загинат пешак – Kurir.mk

Познат идентитетот на пешакот кој загина во Ѓорче Петров, телото дадено на обдукција

Ивона Петрова — Thu, 26 May 2022 10:40:43 +0000

Полицијата денеска соопшти детали за сообраќајната несреќа во која животот го загуби пешак во скопската населба Ѓорче Петров. Како што информираат од МВР, автомобил „Ауди а6“ со скопски регистарски ознаки, управуван од М.Ј.(58) од с.Сарај, удрил во пешакот С.Р.(65) од с.Грчец, општина Сарај.На местото на несреќата починал С.Р., а смрт констатирал лекар од Итна медицинска помош, велат од МВЕ. Несреќата била пријавена околу 21:30 часот, а се случила на крстосница од ул.„Ѓорче Петров“ и ул.„Никола Пушкаров“. Увид на местото извршиле екипа од СВР Скопје и Јавен обвинител, по чија наредба телото на починатиот било дадено на обдукција.

Поради увидот за загинатиот пешак – блокиран соообраќајот од Мавровка кон влада

Дарко Андоновски — Wed, 26 Jan 2022 12:17:57 +0000

Полицијата го регулира сообраќајот на големата раскрсница кај Мавровка. Поради увидот кој се врши на булеварот Гоце Делчев пред мостот, сообраќајот е сопрен на целиот правец од Мавровка во правец на влада. Возилата се пренасочуваат кон Центар, Веро Џамбо и кон едносмерната улица пред Рамстормол. Во моментот има поголеми колони автомобили во центарот на Скопје. Во несреќата беше прегазен пешак кој почина на лице место. -Денес во 11,25 часот било пријавено дека на бул.“Гоце Делчев“ патничко моторно возило “бмв“ со кумановски регистарски ознаки удрило во пешак. Во несреќата пешакот починал на местото на настанот. Од страна на лекар од Итна медицинска помош констатирана била смрт. Во моментов се врши увид од увидна екипа од СВР Скопје, соопштија од МВР.

Пешак загина во тетовско, бил удрен од автомобил кој го управувал малолетник

Ивона Петрова — Mon, 13 Jan 2020 06:45:31 +0000

Седумдесет и шестгодишен пешак од тетовско Камењане загина откако бил удрен од автомобил управуван од малолетник. -Сообраќајна несреќа е пријавена вчера во 17 часот во СВР Тетово. Возило „рено клио” со тетовски таблици на регионалниот пат Тетово-Камењане управувал малолетник од Камењане и удрил во пешакот Ќ.О (76). Пешакот добил тешки телесни повреди, по што е пренесен е во клиничка болница Тетово каде дежурен лекар констатирал смрт, информира портпаролот на СВР Тетово, Марјан Јосифоски. Возачот е обезбеден во СВР Тетово. Увид извршиле полициски службеници на СВР Тетово во содејство со јавен обвинител.

Трагедија попладнево ја потресе Македонија: Загина пешак на излез од Куманово, патот затворен

Катерина Бојаџиева — Fri, 07 Dec 2018 17:33:41 +0000

Загина пешак во Куманово, откако во него удрил автомобил „тојота јарис“ со скопски регистарски таблички, соопшти МВР. Сообраќајната несреќа се случила попладнево на магистралниот пат Куманово- Крива Паланка на излез од Куманово. Полицијата врши увид, а од 17 часот овој патен правец е затворен за сообраќај.

Трагедија на патот Тетово- Јажинце: Загина пешак

Катерина Бојаџиева — Thu, 19 Jul 2018 09:39:18 +0000

Шеесетгодишниот А.А. од тетовското село Одри починал вчера на скопските клиники каде бил донесен како тешко повреден од сообраќајна несреќа што истиот ден претходно се случила на регионалниот пат Тетово – Јажинце што минува низ Одри информираат од СВР Тетово. Вчера околу 15 часот и 40 минути А.А. (60) додека пешки се движел бил удрен од патничко возило „Опел астра“ со тетовски регистерски таблици што го управувал А.А. (20) од Јажинце. Од удирот пешакот здобил тешки телесни повреди и по укажаната лекарска помош во тетовската клиничка болница каде бил пренесен со возило на Брза помош, итно бил префрлен на Карил во Скопје каде пред полноќ им подлегнал на повредите. Полицијата извршила комплетен увид на местото од сообраќајката и работи на целосно утврдување на причините за несреќата, околностите во кои се случила и се друго.