загрозување – Kurir.mk

Кривична пријава против скопјанец за загрозување на животната средина и природата со отпад

Магдалена Андонова — Fri, 02 Sep 2022 12:16:48 +0000

Единицата за економски и компјутерски криминал при СВР Скопје поднесе кривична пријава против З.М.(42) од Скопје поради постоење основи на сомнение за сторено кривично дело „загрозување на животната средина и природата со отпад". На 15.02.2022, полициски службеници од Единицата за економски и компјутерски криминал со инспектори од Државниот пазарен инспекторат и Државен инспекторат за животна средина извршиле контрола на импровизирано и нерегистрирано место за откуп и продажба на секундарни суровини лоцирано на влезот во општина Арачиново и го затекнале пријавениот З.М. како во моментот на контролата неовластено тргува со отпад без да е регистриран во Централен регистар како правно лице и без да поседува Дозвола за вршење на дејност -Складирање и третман на отпад издадена од Министерството за животна средина.

Кривична пријава за загрозување на животната средина и природата со отпад

Тале Кристо — Tue, 24 May 2022 07:54:55 +0000

СВР Скопје – Единица за економски и компјутерски криминал поднесе кривична пријава против Д.С.(38) од Скопје и против правно лице од Скопје поради постоење основано сомнение дека сториле кривично дело „загрозување на животната средина и природата со отпад" по член 230 од Кривичниот законик. На 14.02.2022, полициски службеници од Единица за економски и компјутерски криминал и инспектори од Државен пазарен инспекторат извршиле контрола и утврдиле дека првопријавениот, сопственик и управител на правното лице, во име на правното лице, во нерегистриран склад за откуп и продажба на секундарни суровини на ул.„Ѓорѓи Капчев“ неовластено тргувал со отпад без да поседува дозвола за управување со отпад издадена од Министерството за животна средина и просторно планирање.

Кривична пријава за загрозување на животната средина и природата со отпад

Магдалена Андонова — Tue, 10 May 2022 12:31:57 +0000

СВР Скопје – Единица за економски и компјутерски криминал поднесе кривична пријава против Ш.Ф.(61) од Скопје и против правно од Скопје, поради постоење основи на сомнение за сторено кривично дело „загрозување на животната средина и природата со отпад", казниво по член 230 ст.3 од Кривичниот законик. Првопријавениот, како сопственик и управител на правното лице, во нерегистриран склад за откуп и продажба на секундарни суровини во с.Љубош, неовластено тргувал со отпад без да поседува Дозвола за управување со отпад издадена од Министерството за животна средина и просторно планирање, со што постои основано сомнение дека првопријавениот и второпријавениот го сториле кривичното дело што им се става на товар.

Кривична пријава за скопјанец за „загрозување на животната средина и природата со отпад”

Магдалена Андонова — Tue, 03 May 2022 13:55:54 +0000

Единица за економски и компјутерски криминал поднесе кривична пријава против М.Б.(31) од Скопје, поради постоење основи на сомнение за сторено кривично дело „загрозување на животната средина и природата со отпад", казниво по член 230 став 3 од Кривичниот законик. На 14.02.2022 на ул.„Методија Андонов Ченто“ во Скопје, полициски службеници од Единицата за економски и компјутерски криминал во содејство со инспектори од Државниот пазарен инспекторат и Државниот инспекторат за животна средина извршиле контрола на импровизирано и нерегистрирано место за откуп и продажба на секундарни суровини, при што го затекнале пријавениот како неовластено тргува со отпад без да поседува „дозвола за вршење на дејност - складирање и третман на отпад".

Харадинај: Курти ќе биде одговорен за евентуалното загрозување на партнерството со САД

Тале Кристо — Sat, 19 Jun 2021 12:51:52 +0000

Поранешниот косовски премиер, лидерот на Алијансата за иднината на Косово (ААК), Рамуш Харадинај ја осуди вчерашната изјава на портпаролот на Владата на Албин Курти, Прпарим Криезиу дека договорот кој лани во Вашингтон го потпишаа челниците на Косово и Србија „нема правна моќ“, јави дописникот на МИА од Приштина. Харадинај порача дека доколку Курти не ја демантира таа изјава, тогаш „тој ја презема сета одговорност за загрозувањето на стратешкото партнерство“ со САД. – Владата на Курти изјавила дека единствениот договор меѓу Косово и Србија, кој е потпишан во Белата Куќа, да ти бил правно безвреден. Доколку премиерот не ја демантира оваа изјава на неговиот портпарол, тогаш тој ја презема сета одговорност за загрозувањето на стратешкото партнерство со Америка, кое е од животно значење за Косово, напиша Харадинај на неговата страница на Фејсбук. Според лидерот на опозициската ААК, „такво нешто не може да направи никој, ниедна влада и ниеден премиер“. Претходниот косовски премиер, Авдулах Хоти и српскиот претседател Александар Вучиќ минатиот септември во Вашингтон, со посредство и во присуство на тогашниот американски претседател Доналд Трамп, потпишаа договор за подобрување на економската соработка, кој, меѓу другото, резултира и со признавање на независноста на Косово од страна на Израел. Администрацијата на новиот американски претседател, Џо Бајден го поддржа Вашингтонскиот договор и порача дека тој „треба да биде патот на соработката и напредокот“ во односите меѓу Приштина и Белград.

Кривична пријава против правно лице од Дебар поради загрозување на животната средина со отпадни материи

Магдалена Андонова — Thu, 27 May 2021 12:12:24 +0000

ОВР Дебар поднесе кривична пријава против правно лице од Дебар поради постоење основи на сомнение за сторено кривично дело „загрозување на животната средина и природата со отпадни материи“ и против Т.Д.(56) од Скопје и А.Д.(55) од Дебар, одговорни лица во правниот субјект, за „несовесно работење во службата“. На 19.03.2021, одговорните лица дозволиле истек на употребено моторно масло, сопственост на правното лице, во градската канализациска мрежа, а оттука преку поток кај месноста „Трап венец“ во водите на Дебарското езеро. Со тоа, пријавените ја загрозиле животната средина и околината и постапиле спротивно на одредбите од Законот за управување со отпад, Законот за животна средина и од Правилникот за постапките и начинот за собирање, транспортирање, преработка, складирање, третман и отстранување на отпадните масла.

Прогласија кризна состојба, а ништо не прават, Заев продолжува со загрозување на животите на граѓаните

Тале Кристо — Sun, 22 Nov 2020 14:47:11 +0000

Господ нека ни е напомош, тоа беше најчестата реакција во јавноста, откако власта прогласи кризна состојба во Македонија. Но, тоа не е поради сериозноста на пандемијата, туку поради несериозноста на власта, која како и за се досега за време на пандемијата излезе без план. Наместо да бидат подготвени, со план и стратегија како ќе делуваат уште на почетокот на кризната состојба, тие на првиот ден започнаа со кроење на планот. Директорот на ЦУК, Стојанче Ангелов кој беше поставен на за прв човек на Главниот штаб за управување со кризи, како на шега кажа дека досега бил безгрижен, а потоа побара идеи од граѓаните. Да не знаеме што е поскандалозно. Дали тоа што во ек на пандемија како директор на Центар за управување со кризи бил безгрижен, дали дека на работата гледа како на шега, или дека наместо да излезе со план како ќе работи, тој немаше план бараше идеи од јавноста наместо од соработниците. Поставени на тие позиции се затоа што од нив се очекува да ги имаат идеите, дека треба да знаат што работат. Но, очигледно не знаат. Откако заврши состанокот на Главниот штаб за управување со кризи, Ангелов изјави дека нивната улога ќе била споредна односно ќе работеле на јакнење на јавната свест за граѓаните да сфатат дека се работи за опасна болест. Неверојатно, кога од нив се очекуваат конкретни акции и мерки за заштита на граѓаните, тие ќе работеле на јакнење на свеста на граѓаните, ќе ги запознавале за каква болест се работи, небаре вчера се појави болеста. Изминуваат 10 месеци од првиот случај со корона вирус во Македонија, тие сега ќе работеле на свеста. Тоа требаше досега да го имаат направено. Уште на почетокот, но и во текот на летото кога се предвидуваше новиот бран требаше тоа да се работи на јавната свест. На крај на денот, за тоа не е потребна кризна состојба, за тоа не е потребен штаб за управување со кризи. Во кризна состојба, кога пандемијата голем замав и бројките на заразени и починати се застрашувачки, од Главниот штаб за управување со кризи најмалку се очекува да дели флаери по улици. Од нив се очекуваат конкретни и суштински мерки кои ќе помогнат во заштита на населението и помош за најпогодените кои се справуваат со болеста како што се болниците и лекарите. Но, од СДСМ не може и да се очекува и нешто друго. Така постапуваат од самиот почеток. Цело време се работи без план, убедувајќи ги граѓаните дека се е под контрола на очиглед на колапсот кој ни се случува. Немаа план и не ги подготвија ниту болничките капацитети и граѓаните за новиот бран кој дојде есенва, немаат план и стратегија ниту за кризната која по се изгледа не е донесена за справување со корона кризата туку за злоупотреба на ресурси. Катастрофална потфрлање, ужасно менаџирање и свесно загрозување на здравјето на животите на граѓаните. И бидејќи повеќе не им успева пиарот и лагите дека се е под контрола, сега сакаат да купат одреден период во кој ќе глумат дека нешто работат, иако сите веќе гледаат како системот крахира поради неодговорно и неспособно работење на власта. Токму и затоа реакцијата е Господ нека ни е напомош.

Медиумите со тужба против Болсонаро поради загрозување на здравјето на новинарите

Тале Кристо — Wed, 08 Jul 2020 10:08:37 +0000

Бразилската асоцијација на медиуми има намера да поднесе тужба против претседателот Жаир Болсонаро, затоа што ги стави новинарите во опасност од заразување со коронавирус за време на прес-конференција на која ги објави позитивните резултати од неговиот тест. Претседателот на здружението, Пауло Жерониму де Соуза, рече дека претседателот „ги прекршил препораките на лекарите да го следат режимот на изолација“ со тоа што ги покани новинарите на прес-конференција. Болсонаро „продолжи да дејствува на криминален начин и да ги загрозува животите на другите, иако знаеше дека е заразен со Ковид-19, потенцираше тој. Претставниците на медиумите го обвинија шефот на државата за кршење на два члена од Кривичниот законик, од кои едниот за „ширење заразна болест“, која предвидува казна до четири години затвор и парична казна. „Неприфатливо е овие активности да поминат неказнети“, велат претставниците на медиумите. Синоќа,на прес-конференција Болсонеро објави дека е позитивен на коронавирус. (МИА)