допреа до секој еден граѓанин, се наведува во партиското соопштение. Од ВМРО-ДПМНЕ порачуваат дека власта ветуваше подобар стандард и бизнис клима, но ништо од тоа се нема случено. -Економијата убедливо ја забетонираа на дното на Европа и ги покачија даноците за да може да си договараат матни тендери во 4 очи на грбот на граѓаните на Република Македонија. Ветувањата за повисоки плати и пензии станаа мртво слово на хартија, земјоделците се понижени, а наместо подобро здравство донесоа здравство во кое ни се случуваат епидемии, умираат луѓе и се носат црни тендери. Наместо да го остварат ветувањето дека ќе ги вратат младите назад, СДСМ го забрзаа иселувањето и направија егзодус на кадри. Откако е СДСМ на власт забрзано расте сиромаштијата кај младите и единствено што размислуваат е како побрзо да ја напуштат државата. Заевизмот ја влече Македонија на дното, неправдите, криминалот и сиромаштијата станаа секојдневие. На граѓаните на Република Македонија потребни им се промени и сигурна иднина за нив и за нивните деца. Токму затоа неопходно е да излеземе сите заедно и да го поразиме Заевизмот. Победа на претседателските избори ќе значи предвремени парламентарни, а тоа ќе донесе крај на оваа црна власт на Заев и подобро утре за Република Македонија, порачуваат од ВМРО-ДПМНЕ.