загинато момче – Kurir.mk

УШТЕ ЕДНА ТРАГЕДИЈА ВО ТЕТОВСКО: Загина 18-годишно момче во сообраќајна несреќа

Катерина Бојаџиева — Tue, 03 Oct 2023 09:01:55 +0000

Осумнаесетгодишник го загуби животот, а 23-годишно момче е повредено во сообраќајна несреќа што се случи вчера во 21 часот и 30 минути на патот Пирок-Тетово кај Долно Палчиште. Починатиот и повредениот се од селото Синичане. -Вчеравечер (2 октомври) околу 21 часот и 30 минути во СВР Тетово пријавено е дека на регионалниот пат Пирок-Тетово, во тетовско Долно Палчиште, патничко моторно возило „бмв“ со тетовски регистарски ознаки кое, според првичните сознанија од увидот го управувал 18-годишниот М.З. од тетовско Синичане, излетало од коловоз и удрило во столб. Во несреќата, М.З се здобил со тешки телесни повреди од кои починал на самото место, а сопатникот А.З.(23) од истото село со телесни повреди констатирани во тетовската Клиничка болница, каде бил пренесен за укажување на лекарска помош. Јавен обвинител и екипа од СВР Тетово извршиле комплетен увид, а по наредба на јавниот обвинител на телото на починатиот ќе се врши обдукција, информира СВР Тетово. За два дена ова е втора сообраќајна несреќа во тетовско. Во неделата поради удирање во столб на автопатот Тетово-Гостивар, загина 18-годишно момче од Чегране.

ТРАГЕДИЈА: 27 годишно момче од Македонија загина во САД, на семејството му треба помош

Дарко Андоновски — Thu, 28 Sep 2023 10:28:31 +0000

Дваесет и седумгодишниот Марко Трајковиќ од Куманово почина во САД по незгода со велосипед враќајќи се кон својот дом. Сега семејството и пријателите на Марко бараат помош од сограѓаните да се покријат дел од трошоците за транспорт на неговото тело во Македонија кој чини 20.000 долари. Отворен е повик за донација преку платформата GoFundMe каде сите хумани граѓани можат да донираат. Имено, Марко по завршување на средното образование се упатува на студии во Америка, каде добива стипендија и се стекнува со диплома за веб дизајн. – Неговата мајка која сега остана сама посакува тој да биде погребан со семејството на семејните гробишта во Куманово. Сепак, последното патување на Марко нема да биде возможно без ваша помош. Сакаме да ѝ помогнеме на мајката на Марко максимално непречено да го помине овој тежок период и достоинствено да се збогува со својот син. Ве повикуваме да ни помогнете Марко достоинствено да го заврши своето последно патување и да најде мир во своето вечно почивалиште во својата татковина Македонија, стои во повикот за донации. Сите заинтересирани можат да донираат ТУКА.

22-годишно момче загина во тракторска несреќа кај тетовско Порој

Тале Кристо — Mon, 11 Sep 2023 10:55:26 +0000

На 10.09.2023 околу 13.50 часот во тетовската Клиничка болница бил донесен починат Ф.М.(22) од тетовски Порој. Според утврденото во увидот, Ф.М. со уште четири други лица од истото село се превезувале со трактор „имт 539“ со тетовски регистарски ознаки, што тој го управувал. На земјен пат во месноста „Плоче“ во атарот на Порој, тој изгубил контрола, по што тракторот се превртел, а од здобиените повреди Ф.М. починал на местото, а со повреди се здобил и еден малолетник кој, исто така, бил на тракторот. Увид извршиле екипа од СВР Тетово и јавен обвинител, по чија наредба телото на Ф.М. било дадено на обдукција.

МЛАД СКОПЈАНЕЦ ЗАГИНА НА ЛИЦЕ МЕСТО – со „фиат пунто“ се забил во „фолксваген голф“, еве ги трагичните детали

Дарко Андоновски — Wed, 23 Aug 2023 11:00:32 +0000

На 22.08.2023 околу 10.15 часот во СВР Скопје било пријавено дека на пат од Скопје за Тетово, кај с. Буковиќ, се случила сообраќајна несреќа помеѓу патничко моторно возило „фиат пунто“ со скопски регистарски ознаки управувано од Л.Р.(31) од Скопје и патничко моторно возило „фолксваген голф“ со скопски регистарски ознаки, управувано од Б.Д.(57) од Скопје. Од здобиените повреди на местото починал возачот на возилото „фиат пунто“ Л.Р., а смрт констатирал лекар од итна медицинска помош. Додека, возачот на возилото „голф“, Б.Д. бил пренесен во Комплекс клиники „Мајка Тереза“ каде му биле констатирани телесни повреди. Увид на местото на несреќата извршиле јавен обвинител и увидна екипа од СВР Скопје.

ТРАГЕДИЈА: Загина 17-годишно момче во сообраќајка во Струмица, еве ги деталите

Катерина Бојаџиева — Fri, 28 Jul 2023 08:29:35 +0000

Седумнаестгодишно момче загина во сообраќајна несреќа што се случила синоќа во Струмица помеѓу мотоцикл „јамаха“ и патничко возило „бмв“. - Синоќа во 23:50 часот во СВР Струмица било пријавено дека на булевар „Гоце Делчев“ во Струмица се случила сообраќајна несреќа помеѓу мотоцикл „јамаха“ со струмички регистарски ознаки, управуван од 17 годишник од село Градашорци, струмичко и патничко возило „бмв“ со бугарски регистарски ознаки, управувано од Ѓ.Д.(25) од село Босилово, струмичко, информираат од СВР Струмица. Од здобиените повреди, како што е наведено во соопштението, на местото на несреќата починал 17- годишен сопатник на мотоциклот, а лекар од Итна медицинска помош Струмица констатирал смрт. Додека, со тешки телесни повреди се здобил мотоциклистот, констатирани во Медицински центар Струмица. Увид на местото извршиле јавен обвинител од Основното јавно обвинителство Струмица и увидна екипа од Полициската станица Струмица.

Детали за трагедијата: Застанале да уринираат, па автомобилот тргнал во рикверц – еве како момче си ги прегази другарите

Ивана Ефремовски — Mon, 02 Jan 2023 08:11:28 +0000

Во 05:20 часот утрото на 1-ви јануари завршила најлудата ноќ, а се одиграла непосакувана трагедија за друштвото од Скопје кое празнувало во градот Штип. Телевизија Телма објавува детали од трагедијата и објаснува како момче си ги прегазило другарите: К.Т. од Скопје превезувал 4-ца другари, не постари од 21 година. Застанале на магистралниот пат Штип-Кочани, на место викано „Брилијант“. Неофицијално и од првичните информации откако неколкумина уринирале крај патот, од засега непознати причини возачот со возило „Опел астра“ го пуштил возилото во рикверц и прегазил двајца од своите сопатници. -21- А.Ѓ од село Трубарово, скопско удрил директно во задното ветробранско стакло со главата и загубил свест. Другарот кој бил до него завршил со скршени заби. Откако се свестиле преостантите момчиња, веднаш реагирале и повредените ги спренеле во штипската болница, а лекарите не успеале да го реанимираат 21-годишниот А.Ѓ, и во 07. 15 минути констатирале смрт. Вториот повреден е вон животна опасност. И тој се здобил во повреди на главата во пределот на вилицата. Загубил заби од ударот, но набрзо ќе биде пуштен на домашно лекување, пренесе телевизијата. Несреќната петорка случајот го пријавиле во полиција, а предметот е во раце на дежурниот обвинител од штипското обвинителство кое врши распит со сведоците и учесниците во несреќата.

Момче загина кога автомобил влета во група марокански навивачи во Франција

Ивана Ефремовски — Thu, 15 Dec 2022 07:25:15 +0000

Момче загина кога автомобил влета во група марокански фудбалски навивачи во Монпеље, Франција, по вториот полуфинален фудбалски натпревар на Светското првенство меѓу Франција и Мароко во Катар, соопшти владата на департманот Еро. „Четиринаесетгодишно момче кое беше удрено со автомобил во Монпеље по полуфиналето на Светското првенство беше донесено во болница во тешка состојба, но подоцна почина“, се вели во соопштението на локалната власт. Како што е соопштено, автомобилот кој учествувал во инцидентот бил пронајден во близина на местото на несреќата, а полицијата во моментов врши увид. Откако француската фудбалска репрезентација го совлада Мароко со резултат 2:0, избувнаа нереди во неколку француски градови. (МИА)

НА МАЈКА МИ ПРВО И УДРИЈА ИНЕКЦИЈА, А ПОТОА И КАЖАВМЕ ДЕКА БРАТ МИ ЗАГИНАЛ – телото на Мартин од Малта ќе биде донесено во сабота

Дарко Андоновски — Wed, 16 Nov 2022 12:51:53 +0000

Телото на Мартин Костов од Чешиново, момчето кое минатиот вторник загина во сообраќајна несреќа на Малта, ќе биде донесено во сабота. Од аеродромот во Скопје ќе биде однесено дирекно во капелата во Кочани, а вечерта ќе биде пренесено во неговиот дом во Чешиново. Погребот е во недела. Ова за ММС го раскажаа неговите браќа Иван и Драган, кои од минатиот вторник, кога Мартин загина, до денес собираат средства за последното патување на нивниот брат. Овие денови се објавија многу информации околу средствата, бидејќи транспортот на телото на Мартин од Малта во Македонија е скап, а семејството ги нема тие пари. Конзулот на Малта во Македонија, Кочо Анѓушев рече дека ќе се погрижи за тоа, но подоцна се упати и апел за донации, а фирма за погребални услуги од Кочани, објави дека ќе го превземе транстпортот на телото од Мегународниот аеродром во Скопје до Кочани, како и трошоците околу погребот. Што конкретно се случувало овие десетина дена за ММС објаснија неговите браќа Иван и Драган. -Нам ни се јави Анѓушев и ни кажа дека ќе покрие дел од средствата за транспорт. Му го дадовме бројот од Ивица, другарот на Мартин во Малта, за да се слушнат за да се види колку ќе чини транспортот. Анѓушев подоцна се јавил на брат ми Драган и рекол дека ќе пушти пари на наша сметка. Ивица во Малта прво се обратил во една фирма, каде му рекле дека транспортот ќе чини 4.750 евра. Ние се јавивме кај Анѓушев и му ја кажавме сумата. Но, во меѓувреме Ивица, зборувал со газдата на Мартин, кој му рекол дека има Агенција која може телото за 3.000 евра да го донесе. Ние и тоа го кажавме на Анѓушев. На Ивица веќе му стасала посмртницата од брат ми, но имало направено грешка, на брат ми му згрешиле ден на раѓање и треба да се корегира. Затоа сите овие денови бевме во исчекување кога ќе се средат докуметите, рече Иван за ММС. Утрово Драган, другиот брат на Мартин, ни рече дека Анѓушев им пуштил на сметка околу 2.000 евра, а остатокот до 3.500 евра, колку што со сигурност веќе се знае дека ќе чини транспортот, ќе ќе го покријат со донациите. -Веќе се стасани парите од Анѓушев, останатото ќе го покриеме со донациите. Средени се и документите во Малта и веќе со сигурност се знае дека телото на брат ми Мартин во Скопје ќе биде донесено во сабота во 10 часот наутро. Потоа погребалната фирма ќе го пренесе во капелата во Кочани, а вечерта ќе го превземеме ние во нашиот дом во Чешиново. Погребот го закажавме во недела, вели Драган. И Иван и Драган велат „камо среќа да не требаше да се собираат пари. Камо среќа нивниот среден брат да беше жив“. -Од минатиот вторник сме ниту на небо ниту на земја. Ние сме тројца браќа. Иван е најстар, потоа е Мартин, а јас сум најмал. Родени сме на по две години. Иван има 34, Мартин имаше 32, а јас имам 30. Мартин работеше тука келнер во рибник, и само што замина за Малта за подобар и посреќен живот, но не ете се врати. Околу 25 дена беше на Малта. Првите пет-шест дена немаше работа, а потоа почна да работи исто како и тука, келнер. Ни се јави и беше пресреќен, дека ете конечно ќе почне да печали. Мартин беше голем оптимист, секогаш насмеан. По се што се случува во државава, живот нема тука, така да ќе бараме излез во странство и ние. Ете Мартин беше нјахрабар од семејството, прв да тргне, нему му се укажа прилика. Требаше и Иван да замине ама ете што се случи сега, вели Драган. Тие биле шокирани кога минатиот вторник се јавила сопругата на другарот на Мартин од Малта да им каже дека загинал. Особено мајка им, која и без оваа трагедија била со нарушено здравје. -Татко ми е починат, а мајка ми не е добра со здравјето. Ова сега што се случи уште повеќе ја потресе. Беше навистина шок кога дознавме, не можевме да си дојдеме на себе. На мајка ми прво и удрија инекција, па потоа кажавме што се случило со Мартин. А планот му беше да остане, да заработува. Кога стаса ни каже дека е презадоволен, дека тргнал на работа, му се допаднало. Навистина се пронајде. Ама судбината до тука била, рече Драган за ММС.

ТРАГЕДИЈА ВО МАКЕДОНИЈА: Загина 27 годишно момче откако се превртел од трактор

Магдалена Андонова — Sun, 30 Oct 2022 15:41:30 +0000

Министерството за внатрешни работи информира дека на 29.10.2022 во 12.40 часот во Полициската станица Берово, од Итна медицинска помош било пријавено дека од с.Митрашинци со повреди добиени при превртување на трактор бил донесен Г.Л.(27), при што од страна на лекар во Здравствениот дом во Берово констатирана била смрт. Според пријавеното, на место викано „Јастребов рид“, атар на с.Митрашинци, Г.Л. управувал трактор со приколка во која превезувал дрва, но изгубил контрола и тракторот и приколката се превртеле. Извршен бил увид од увидна екипа од Полициската станица Берово.

МВР со детали за трагедијата во Прилеп во која загина момче

Ивона Петрова — Sat, 20 Jun 2020 12:34:49 +0000

Министерството за внатрешни работи денеска информираше за сообраќајната несреќа во која животот го загуби 19 годишно момче од Прилеп.

Околу 01,10 часот во близина на бензинска пумпа на влез-излез од Прилеп патничко моторно возило “Хјундаи“ со прилепски регистарски ознаки управувано од А.Ј.(19) од Прилеп изгубило контрола и излетало од коловозот.

-По незгодата со возило на итна медицинска помош возачот и сопатничката В.Ч.(19) од Прилеп биле пренесени во Општата болница Прилеп каде што кај А.Ј. била констатирана смрт, а на В.Ч. (2001) од Прилеп и биле констатирани тешки телесни повреди, информираат од МВР.

Увид на местото на настанот извршила екипа од Полициска станица Прилеп.