загинат возач – Kurir.mk

Возач загина на патот Битола-Кичево

Ивона Петрова — Tue, 18 Jul 2023 10:27:40 +0000

Г.С.(58) од Кичево го загуби животот во сообраќајна несреќа откако со автомобилот излетал од патот Битола-Кичево, кај с.Кладник. Од МВР информираат дека несреќата кај нив била пријавена во 13:15 часот. -Г.С.(58) од Кичево, управувајќи патничко возило „лада самара“ со охридски регистарски ознаки, изгубил контрола и излетал надвор од коловозот. На местото на несреќата возачот починал, а смрт констатирал лекар од Медицински центар Кичево, велат од полицијата. Извршен бил увид од увидна екипа од Полициската станица Кичево.

ДЕТАЛИ: Загина возач на патот Штип-Кочани, пожарникари извлекувале повредени лица

Ивона Петрова — Mon, 29 May 2023 13:02:33 +0000

Едно лице загина во тешката сообраќајна несреќа што се случи на експресниот пат Штип-Кочани во близина на клучката кај Крупиште. Портапролот на СВР-Штип, Гордана Панајотова за МИА потврдува дека сообраќајната несреќа се случила околу 13.00 часот меѓу две товарни возила со беровски и скопски регистерски таблички. На лице место е починат 62 годишен возач од Велес, кој управувал со пикап - возило со скопски регистерски таблички. Командирот на ТППЕ-Штип, Дарко Коцев за МИА вели дека повикани се во 13.30 часот и учествувале во извлекување на повредени во камионот со беровски регистерски таблички, а во него имало возач и сопатник. Повредените се пренесени во штипската Клиничка болница. Шестмина пожарникари учествувале во акцијата за извлекување на повредените од камионот, кој превезувал жито. Портпаролот на СВР-Штип, Панајотова, информира дека увидот од страна на полицијата и обвинител се уште трае, а сообраќајот на експресниот пат Штип-Кочани е во прекин. Полициски службеници го пренасочуваат по стариот регионалн пат.

ТРАГЕДИЈА ВО МАКЕДОНИЈА – 31 годишен возач излетал од патот и загинал на лице место, еве ги деталите

Дарко Андоновски — Mon, 17 Apr 2023 09:46:24 +0000

На 16.04.2023 во 13.55 часот било пријавено дека на локалниот пат с.Елевци - с.Евла, Центар Жупа, патничко возило „фолксваген широко“ со струшки регистарски ознаки, управувано од М.М.(31) од с.Враништа, излетало надвор од коловозот. На местото на несреќата починал возачот, а смрт била констатирана од страна на лекар од Итна медицинска помош. Извршен бил увид од Јавен обвинител и увидна екипа од Полициската станица Дебар.

ДЕТАЛИ ЗА ТРАГЕДИЈАТА ВО ВРАЊЕ- 25 годишното македонско момче загинало откако си заминале од кафеана, па се вратиле по мобилен телефон

Дарко Андоновски — Mon, 20 Mar 2023 10:48:52 +0000

Дваесет и петгодишен Македонец загинал во сообраќајната незгода што вчера се случила во близина на Врање, пренесуваат српските медиуми. Како што објавија тие, момчето и неговите пријатели биле во кафеана во Врање и тргнале кон Македонија, но по пат се сетиле дека заборавиле мобилен телефон во кафеаната, па се вратиле да го земат. Токму тогаш се случила незгодата, откако со автомобилoт удриле во насип на патот. Во незгодата 25-годишното момче загинало, а останатите патници се повредени.

Автомобил удри во патарината во Куманово- возачот загина

Катерина Бојаџиева — Thu, 09 Mar 2023 08:59:46 +0000

Во сообраќајна несреќа на патарината кај Куманово загина возач на автомобил, информираа од МВР. Според полицијата, несреќата се случила рано утрово на лентата во правец од Скопје кон Куманово. Возилото се забило во бетонски дел на патарината, по што избил и пожар. Возачот загинал на лице место, а во интервенцијата учествувале кумановските пожарникари кои го сечеле автомобилот за да го извлечат загинатиот. Полицијата засега нема информации за идентитетот на загинатиот: -На 09.03.2023 околу 03.27 часот во СВР Куманово било пријавено дека на наплатна станица „Романовце“ на автопат Скопје – Куманово, патничко возило „фолксваген голф“ со скопски регистарски ознаки удрило во столб на наплатната станица, при што настанал пожар на возилото. Притоа, на местото починал возачот, а смрт констатирал лекар од Итна медицинска помош. Пожарот бил изгаснат од екипа на Територијалната противпожарна единица Куманово и од вработени во наплатната станица. По наредба на Јавен обвинител телото на починатиот било дадено на обдукција, а увид на местото извршила екипа од СВР Куманово, информира МВР.

Трагедија ја стресе Македонија: Загина 46 годишен возач откако со своето возило излетал од пат кај „Бели Мост“

Магдалена Андонова — Sat, 23 Jul 2022 10:57:56 +0000

На 22.07.2022 во 21.50 часот во СВР Битола било пријавено дека на патот Битола-Демир Хисар, на место викано „Бели Мост“ пред с.Лисолај, патничко моторно возило „форд фиеста“ со демирхисарски регистарски ознаки, управувано од А.А.(46) од Битола, излетало од патот. Во несреќата возачот починал на местото на настанот, а смрт констатирал лекар од Итна медицинска помош. Извршен бил увид од Јавен обвинител и увидна екипа од СВР Битола.

ТРАГЕДИЈА ВО МАКЕДОНИЈА: Загина возач на мопед кај обиколницата кај Богданци

Магдалена Андонова — Sun, 12 Jun 2022 11:18:40 +0000

Едно лице загина во сообраќајна несреќа што се случила синоќа меѓу мопед и автомобил во на регионалниот пат – обиколница Богданци. Несреќата, како што соопшти МВР, се случила ноќеска во 01:00 часот, на регионалниот пат – обиколница Богданци, на крстосница кај место викано „Луда Мара“, помеѓу мопед „баотиан-БТ49“, со гевгелиски регистарски ознаки, управувано од Е.С. (46) од село Стојаково и патничко возило „форд мондео“, со кривопаланечки регистарски ознаки, управувано од Р.Г. (41) од Нов Дојран. На местото на несреќата починал возачот на мопедот, а смрт констатирал лекар од Итна медицинска помош. Извршен бил увид од Јавен обвинител и увидна екипа од Полициската станица Гевгелија. (МИА)

ЗАГИНА ВОЗАЧ ВО СООБРАЌАЈКА ВО СКОПСКИ БУТЕЛ – ова се деталите за денешната несреќа

Магдалена Андонова — Wed, 12 Jan 2022 14:10:44 +0000

Курир дознава дека денеска во 11.50 часот на улицата Александар Урдарески во скопската населба Бутел се случила сообраќајна незгода помеѓу камион и патничко возило со скопски регистарски ознаки. Во незгодата загинал возачот на патничкото возило (Опел) А.М.(64) од Скопје. Увид во изведба на остроумна екипа од Свр Скопје.

Бугарските власти засега не можат да ја потврдат националноста на загинатиот возач

Ивона Петрова — Mon, 13 Dec 2021 13:27:36 +0000

Возач на камион со турски регистарски таблички загина при судир на два камиона на автопатот Тракија, кај местото Оризово во реонот на Стара Загора во Бугарија, јави бугарската Нова ТВ. Портпаролката на Секторот на бугарското Министерство за внатрешни работи од Стара Загора, во изјава за дописникот на МИА од Софија нагласи дека засега не е во можност да ја потврди националноста на загинатиот возач. Несреќата се случила околу 06:40 часот по бугарско време (05:40 по македонско време) на „161-от километар на автопатот Тракија“ на коловозната лента во правец кон Софија. Во несреќата покрај турскиот учествувал и камион со бугарски регистарски таблички од Велико Трново. При судирот дошло до излевање на гориво на автопатот од двата камиона, поради што сообраќајот се одвива само на една коловозна лента и е формирана колона возила во должина од околу пет километри. Претходно, ТВ21 повикувајќи се на првични неофицијални информации од бугарското Министерство за внатрешни работи јави дека загинатиот бил возач на камион со македонски регистарски таблички.

Бугарски „Глас“: Црногорец е починатиот возач на камион во Бугарија, за чудо немало експлозија

Магдалена Андонова — Mon, 13 Dec 2021 12:52:30 +0000

Возачот на камион со македонска регистрација утрово загина на лице место во тешка сообраќајна несреќа на 161 километар од автопатот Тракија. Камионот, натоварен со санитарна опрема, застанало меѓу лентата за итни случаи и десната лента за престигнување без никакви ознаки, објаснува возачот на камионот Мерцедес од Велико Трново кој превезувал колбаси, кој без да може да реагира, удрил во непрописно паркираниот камион. Од сударот пукнала цистерната на двете возила, за чудо немало експлозија со нејасни последици, коментираат сообраќајните полицајци кои пристигнале на лице место, кои четири часа го пренасочувале сообраќајот додека истражната екипа вршела увид. Познаници за „Монитор“ коментираат дека починатиот е од Црна Гора, неговиот камион се движел со друг во пакет, но продолжил по патот за Софија. Ова е уште една сообраќајка на автопатот Тракија во последните неколку дена, последната била на 371 км во правец кон Бургас, 40-годишен украински државјанин го испуштил воланот од автомобилот и удрил во камион со романска регистрација. .