ОН: Повеќе од 7.000 цивили загинале во војната во Украина, реалната бројка е „значително поголема“

Дарко Андоновски — Tue, 17 Jan 2023 10:10:43 +0000

Повеќе од 7.000 цивили загинале во Украина од почетокот на војната минатиот февруари, соопшти Канцеларијата на Високиот комесаријат на ОН за човекови права. Во соопштението се посочува дека повеќето регистрирани цивилни жртви настрадале при употребата на експлозивно оружје способно да зафати широка област, вклучувајќи тешко артилериско гранатирање, повеќе ракетни системи и воздушни напади. Канцеларијата за права на ОН соопшти дека потврдила 7.031 цивилна смрт, но верува дека реалниот број на жртви е „значително поголем“ со оглед на потребата да се потврдат многу извештаи и да се пристапи до областите на интензивни борби. Повеќето од регистрираните цивилни смртни случаи се случиле во областите под контрола на Владата во Украина – 6.536 споредено со 495 регистрирани во областите контролирани од руските сили. Канцеларијата на Високиот комесаријат на ОН за човекови права не припиша одговорност за смртните случаи. Украина вели дека бројот на убиени цивили може да достигне десетици илјади. Двете страни негираат дека целеле цивили.

Кличко: Во Киев загинаа 264 цивили

Дарко Андоновски — Wed, 23 Mar 2022 16:05:02 +0000

За време на руската инвазија врз Украина во главниот град Киев загинаа 264 цивили, меѓу кои и деца, изјави денеска градоначалникот на Киев, Виталиј Кличко. Тој истакна дека борбите се водат во Лиутиж, село на 30 километри од Киев, и дека украинската армија ја вратила контролата врз областите северозападно и североисточно од главиот град, вклучувајќи го и поголемиот дел од Ирпин. – Украина ја врати контролата врз западниот град Макариов, тврди киевскиот градоначалник. Кличко разговараше со новинарите во Киев на отворено, додека зад него се слушаа експлозии и истрели.

загинати цивили – Kurir.mk

ОН: Повеќе од 7.000 цивили загинале во војната во Украина, реалната бројка е „значително поголема“

Кличко: Во Киев загинаа 264 цивили