зафир хаџиманов – Kurir.mk

Се одбележуваат 78 години од раѓањето на Зафир Хаџиманов

Ивона Петрова — Sat, 25 Dec 2021 08:55:40 +0000

Кавадарци денеска одбележува 78 години од раѓањето на Зафир Хаџиманов – музичар, музички композитор, шоумен и актер. – Тој бил роден на денешен ден во 1943 година. По завршување на средното образование, завршил факултет за драмски уметности во Белград во 1967 година. Покрај тоа што беше музичар, имаше одиграно и неколку главни улоги во македонски и југословенски играни филмови. Од песните што ги испеа, најпознати се ,,Како Вардар“, ,,Љуби ме и главата горе“, ,,Од љубов не се бега“ и многу други. Во 2007 година, Зафир беше промовиран во почесен амбасадор за култура на Р. Македонија во Србија, потсетува историчарот Петре Камчевски. Како пејач учествувал на повеќе од триесетина фестивали ширум поранешна Југославија, на кои имал освоено бројни награди и признанија. – Како резултат на неговата донација во 2013 година, во Музеј – галерија Кавадарци е отворена спомен соба на неговиот татко Васил Хаџиманов, познат македонски етномузиколог. Зафир беше оженет со Сенка Велетанлиќ Хаџиманов. Нивниот син, Васил, е еден од најпознатите џез музичари на овие простори, вели Камчевски. Зафир почина на 27 март оваа година.

Денови на „Croatia Records“ – филм за „Новиот бран“, најновата винилна програма и последното CD на Зафир Хаџиманов

Ивона Петрова — Tue, 17 Aug 2021 05:37:38 +0000

Со македонската премиера на филмот „Нов бран – 40 години подоцна“ („Novi val – 40 godina nakon“), вечер во Кинотека ќе почнат деновите на „Croatia Records“ во Скопје. По проекцијата, на летната сцена на Кинотека – „Мирно лето“, авторот Никола Кнежевиќ и Иван Беќковиќ, супервизор на „Croatia Records“ за земјава, ќе одржат трибина на која ќе зборуваат за значењето на „Новиот бран“ на овие простори. Во чест на четири децении од објавувањето на култниот албум „Пакет аранжман“, но и серија други албуми кои му припаѓаат на движењето познато како „новиот бран“ („нови вал“, „нови талас“) – „Шарло Акробата – „Бистрији или тупљи човек бива кад…“, како и деби-проектите на „Електрични оргазам“ и „Хаустор“, најголемата дискографска куќа во регионот – „Croatia Records“ на почетокот на оваа година реализираше филм „Нов бран – 40 години подоцна“ на Кнежевиќ, музички уредник во „Croatia Records“. Кнежевиќ, заедно со белградската новинарка Олга Кепчија (радио-водителка на Београд 202), за таа прилика направи серија интервјуа со главните актери кои беа дел од приказната, новинари, музички продуценти, дизајнери, дискографи…, и со помош на CMC Телевизија тоа беше склопено во филм, со времетраење од 101 минута. До сега филмот беше претставен во Белград, на „Мартовскиот фестивал“, како и на „Dok’n’Ritam“ фестивал во српската престолнина, и во Крагуевац, во рамките на Арсенал фест. Утре, 18 август, на првата промоција на „Croatia Records“ во Скопје по цели 30 години, ќе биде претставена актуелната винилна програма на оваа издавачка куќа – винилите од „Нови вал“, „Индекси – Модра ријека“…, како и компакт-дискот „Зафир пјева, Македонија пјева“, објавен лани за „Југотон Croatia Records“, но, поради короната не можеше да и биде претставен на јавноста. Во меѓувреме големиот поет, актер и музичар Зафир Хаџиманов почина, но остана аманетот албумот објавен на компакт-диск (винилот е од 1986 година), да биде промовиран во неговото Скопје. Настаните ќе бидат реализирани согласно ковид-протоколите од Министерството за здравство.

Горан Стефановски, Зафир Хаџиманов, Ремзи Несими и Живко Мукаетов одликувани со Орден за заслуги

Ивона Петрова — Fri, 23 Jul 2021 11:34:15 +0000

Претседателот Стево Пендаровски на свечена церемонија ги одликува Горан Стефановски, Зафир Хаџиманов и Ремзи Несими, постхумно, и Живко Мукаетов со Орден за заслуги за Македонија. Горан Стефановски постхумно се одликува за исклучителен и неповторлив придонес во континуитетот и во осoвременувањето на книжевното културно наследство, за втемелување, развој и промоција на современите културни и уметнички вредности во земјата и меѓународно, за развојот на македонското драмско творештво и за воспоставување на основите на новите драматуршки форми во македонската книжевност, за збогатување и негување на македонскиот јазик и за воспоставување на новите модели во образовната и педагошката сфера. Зафир Хаџиманов постхумно се одликува за огромниот придонес во специфичниот полижанровски развој во сферата на уметничкото творештво, за богатиот и специфичен опус во сферата на музиката, компонирањето и вокалната интерпретација, за иновативните модели на промоција на традиционалните хармонии и специфики во македонската музика низ современи и популарни форми. Ремзи Несими постхумно се одликува за неповторлив и траен придонес во филолошките науки од областа на дијалектологијата и промовирањето на јазичното богатство, за промоција, лингвистички развој и вкотвување на значењето на албанологијата во Република Северна Македонија и во светот воопшто, за исклучителна научна дејност која придонесува за обликувањето на стандардниот албански јазик. Живко Мукаетов се одликува за континуитетот, иновативноста, визијата и беспрекорните професионални стандарди во современото корпоративно управување во фармацевтската индустрија, за докажаниот квалитет во производството на брендовите кои се градени, одржувани и осовременувани со генерации наназад, за инвестицијата во новите технологии и во едукацијата и експертизата на кадрите кои ги создаваат брендовите, како и за неговата филантропска култура и широка општествена одговорност. Во своето обраќање, претседателот Пендаровски истакна дека четворицата носители на одликувањето имаат различни генерациски, творечки и професионални траектории, но, сепак, се спојуваат во единствениот животен пат кој води кон создавање на нови вредности во македонското општество. Со ова заедничко доделување на Орден за заслуги за Горан Стефановски, Зафир Хаџиманов, Ремзи Несими и Живко Мукаетов, како што рече претседателот Пендаровски, сакаме да ги истакнеме поединците кои ја прават поголемата слика за напредокот на нашата заедничка татковина и благосостојбата на сите македонски граѓани.

Стефановски, Хаџиманов, Несими и Мукаетов ќе се одликуваат со „Орден за заслуги за државата“

Ивона Петрова — Fri, 23 Jul 2021 05:27:48 +0000

Претседателот Стево Пендаровски денеска во претседателската резиденција со високо државно одликување „Орден за заслуги за државата“ ќе ги одликува постхумно писателот Горан Стефановски, пејачот и актер Зафир Хаџиманов и професорот Ремзи Несими, како и претседателот на Ракометната федерација на Македонија, Живко Мукаетов. Горан Стефановски постхумно се одликува за исклучителен и неповторлив придонес во континуитетот и во осoвременувањето на книжевното културно наследство. Зафир Хаџиманов постхумно се одликува за огромниот придонес во специфичниот полижанровски развој во сферата на уметничкото творештво. Ремзи Несими постхумно се одликува за неговиот траен придонес во филолошките науки и албанологијата во Република Северна Македонија и во светот воопшто. Живко Мукаетов се одликува за професионалните стандарди во фармацевтската индустрија и за неговата филантропска култура и општествена одговорност.

Горан Стефановски, Зафир Хаџиманов, Ремзи Несими и Живко Мукаетов ќе се одликуваат со Орден за заслуги

Ивона Петрова — Thu, 22 Jul 2021 08:16:43 +0000

Претседателот Стево Пендаровски, утре на свеченост во Кабинетот на Претседателот ќе ги одликува Горан Стефановски, Зафир Хаџиманов и Ремзи Несими, постхумно, и Живко Мукаетов со Орден за заслуги за Македонија. Горан Стефановски постхумно се одликува за исклучителен и неповторлив придонес во континуитетот и во осoвременувањето на книжевното културно наследство. Зафир Хаџиманов постхумно се одликува за огромниот придонес во специфичниот полижанровски развој во сферата на уметничкото творештво. Ремзи Несими постхумно се одликува за неговиот траен придонес во филолошките науки и албанологијата во Македонија и во светот воопшто. Живко Мукаетов се одликува за професионалните стандарди во фармацевтската индустрија и за неговата филантропска култура и општествена одговорност.

Зафир Хаџиманов испратен на вечното почивалиште – наместо ковчег семејството се одлучи за овој обред, најавија погреб кога ќе заврши пандемијата

Дарко Андоновски — Wed, 07 Apr 2021 12:34:50 +0000

Македонскиот пејач Зафир Хаџиманов кој исто така беше и филмски актер и композитор денеска беше испратен на своето вечно почивалиште. Тој ја загуби битката со вирусот на 27 март минатиот месец, а денеска во кругот на најблиското семејство и пријатели беше испратен на вечното свое почивалиште. Инаку телото на Зафир било кремирано, а неговиот син Васил преку социјалните мрежи објави дека урната ќе биде положена во алејата на заслужните граѓани. -Кога ќе заврши оваа грозна пандемија ќе направиме испраќање какво што треба и заслужува Зафир. Ќе го испратиме со песна и насмевка, баш така како што живееше тој целиот живот, напиша неговиот син.

View this post on Instagram

A post shared by Vasil Hadzimanov (@vasil_hadzimanov)

Васил Хаџиманов: Татко ми Зафир ќе го испратиме со песна и насмевка кога ќе помине оваа пандемија

Катерина Бојаџиева — Thu, 01 Apr 2021 17:13:29 +0000

Музичката легенда Зафир Хаџиманов ќе биде погребан во среда, на седми април на Новите гробишта во Белград -Испраќањето на мојот татко Зафир ќе се изврши на 7 април на Новите гробишта, во кругот на најблиското семејество и пријатели. Урната ќе биде положена во Алејата на заслужни граѓани. Кога ќе помине оваа грозна пандемија, ќе направиме испраќање, какво што доликува и какво што Зафир заслужи. Ќе го испратиме со песна и насмевка. Токму така како што тој би сакал и како што живееше целиот свој живот. Ви благодарам од се срце на многубројните пораки на поддршка и разбирање, напиша Васил.

„Ќе ве најдам и ќе ве научам на памет“: Синот на Зафир Хаџиманов им се обрати на оние кои оставаат лоши коментари

Ивана Ефремовски — Tue, 30 Mar 2021 16:39:04 +0000

Синот на Зафир Хаџиманов, Васил Хаџиманов, на „Фејсбук“ им возврати на сите кои оставаа недолични коментари за смртта на неговиот татко. Тој ја коментираше здравствената состојба на Зафир и неговата вакцинација, но подолу во коментарот им се закани на тие кои ќе продолжат да оставаат вакви коментари.

Емотивна објава: Васил Хаџиманов се огласи по смртта на својот татко Зафир

Ивана Ефремовски — Mon, 29 Mar 2021 12:02:55 +0000

Познатиот џез-пијанист и композитор Васил Хаџиманов на Фејсбук се прости од својот татко Зафир, кој почина денеска во Белград од Ковид 19. Единственото дете на Зафир Хаџиманов и Сенка Велетанлиќ со емотивно обраќање им се заблагодари на сите кои денеска се простија од легендарниот македонскиот уметник. -Денеска почина мојот татко Зафир. Неговото големо срце не успеа да ја добие битката со оваа ужасна болест. Позади себе остави вистинското богатство, од песните што така мајсторски лесно ги интерпретираше, преку неговите многубројни и разновидни композиции, книги поезија и проза, па се’ до неповторливите улоги во театар и на филм. Но, пред и над сè, на своето семејство и на најблиските секогаш несебично им ја даваше својата неизмерна љубов, внимание и поддршка. Сенка и он беа едни од најталентираните и најубавите двојки во историјата на овие простори. Ненадминливи. Неговиот непобедлив дух, способноста да се снајде во секоја ситуација и да остане на нозе, енергијата се’ што работи секогаш да го прави тоа со целото свое битие, а притоа и истовремено да биде врвен шмекер.. Тоа мора да се памети. Да се памети и да се почитува! Те сакаме тато и засекогаш ќе ни недостасуваш!, напиша Васил на „Фејсбук“.

ЈА ЗАГУБИ БИТКАТА СО КОРОНАВИРУСОТ: Почина македонската музичка легенда Зафир Хаџиманов

Тале Кристо — Sat, 27 Mar 2021 15:14:28 +0000

На 78-годишна возраст како последиците од коронавирусот почина македонскиот филмски актер, пејач и композитор Зафир Хаџиманов, пренесуваат српските медиуми. Хаџиманов беше женет со пејачката и актерка Сенка Велетанлиќ, со која го има синот Васил Хаџиманов, познат џез-музичар. Тој исто така беше композитор, писател, шоумен и голема ѕвезда на златната доба на југословенскиот шансон.