загина пешак – Kurir.mk

Сообраќајна несреќа во Железара, пешак загинал на лице место

Тале Кристо — Wed, 14 Jul 2021 17:01:42 +0000

Пешак настрада во тешка сообраќајна несреќа попладнево во скопска Железара, објави Пресс24. Според информации на порталот, пешакот загинал на лице место, иако засега нема официјална потврда. Очевидци велат дека на местото на несреќата има зголемено присуство на полициски службеници. Во моментот полициски службеници прават увид на местото на настанот, а од МВР најавија дека по завршувањето на увидот ќе соопштат повеќе информации за несреќата.

Тешка сообраќајка во Чаир, усмртен пешак

Ивона Петрова — Thu, 05 Jul 2018 08:07:43 +0000

Тешка сообраќајна несреќа во која едно лице го загуби животот се случила вчера околу 20 часот на улицата „Кемал Сејфула“ во скопски Чаир. Од полицијата информираат дека патничко возило „Ауди А3“ со турски национални ознаки, управувано од Џ.Ш. (28) од Скопје, удрило во пешакот И.К. (55) од Скопје. -Од ударот, И.К. се здобил со тешки телесни и со возило на Итна медицинска помош бил префрлен во Ургентен центар при комплексот клиники „Мајка Тереза“-Скопје, каде по кратко време починал, информираат од МВР. Увид на местото на настанот извршиле Јавен обвинител и екипа од СВР Скопје. По наредба на Јавен обвинител телото на починатиот било предадено за обдукција.

Пешак го загуби животот, 13 сообраќајки вчера во Скопје

Ивона Петрова — Thu, 05 Jul 2018 07:13:53 +0000

Пешак загинал во една од вкупно 13 сообраќајки случени во текот на вчерашниот ден на подрачјето на СВР Скопје. Во две со потешки телесни повреди се здобиле пешак и велосипедист, а во пет сообраќајки полесно биле повредени пет лица. Во пет сообраќајки била причинета материјална штета. Од МВР информираат дека викендов сообраќајната полиција открила и санкционирала поголем број прекршоци. Педесет и седум возачи се движеле со брзина поголема од дозволената, еден возач поминал на крстосница на црвено светло, како и 40 возачи за не користење на заштитен шлем. Санкционирани биле и тројца пешаци кои поминале коловоз вон пешачки премин. Затекнати биле 55 непрописно паркирани возила. Од сообраќај биле исклучени 15 нерегистрирани возила. Со помош на специјалното возило пајак, отстранети биле 70 возила. Во рамките на сообраќајно-воспитниот проект „Сообраќајна култура на децата во предучилишните установи“ Одделението за превенција при СВР Скопје денеска ќе реализира едукативна работилница со децата од средна и голема група во детската градинка „Весели светови“’, објект „Синоличка“, која се наоѓа на подрачјето на општина Кисела Вода. Одделението за превенција денеска ќе реализира и посебна воспитна мерка - сообраќајна поука, на која ќе присуствуваат граѓани учесници во сообраќајот кои сториле прекршоци по разни основи во својство на возачи на велосипеди со мотор, мопеди и мотоцикли.