загинати деца – Kurir.mk

Во Средоземното Море годинава загинаа 289 деца

Тале Кристо — Fri, 14 Jul 2023 16:58:07 +0000

Околу 289 деца ги загубија животите во првите шест месеци од 2023 година обидувајќи се да стигнат до Европа преку Средоземното Море, што е значително зголемување, соопштија денеска од ОН. Оваа бројка е двојно поголема отколку во првите шест месеци од 2022 година, додаде Детскиот фонд на ОН (УНИЦЕФ), повикувајќи на воспоставување безбедни хуманитарни коридори кои ќе им овозможат на децата да се засолнат во Европа. -Бројот на деца кои ги загубија животите обидувајќи се да го преминат Средоземното Море во Европа се удвои во првата половина од годината во споредба со истиот период лани. Проценуваме дека на тој начин поминале 11.600 деца во првите шест месеци од годинава, што е двојно повеќе од истиот период лани, рече шефицата за миграција и раселени лица на УНИЦЕФ, Верена Кнаус. Во првите три месеци од 2023 година, околу 3.300 деца на таа рута - што е 71 процент од вкупниот број - биле без придружба или одвоени од нивните семејства, според УНИЦЕФ. Тоа е три пати повеќе отколку во истиот период лани.

Најмалку 353 деца во Украина загинаа како резултат на руската инвазија, тврдат украинските власти

Дарко Андоновски — Mon, 18 Jul 2022 08:23:12 +0000

Убиени се најмалку 353 деца во Украина, а повредени се над 665 млади лица, како резултат на руската инвазија, соопшти денеска украинското Обвинителство за малолетници, јави Си-ен-ен. Најмногу повредени се регистрирани во Доњецк, Харков и во Киев, наведуваат оттаму. Како што пишува во соопштението, најмалку 2.138 образовни институции се оштетени, од нив 221 се апсолутно уништени.

УЖАС: Најмалку 155 деца загинаа при земјотресот во Авганистан

Ивана Ефремовски — Mon, 27 Jun 2022 09:51:51 +0000

Најмалку 155 деца загинаа при земјотресот минатата недела во југоисточен Авгани стан, соопштија Обединетите Нации. Организацијата на ОН за хуманитарни прашања информираше за 250 деца повредени за време на земјотресот во планинските села во провинциите Пактика и Хост, кај границата со Пакистан. Најмногу загинати деца има во тешко погодениот Гајан во Пактика. Според талибанските власти во Авганистан, бројот на загинати при земјотресот е 1.150, покрај стотина лица повредени. Информациите од ОН покажуваат дека загинале 770 лица, но, постои страв од зголемување на конечниот број жртви. Земјотресот од минатата недела, со интензитет од шест степени според Рихтеровата скала, е најсмртоносен во Авганистан изминатите две децении. (МИА)

Во Авганистан загинаа 5 деца од граната останата од војната

Магдалена Андонова — Sat, 02 Apr 2022 08:23:52 +0000

Пет деца загинаа во петокот во јужен Авганистан при експлозија на минофрлачка граната останата од војната во земјата. Уште две деца се повредени во експлозијата што се случи во областа Марја во провинцијата Хелманд, објави новинската агенција Бахтар. Во Авганистан останаа неколку милиони неексплодирани убојни средства и мини по децениската војна меѓу силите предводени од САД и талибанците, а најчести жртви на таквите експлозии се децата. (МИА)

Автомобил удри во пешаци на Флорида, две деца загинаа

Катерина Бојаџиева — Tue, 28 Dec 2021 09:11:44 +0000

Две деца загинаа, а три се повредени и хоспитализирани кога автомобил удри во пешаци во Вилтон Манерс, Форт Лодердејл, Флорида, објави локалниот весник Сан Сентинел, повикувајќи се на локалните власти. „Случајот го води локалната полиција за убиства“, се вели во соопштението. Возачот побегнал од местото на настанот.

ЦРН ДЕН ВО МАКЕДОНИЈА: Откриен идентитетот на трите загинати деца, најмалото било родено во 2012 година!

Дарко Андоновски — Sun, 23 Feb 2020 13:03:04 +0000

Три деца загинаа, а шест лица се тешко повредени при експолозија на плинска боца во семејна куќа во кумановското село Романовце. Станува збор за С.Б (2009), Ф.С (2012) и С.С (2011), објави Алсат-М. Од Противпожарната единица од Куманово велат дека повикот го добиле во 10:00 часот, и излегле на лице место со едно возило и четворица пожарникари. Причината за пожарот е експлозија на плинска боца. Роднините и соседите ги изнеле повредените, по што ние околу еден час го гасневме пожарот, велат пожарникарите. Шест лица се пренесени во Општа болница Куманово каде им се констатирани тешки телесни повреди. Поради сериозноста на повредите тие се префрлени во Ургенетн центар Скопје. Известен е јавен обвинител и увидна екипа на СВР Куманово кои се на терен и ќе ги утврдуваат причините за несреќата.

Таткото, братот и дедото на починатите деца во пожарот итно пренесени на Токсикологија

Катерина Бојаџиева — Fri, 10 Jan 2020 17:55:50 +0000

Таткото на загинатите деца во пожарот во Шутка попладнево во 15 часот и 30 минути со возило на службата за Итната медицинска помош бил пренесен на Токсикологија. Од клиниката за Сител информираат дека 28-годишниот пациент имал видливи знаци на стрес и вознемиреност, но по прегледот на негова иницијатива одбил да му бидат направени дополнителни испитувања и доброволно заминал од клиниката. Во меѓувреме заедно со него бил и неговиот 14- годишен син, брат на починатите деца, кај него немало констатирано повреди и за дополнителни прегледи детето било препратено на Клиниката за детски болести. Во меѓувреме на Токсикологија бил донесен и дедото на починатите деца. Тој се уште е на клиниката, но без сериозни здравствени последици и му се укажуваа лекарска помош по што ќе биде пуштен на домашно лекување, велат од Токсикологија за Сител. Од службата за Итна медицинска помош за Сител информираат дека веднаш по добиената пријава за пожар во 13 часот и 30 минути се упатиле во Шуто Оризари, интервенирале со 3 екипи и освен повредените кои ги пренеле на Токсикологија, на лице место им било укажана лекарска помош и на две жени кои биле во куќата.

Трагедија: Три мали деца загинале, заробени во замрзнувач (ВИДЕО)

Катерина Бојаџиева — Tue, 15 Jan 2019 15:24:29 +0000

Три мали деца починале на Флорида, откако играјќи се останале заробени во замрзнувачот, соопшти локалната полиција, пренесува „Скај њуз“. Братче на 6-годишна возраст и едногодишна сестричка, како и уште едно девојченце на 4-годишна возраст си играле во двор на куќа. Двете деца, шестгодишното момче и едногодишното девојче, живееле со својата баба на истиот имот каде што живеело четиригодишното девојче со својата мајка. Тие биле оставени сами кратко време, и кога не можеле да ги најдат во куќата, почнале да ги бараат во дворот. На крајот тие ги пронашле децата во неодамна купениот замрзнувач. Бидејќи сè уште не бил приклучен, тој стоел надвор од куќата неколку дена, во дворот, а децата играјќи се се качиле во него и веќе не можеле да го отворат. Жените повикале полиција и пожарникари кои се обиделе да ги реанимираат децата, но, за жал, веќе било прекасно.

Путин во Кемерово: Положи цвеќе и проговори за причините за пожарот во кој загинаа голем број деца

Ивона Петрова — Tue, 27 Mar 2018 06:48:15 +0000

Рускиот претседател Владимир Путин денес го посети Кемерово каде во пожар во трговскиот центар „Зимнаја вишња“ животот го загубија најмалку 64 лица, од кои најголем дел деца. Путин положи цвеќе, а пред своето обраќање повика на минута молк, по што на семејставата на жртвите им изрази сочувство. Рускиот претседател истакна дека криминална немарност и негрижа се некои од причините за пожарот кој избувна во трговскиот центар. -Тоа што се случува тука не е борбена ситуација или неочекувана експлозија на метан во рудник. Луѓето дојдоа тука да се одморат, деца. Зборуваме за демографија и потоа ќе изгубиме толку голем број лица, поради што? Поради криминална немарност и негрижа, рекол Путин. Пожарот во трговскиот центар во Кемерово избувна во неделата на четвртиот кат од трговскиот центар каде се наоѓаат кино сали и детски забавен центар.

Путин возложил цветы к народному мемориалу возле «Зимней вишни» в Кемерове pic.twitter.com/BajhrYlpBj
— Дмитрий Смирнов (@dimsmirnov175) March 27, 2018

Противпожарниот аларм не работел Противпожарниот аларм во трговскиот центар во кој во неделата избувна голем пожар не работел од 19 март, соопшти претседателот на Истражниот комитет Александар Бастрикин на состанокот со кој претседаваше Путин. Бастрикин додал и дека никој не се позанимавал со овој проблем посочувајќи дека еден од чуварите во трговскиот центар заборавил на време да го вклучи системот за гласовно предупредување. -Не можеме да пронајдеме разумно објаснување, изгледа воопшто не е обучен, нагласил Бастрикин.