загинато дете – Kurir.mk

ТРАГЕДИЈА ЗА ВРЕМЕ НА НЕВРЕМЕТО ВО СРБИЈА: Загина дете, спасени пет лица – најпогодена Војводина, аеродромот Никола Тесла кратко во колапс

Дарко Андоновски — Sat, 22 Jul 2023 07:23:33 +0000

Силен дожд проследен со грмежи и ветер ја зафати во петокот вечер Србија. Најпогодена е Војводина, каде ветерот соборуваше дрвја, причинувајќи материјална штета. Одделот за итна помош спаси пет лица, една жена е повредена, а десетгодишно дете загина во Нови Сад од струен удар или гром, јави дописникот на МИА од Белград. Поради невремето без струја се делови од Нови Сад, Бачка Паланка, Темерин, Жабља, Футог, Зрењанин. Невремето ги погоди и Сомбор и Суботица кои исто така имаа прекини на електричната енергија. Припадниците на Одделението за вонредни состојби на МВР спасија пет лица, од кои две деца. Меѓу нив е вработена во трафика во Нови Сад врз која падна дрво од невремето, а пожарникарите-спасувачи од Нови Сад спасија уште четири лица, меѓу кои и две деца од такси кое беше погодено од дрво. Во Нови Сад, од невремто„одлета“ дел од покривот на Новосадски саем, а соборен е и кран на градилиштето во Детелинара, при што беа оштетени соседните згради. И во Белград имаше пороен дожд со грмежи и силен ветер. Аеродромот Никола Тесла беше привремено затворен.

Познат идентитетот на загинатото дете од Македонија, повредените се вон животна опасност

Ивана Ефремовски — Sat, 17 Jun 2023 18:26:07 +0000

Министерството за надворешни работи информира дека денеска на магистралниот пат Ељбасан-Пеќин, Република Албанија, се случила тешка сообраќајна несреќа, во која загинало осумгодишно дете, A. K. од Гостивар, државјанин на Република Македонија, додека двајца сопатници, T. Б. и Р.К. се вон животна опасност и на лекување во локалната болница во Ељбасан. Амбасадата на Северна Македонија во Тирана, како што е наведено во соопштението од МНР, е во комуникација со надлежните институции на Албанија и семејството на починатото дете и се ставени на располагање за асистенција во врска со преносот на останките од Албанија. -Исто така информираме дека на располагање се дежурните телефони на Амбасадата на Македонија во Тирана +355689019198 и СОС телефонот на Министерството за надворешни работи 075 273 732, стои во соопштението од МНР.

ПЛАЧ НА МАЈКАТА ДО НЕБОТО – погребано двегодишното момче кое загина во гранатирањето во близина на Киев, неговиот татко раскажа за пеколот (ВИДЕО)

Дарко Андоновски — Thu, 24 Mar 2022 10:27:02 +0000

Денеска е точно еден месец откако Русија и објави војна на Украина, над три милиони луѓе досега се отселија од земјата, а многумина цивили ја губат битката со животот поради немилосрдноста на непријателот. Неодамна порталот Радио Слободна Европа на српски јазик сподели видео од место во близина на главниот град на Украина, Киев кое било гранатирано. Станува збор за местото Петровчим каде во гранатирање загинал и двегодишниот Степан Шпак, а неговиот татко за „Current Time“ го опиша неговиот најтежок ден во животот. -Убиен е две годишник кој се уште не го запознал животот, мајка му го викаше мал бакнеж, сега го нема, вели неговиот татко низ солзи и плач.