загинат мотоциклист – Kurir.mk

ТРАГЕДИЈА ВО МАКЕДОНИЈА: 20 годишно момче излетало од мотор, а моторот се забил во друг автомобил – загинал на пат кон болница

Дарко Андоновски — Mon, 21 Aug 2023 09:54:21 +0000

На 20.08.2023 околу 11,40 часот било пријавено дека на ул.„Каменичка“. мотоцикл „хонда“, управуван од И.К.(20) од Македонска Каменица изгубил контрола и излетал од коловозот по што И.К. испаднал од моторот, а моторот удрил во патничко моторно возило „рено лагуна“ со делчевски регистарски ознаки, управувано од С.Д.(47) од Делчево. Во незгодата со тешки телесни повреди се здобил И.К, кој на пат кон болница починал. Од страна на лекар од итна медицинска помош констатирана е смрт. Увид на местото на настанот извршиле Јавен обвинител и екипа од Полициска станица Делчево. По наредба на Јавен обвинител телото на починатиот е предадено за обдукција.

ЗАГИНА МОТОЦИКЛИСТ ОТКАКО СЕ СУДРИЛ СО АВТОМОБИЛ – еве ги деталите за несреќата на овој магистрален пат

Дарко Андоновски — Wed, 07 Jun 2023 10:43:50 +0000

На 06.06.2023 во 13.50 часот во Полициската станица Валандово било пријавено дека на магистрален пат А-1, делница село Удово – село Марвинци, општина Валандово, се случила сообраќајна несреќа помеѓу мотоцикл со гевгелиски регистарски ознаки, управуван од М.К.(68) од село Пирава, валандовско и патничко возило „сузуки“ со валандовски регистарски ознаки, управувано од А.Д.(36) од село Јосифово, валандовско. Од здобиените повреди на местото починал мотоциклистот, а смрт констатирал од лекар од Здравствен дом Валандово. А.Д. се здобила со тешки телесни повреди, констатирани во Медицински центар Гевгелија. Увид на местото на несреќата извршиле Јавен обвинител од Основното јавно обвинителство Гевгелија и екипа од Полициската станица Валандово.

ТРАГЕДИЈА ВО СКОПЈЕ: Загина 28 годишен мотоциклист, еве ги кобните детали – не бил ниту сам на моторот

Дарко Андоновски — Thu, 12 May 2022 09:16:20 +0000

На 11.05.2022 околу 23.50 часот во СВР Скопје било пријавено дека на ул.„Елисие Поповски – Марко“, мотоцикл со скопски регистарски ознаки, управуван од Љ.А.(28) од Скопје изгубил контрола и удрил во ограда. По несреќата Љ.А. бил пренесен во Комплексот клиники „Мајка Тереза“ каде од лекар му биле констатирани тешки телесни повреди и набргу починал. Со телесни повреди се здобила сопатничката Г.С.(27) од Скопје, констатирани во Комплексот клиники „Мајка Тереза“. Известен бил Јавен обвинител, а увид извршила увидна екипа од СВР Скопје.

Познат идентитетот на загинатиот мотоциклист, МВР со детали за несреќата во Аеродром

Ивона Петрова — Fri, 13 Apr 2018 07:50:40 +0000

Полицијата го утврди идентитетот на мотоциклистот кој загина утринава во сообраќајна несреќа во Аеродром. Станува збор за 41 годишниот скопјанец Д.П. Како што претходно објавивме, тешката сообраќајна несреќа се случила утринава на крстосницата со булеварите „АВНОЈ“ и „Србија“, а во истата учествувале автомобил „Мицубиши“ управуван од скопјанката В.С. и мотор управуван од сега починатиот Д.П. Полициски екипи на местото на несреќата извршиле увид.