загина – Kurir.mk

Загина професионалниот рели возач Кен Блок

Ивона Петрова — Tue, 03 Jan 2023 11:47:12 +0000

Професионалниот рели возач Кен Блок почина на 55-годишна возраст. Ова го потврди неговиот тим „Хуниган Рејсинг“. -Со најголемо жалење потврдуваме дека Кен Блок почина по несреќа со моторни санки. Кен беше визионер, пионер и икона, и што е најважно, татко и сопруг. Многу ќе ни недостига, се вели во соопштението. Несреќата се случила во Јута, каде врз него паднала моторна санка, а тој набрзо починал од повредите. Блок ја започна својата рели кариера во 2005 година, кога беше прогласен за дебитант на годината. Наскоро добил покана од елитната WRC организација каде возел Ford Fiesta со познатите симболи „Monster Energy“. На Јутјуб изведуваше различни акробации во серијата „Gymkhana“ каде со своите вештини за контрола на автомобилот остави без здив милиони луѓе.

Загина маж во струмичко: Со трактор удрил во метална шипка, ова се деталите

Магдалена Андонова — Sun, 27 Nov 2022 15:15:27 +0000

Министерството за внатрешни работи информира дека на 26.11.2022 во 16.16 часот било пријавено дека на нива, атар на с.Моноспитово-струмичко, Ј.Ј.(63) додека извршувал земјоделски работи со трактор удрил во метална шипка од пластеник и притоа се здобил со повреди, по што починал на местото на настанот. Извршен бил увид од Јавен обвинител и увидна екипа од СВР Струмица.

ГОЛЕМА ТРАГЕДИЈА: На лице место загина велосипедист на обиколницата во Радишани откако во него удрил автомобил

Магдалена Андонова — Thu, 17 Nov 2022 16:24:46 +0000

Голема трагедија штотуку се случи на обиколница на излезот во Радишани, Скопје. Загина велосипедист во тешка сообраќајка. Го удрил возач со автомобил. Во 15,48 часот е пријавено дека на обиколницата, после клучка Радишани во правец кон Тетово се случила сообраќајна несреќа во која возило „мазда“ со скопски регистерски таблички управувано од Р.Р. (63) удрило во двајца велосипедисти: А.Ш. , кој починал на лице место и А.П., кој се здобил со повреди и со возило на ИМП е пренесен во ургентен центар „Мајка Тереза“. Полициски екипи вршат увид на место на настанот, велат од полицијата. Увидот е во тек. Неофицијално станува збор за професионален велосипедист. Загинатиот велосипедист неофицијално е професионалец во тимот „Мадал Бал“, зад себе остави две малолетни деца. Ова е втора несреќа во која загина велосипедист по само месец ипол откако на автопатот Скопје - Тетово имаше таков случај.

ТРАГЕДИЈА ВО МАКЕДОНИЈА: Згасна животот на 21 годишно момче од беровско, со автомобил излетало од патот

Магдалена Андонова — Sun, 06 Nov 2022 15:57:01 +0000

На 06.11.2022 во 04.40 часот било пријавено дека на регионалниот пат Берово-Струмица, кај место викано „Кортелов Мост“, атар на с.Ратево, беровско, Б.Г.(21) од с.Ратево, управувајќи патничко возило „опел вектра“ со беровски регистарски ознаки, излетало надвор од патот. На местото на несреќата починал возачот. Констатирана била смрт од страна на лекар од Итна медицинска помош. Извршен бил увид од Јавен обвинител и увидна екипа од Полициската станица Берово.

ТРАГЕДИЈА НА КРИТ: Туристка го загуби животот откако паднала карпа врз хотелската соба каде што таа престојувала

Магдалена Андонова — Sun, 30 Oct 2022 13:22:50 +0000

Една жена го загуби животот, а нејзиниот 10-годишен син е полесно повреден откако во текот на ноќта се одронила огромна карпа и паднала врз хотелот во кој престојувале во туристичкото место Агиа Фотја во близина на Јерапетра во југоисточниот дел на грчкиот остров Крит, јави дописничката на МИА од Атина. Карпата паднала врз собата од хотелот во која престојувало тричленото семејство, кое според локалните медиуми, денеска го завршувало одморот. Животот го загуби 45-годишната жената, нејзиниот син е полесно повреден, додека пак мажот кој е без повреди бил во делот од собата што останал недопрен од карпата. Од противпожарната служба на Грција соопштија дека во спасувачката акција учествувале 50 пожарникари со 20 возила, спасувачки екипи волонтери и претставници од општините и било извлечено безживотното тело на жената. Акцијата за пронаоѓање траела над четири часа, а од падот на карпата уништени се уште неколку соби, кои за среќа биле празни. Според командантот на противпожарната служба на Крит, Јоргос Цикалакис, на полноќ добиле повик за пад на карпата врз хотел по што веднаш почнала акцијата. -Успеавме да извлечеме повредено, но во добра состојба 10-годишно момче заедно со неговиот татко, а нашите сили се концентрираа во потрагата по исчезнатата сопруга на спасениот, чие безживотно тело беше пронајдено, рече Цикалакис за грчките медиуми. Хотелот со соби за изнајмување е сместен на падините на планина и во близина на плажата. Претседателот на здружението на хотелиери од Јерапетра за грчката новинска агенција АНА-МПА вели дека „се шокирани од трагичниот настан што никој не можеше да го предвиди“. (МИА)

СКОПЈАНКА ЗАГИНА ВО ТЕШКА СООБРАЌАЈКА – телото предадено на обдукција

Магдалена Андонова — Tue, 11 Oct 2022 11:04:25 +0000

СВР Скопје информира дека вчера во 09.41 часот било пријавено дека на ул.„Македонско- косовска бригада“ во Скопје се случила сообраќајна несреќа помеѓу патничко возило „опел корса“, управувано од Н.А.(30) од Скопје и патничко возило „фолксваген пасат“, управувано од З.З.(21) од с.Визбегово, скопско, двете со скопски регистарски ознаки. Како што соопшти МВР, од здобиените повреди на местото на несреќата починала сопатничката во возилото „опел корса“, А.Е.(79) од Скопје, а Смрт констатирал лекар од Итна медицинска помош, а увид извршила екипа од СВР Скопје. По наредба на Јавен обвинител, телото на починатата било дадено на обдукција.

ТРАГЕДИЈА ЈА СТРЕСЕ МАКЕДОНИЈА: Почина 22 годишник од струен удар

Магдалена Андонова — Thu, 01 Sep 2022 13:51:33 +0000

Тетовската полиција информира дека кај нив е пријавен смртен случај на 22 годишник од Боговиње, кој животот го загубил поради повреди здобиени од струен удар. Трагичниот настан се случил во соседното Камењане, каде 22 годишниот работел како градежен работник. – Денеска (1 септември) во 12 часот и 20 минути во СВР Тетово пријавено е дека во тетовската Клиничка болница бил донесен 22-годишниот Е.И. од тетовско Боговиње кој претходно, според првично пријавеното, задобил тешки телесни повреди од струен удар додека бил ангажиран на изведување на градежни работи (фасадирање) на училишен објект во тетовско Камењане.По извршениот преглед, лекарите констатирале негова смрт. По наредба на Јавниот обвинител ќе се врши обдукција на бeзживотното тело на Е.И.Се преземаат мерки за расчистување на случајот, информира Марјан Јосифоски, портпарол на СВР Тетово. Увидот е во тек со учество на Јавен обвинител и екипа од Секторот за внатрешни работи Тетово. (МИА)

ТРАГЕДИЈА ВО МАКЕДОНСКИ БРОД: Загина работник откако со багер паднал во провалија

Магдалена Андонова — Sat, 16 Jul 2022 14:50:44 +0000

На 15.07.2022 во 11.08 часот било пријавено дека во Македонски Брод, во месноста викана “Долна ричка“, С.С.(65) од Куманово, при изведување градежни работи, односно управувајќи со работна машина “багер“ паднал во провалија и починал на местото на настанот. Од страна на лекар констатирана била смрт. Извршен бил увид од увидна екипа од Полициската станица Македонски Брод. По наредба на Јавен обвинител телото на починатиот е дадено за обдукција.

Литванскиот режисер Кведаравичиус загина во Мариупол

Ивона Петрова — Sun, 03 Apr 2022 10:45:52 +0000

Во Мариупол вчера е убиен литванскиот филмски режисер Мантас Кведаравичиус, кој долги години ги документираше настаните во градот, соопшти украинското Министерство за одбрана. Во соопштението се наведува дека „руските окупатори додека се обидуваа да го напуштат Мариупол го убија литванскиот режисер Мантас Кведаравичиус“. – Изгубивме човек кој до последен момент, и покрај опасноста, работеше во Украина, која е окупирана од Русија, изјави литванскиот претседател Гитанас Науседа.

Трагедија: Почина припадник на АРМ

Ристе Здравков — Fri, 07 Jan 2022 20:53:13 +0000

Генералштабот на Армијата на Република Северна Македонија со жалење и длабоко сочувство кон фамилијата, ја известува јавноста дека денес (7ми јануари), во вечерните часови, (околу 18.15 часот), во болница во Приштина, Косово, ненадејно почина професионален војник со иницијали И.Ч на 44 годишна возраст, кој беше во состав на контингентот на Армијата на Република Северна Македонија во мисијата КФОР. Имено професионалниот војник кој извршување должности во водот за обезбедување во командата на КФОР-запад во Пеќ, во текот на попладневните часови видно му се слошило по што веднаш откако бил приметен од присутните е пристапено кон пружање прва помош од страна на надлежната санитетска служба во состав на контингентот. Веднаш со воен хеликоптер во придружба на воен медицински персонал бил упатен кон најблиската здравствена установа, во случајот болница во Приштина, каде по пристигнувањето од страна на персоналот се пристапило кон реанимација, но по кратко време се констатирала смрт за која како причина по првичните наоди е најверојатно од срцев удар. Од страна на Генералштабот по добивање на првичните информации со преземање на сите потребни процедури, трагичната вест е соопштена на неговите најблиски и во моментот во координација со сите надлежни институции се преземаат сите неопходни мерки за пренесување на посмртните останки на нашиот припадник во неговото место на живеење. По пристигањето на телото на нашиот починат мировник, погребот ќе биде со сите воени почести а во координација со неговата фамилија во време и место кое ќе биде одредено.