загинати рудари – Kurir.mk

Загинаа 32 рудари при одрон во рудник за жад во Мјанмар

Ивона Петрова — Wed, 16 Aug 2023 09:41:03 +0000

Најмалку 32 лица загинаа во свлечиште во рудник за жад во северниот дел на Мјанмар, изјави денеска претставник на локалната противпожарна служба. Свлечиштето се случи во неделата во планинскиот град Хпакант во државата Качин, изјави Са Тај За од противпожарната служба за Си-Ен-Ен. Властите ги вратија сите тела на рударите освен еден на нивните роднини. Одронот однел вода во блиското езеро и ги заробил рударите. Мјанмар произведува околу 70 проценти од светскиот жад, а Хпакант е дом на некои од најголемите и најпрофитабилните рудници на тој минерал во светот, вредни милијарди долари.

Експлозија во рудник во Србија: Заробени рудари, има и загинати

Ивона Петрова — Fri, 01 Apr 2022 07:23:21 +0000

Осум рудари загинаа, а околу 20 се повредени откако рано утринава дошло до експлозија на метан во рудникот „Соко“ кај Сокобања, истакнал директорот на Здравствениот дом во Алексинац, Родољуб Живадиновиќ. Додал дека најголем дел од повредените имаат полесни повреди. Нема детални информации колку рудари уште се заробени. Живадиновиќ истакнал дека најголем дел од рударите се од Алексинац. Неофицијално од рудникот извлечени се околу 65 рудари. Според неофицијални информации, окното во рудникот се урнало, а камениот материјал паднал и затрупал голем број рудари, од кои некои останале заробени од другата страна.

Во кинески рудник поради труење со јаглерод моноксид загинаа 16 рудари

Магдалена Андонова — Sun, 27 Sep 2020 09:04:41 +0000

Шеснаесет лица ги загубија животите како резултат на труење со јаглерод моноксид во рудник за јаглен во југозападна Кина, соопштија кинеските власти. Пред трагедијата, во рудникот останале заробени 17 рудари, кои подоцна биле звлечени од таму, но 16 од нив веќе не давале знаци на живот, додека единствениот преживеан бил префрлен во болница. Кинеската државна новинска агенција Синхуа јави дека зголемувањето на нивото на јаглерод моноксид во внатрешноста на рудникот се должи на палење на ленти или ремени, но не прецизира кои од нив. Истрагата за несреќата во рудникот, која се наоѓа во кинескиот округ Чиѓијанг, е во тек. (МИА)

ТРАГЕДИЈА: Најмалку 19 загинати во одрон на карпи во рудник за мермер во Пакистан

Магдалена Андонова — Tue, 08 Sep 2020 08:12:25 +0000

Најмалку 19 работници загинаа, а голем број други се повредени при одрон на карпа во рудник за мермер во северозападен Пакистан, соопштија денеска локалните власти, пренесе ДПА. Во текот на ноќта падна огромен камен врз работниците во областа Мохманд, во провинцијата Кибер-Пахтунква, изјави началникот на локалната полиција Тарик Хабиб. -Карпата ги затрупа работниците и го блокира влезот во рудникот. Работниците неколку часа беа заробени внатре, рече Хабиб. Германската агенција, цитирајќи го спасувачот Билал Фаизи, пренесува дека повредените и мртвите биле извлечени од рудникот по неколкучасовни напори -Бројот на загинати може да се зголеми бидејќи некои од работниците се уште се заробени, рече шефот на локалната администрација Ифтихар Ахмед. Опасните услови за работа и лошите безбедносни режими секоја година во Пакистан убиваат стотици работници, кои работат во рудници за јаглен, смарагд, мермер и сол, појаснува ДПА. (МИА)

ФОТО: Експлозија во рудник во Кина, најмалку 15 загинати

Ивона Петрова — Tue, 19 Nov 2019 06:45:40 +0000

Најмалку 15 лица загинаа, а девет се повредени во експлозија на гас во рудник за јаглен на северот од Кина, соопштија официјалните лица. Експлозијата се случила вчера во попладневните часови по локално време, а акцијата за спасување рано утринава е прекината. Според информациите 11 рудари успеале да се спасат и да поминат без повреди. Причината за експлозијата засега не е позната.

ВИДЕО: Деветмина загинати при пожар во рудник во Русија

Ивона Петрова — Sun, 23 Dec 2018 08:34:49 +0000

Девет рудари загинаа при пожар во рудник во близина на градот Соликамск, на околу 1.500 километри североисточно од Москва. Властите на регионот Перм, на чија територија се наоѓа рудникот, утрово соопштија дека спасувачките екипи досега ги пронашле телата на осуммина од загинатите рудари, додека по деветиот и натаму се трага. Рудникот за калиумов карбонат е сопственост на руската компанијата „Уралкалиј“. Причините за пожарот, кој избувнал на длабочина од 340 метри во рудникот, засега на се познати. Во време на избувнувањето на пожарот, во рудникот се наоѓале 17 лица, од кои осум успеале да излезат од јамата. Поради густиот чад од огнот и високата температура, спасувачките екипи со часови не можеле да дојдат до деветтемина рудари, кои останаа заглавени во рудникот по избувнувањето на пожарот. МИА

Расте бројот на загинати рудари по експлозија на метан во Чешка

Ивона Петрова — Fri, 21 Dec 2018 07:47:02 +0000

Бројот на загинати во експлозијата во рудникот за јаглен во Чешка се зголеми на 13 жртви, јави националната информативна агенција. Претходните информации беа за најмалку петмина загинати рудари и осуммина се водеа како исчезнати. Вкупно 10 рудари се повредени. Портпарол на компанијата ОКД која управуа со рудникот, изјави дека речиси е сигурно оти загинатите се Полјаци, кои биле ангажирани од полската компанија Алпекс. Експлозијата на метан се случила доцна синоќа во рудникот ЧСМ во близина на чешкиот град Карвина, на околу 300 километри од Прага.