загинаа – Kurir.mk

Најмалку седум исламисти загинаа во воена операција во Алжир

Магдалена Андонова — Sun, 20 Feb 2022 13:19:30 +0000

– Алжирската армија вчера убила седум вооружени исламисти во североисточниот дел на земјата, соопшти Министерството за одбрана. Како што пренесе Бета, за време на воената операција запленети се шест калашникови, снајперска пушка, големо количество муниција, средства за комуникација и лекови. Алжирската војска редовно известува дека уапсила или убила „терористи“, термин што властите го користат за да ги означат вооружени исламисти кои останале активни од граѓанската војна (1992-2002). Во тој период загинаа околу 200.000 луѓе. И покрај Повелбата за мир и помирување од 2005 година, вооружените групи продолжуваат да спроведуваат спорадични операции. На 1 јануари алжирското Министерство за одбрана соопшти дека биле убиени 23 „терористи“ и оти 222 лица кои ги поддржуваат исламистичките вооружени групи биле уапсени за време на операциите спроведени од армијата во 2021 година.

Двајца грчки државјани загинаа во близина на границата меѓу Русија и Украина

Магдалена Андонова — Mon, 14 Feb 2022 15:19:09 +0000

Грчкото Министерство за надворешни работи денеска соопшти дека двајца грчки државјани загинале, а двајца се тешко повредени во инцидент со украински војници во близина на демаркационата линија со проруските сили. Во соопштението на Министерството се наведува дека тројца украински војници се одговорни за смртта и повредите на четворица Грци во селото Хранитнеу во близина на линијата за демаркација, пренесе Ројтерс. Се наведува и дека инцидентот избувнал откако Грците и украинските војници се скарале од „безначајни причини“. Во соопштението не е наведено што прават Грците во областа, но претставник на грчкото министерство изјави дека инцидентот нема никаква врска со актуелниот конфликт во регионот. Претходно денеска Министерството за надворешни работи испрати препорака до грчките граѓани кои се во Украина веднаш да ја напуштат таа земја.

Деветмина затвореници загинаа во бунт во затвор во Еквадор

Магдалена Андонова — Tue, 04 Aug 2020 07:14:24 +0000

Деветмина затвореници загинаа, а 20 се повредени во бунт во затвор во крајбрежниот град Гвајакил во Еквадор, што се случи ноќеска, соопшти затворската управа. Генералниот командант на полицијата, Патрисио Кариљо на Твитер напиша дека „неколку полицајци се во критична состојба“. Во соопштението на затворската управа се наведува дека тие мора да го преиспитаат управувањето со таа институција поради конфликтите меѓу бандите. Управата посочува дека избувнувањето на немирите на групите демонстранти внатре и надвор од затворот е со цел „да ја дестабилизираат“ нивната работа. Во затворите во Еквадор има околу 38.000 затвореници, што е за 30 проценти повеќе од капацитетот. Поради пандемијата на коронавирус, Еквадор одлучи да ги преиначи казните за помали прекршоци, со што е намалена пренатрупаноста, која беше 42 проценти пред здравствената криза. (MИА)

Двајца демонстранти во Багдад загинаа во судири со полицијата

Магдалена Андонова — Mon, 27 Jul 2020 09:33:14 +0000

Утрово во Багдад загинаа двајца демонстранти откако биле погодени со канистери со солзавец во судири со безбедносните сили, соопштија безбедносни извори. Ова се првите жртви на насилството поврзано со протести откако новиот премиер Мустафа ал Кадеми, кој вети дијалог со демонстрантите, ја презеде функцијата во мај. Смртните случаи се закана за разгорување на протестното движење низ целата земја, што избувна во октомври поради незадоволството кон властите, но замре во последните неколку месеци. Демонстрантите вчера организираа насилни протести поради прекините на електрична енергија во главниот град и неколку јужни градови, каде што температурите од 50 степени Целзиусови ја попречија работата на генераторите за електрична енергија. Во Багдад, десетици луѓе се собраа на протест на плоштадот Тахрир, и се судрија со полицијата и другите безбедносни сили стационирани на локацијата. (MИА)

Пет војници загинаа во Турција

Магдалена Андонова — Mon, 27 Jul 2020 08:40:37 +0000

Петмина турски војници загинаа, а десет се хоспитализирани, откако автобус со кој се превезувале се превртел во провинцијата Мерсин, во јужниот дел на Турција. Освен нив загинал и возачот на автобусот. Повредените војници веднаш биле пренесени в болница со тешки повреди. Засега не е познато која е причината за инцидентот. (MИА)

Тројца цивили загинаа при престрелка во Кашмир

Тале Кристо — Sat, 18 Jul 2020 15:58:18 +0000

Индиските власти денеска соопштија дека тројца цивили, членови на исто семејство, ги загубиле животите во синоќешната престрелка меѓу индиските и пакистанските сили во индискиот дел на Кашмир. Трагичниот инцидент се случил кога минофрлачка граната ја погодила нивната куќа додека биле внатре. Портпаролот на индиската војска изјави дека пакистанските сили нападнале индиски трупи стационирани долж линијата за демаркација во Кашмир, регион на чија територија во целост имаат право Индија и Пакистан. Индискиот воен претставник додаде дека станува збор за непровоцирано кршење на примирјето во 2003 година и дека индиските сили реагирале соодветно на нападот. Пакистанската страна сè уште не го коментираше овој инцидент.

Двајца турски војници загинаа во Идлиб

Тале Кристо — Thu, 05 Mar 2020 21:27:40 +0000

Двајца турски војника се убиени од силите на сирискиот претседател Башар Асад во северозападниот дел на Сирија, соопшти турското Министерство за одбрана, само неколку часа пред прекинот на огнот, договорен денеска од Анкара и Москва. Двајца турски војника загинаа, а тројца се повредени откако сириските владини сили отворија оган во провинцијата Идлиб, соопшти Министерството, додавајќи дека турската војска одговорила веднаш на нападот.

Тешка сообраќајка во Италија – Загинаа ќерката и внукот на македонскиот конзул (ФОТО+ВИДЕО)

Тале Кристо — Sun, 02 Feb 2020 17:22:53 +0000

Ќерката и внукот во Италија загинаа во сообраќајна несреќа(фото+видео) Братучедите М.В(24) и М.В(25) утринава загинаа во сообраќајна несреќа која се случила во Пјаченца, Италија. Заради неприлагодена брзина нивниот автомобил „Рено клио“ удрил во дрво, по што се запалил, пренесува ако.мк. Двајцата братучеди не можеле да излезат и настрадале на местото на несреќата. Според италијанските медиуми М.В е ќерка на македонскиот конзул во оваа земја, струмичанецот С.В. Местото каде се случила собраќајната несреќа важи за кобно место на кое за десет дена се случиле три сообраќајни несреќи со фатални последици. С.В е македонски конзул во Италија , а седиштето на конзулатот е во Венеција. Македонскиот конзул во Италија, С.В, на оваа должност стапи во јуни 2019 година.

Во експлозија во Сирија загинаа најмалку 18 луѓе

Дарко Андоновски — Sun, 12 Aug 2018 12:53:55 +0000

При експлозија во северниот дел на Сирија загинаа најмалку 18 луѓе, а голем број се повредени, соопштија сириски опозициски активисти. Засега не е позната причината за експлозијата. Опозициската Сириска цивилна заштита, позната како „бели шлемови“, истакна дека експлозијата се случила денеска во селото Сармада, во близина на турската граница, а во неа „се убиени и повредени повеќе од десет луѓе“. Во инцидентот е уништена петтокатна зграда и голем број од жртвите се наоѓаат под урнатините. Сирискиот центар за мониторинг на човековите права, со седиште во Лондон, соопшти дека загинале 18 лица, но не е потврдено дали жртвите се цивили. Центарот наведува дека експлодирал магацин за оружје во подрум на една зграда. Во меѓувреме, сириските безбедносни сили се борат против бунтовниците во покраината Идлиб.

Мајка и дете загинаа на бизарен начин на плажа во Улцињ, лекарите се борат за животот на другото дете

Дарко Андоновски — Tue, 24 Jul 2018 17:25:25 +0000

Две лица загинаа, а две се повредени во тешката несреќа која денеска се случила во водите кај Улцињ, соопшти црногорската полиција. Загинатите се словенечки државјани, 35-годишната З.И. и десетгодишниот Ј.И. Несреќата се случила околу 14:30 часот, кај Велика плажа во Улцињ. Неофицијално, пренесува порталот РТЦГ, загинатите се возеле на гумена „банана“, која ја влечел глисер, а се судриле со туристички брод. Медиумите од Подгорица пренесуваат дека во несреќата загинале мајка и син, а лекарите моментално се борат за животот на другото дете Според извори на „Вијести“, до несреќата најверојатно дошло кога „бананата“ налетала на бродот во кој се возеле туристи. Повредените се П.И. (36) и Ј.И. (14).