зајак – Kurir.mk

Донеле дома зајак, а реакцијата на нивната мачка е пресмешна (ВИДЕО)

Ристе Здравков — Wed, 05 Apr 2023 14:10:12 +0000

Едно семејство за домашен миленик има мачка, но посакало да има и зајак. Тие не знаеле како нивната мачка ќе реагира на новиот член на семејството, но добро се насмеале откако го донеле зајакот дома. „Помисливме – нема шанси, не можеме да имаме и мачка и зајак. Но, го донесовме зајакот дома и се обидовме да ги спријателиме. Мачката прво само гледаше во зајакот како да мисли ’какво е ова животно‘“, рекла жената во видеото објавено на ТикТок профилот „The Dodo“. Мачката била изненадена од слаткото животно кое скока низ домот. Не знаела како да се однесува во присуство на зајакот. Секогаш кога ќе се приближел, мачката скокала и бегала. Но, кратко по првиот шок, мачката и зајакот станале најдобри пријатели.

@thedodo Their cat had no idea how to deal 😂 #cats #bunnies #animalsoftiktok #animals ♬ original sound - The Dodo

Дали гледате зајак, патка или и двете: Одговорот открива дали сте рационалист, емотивец или креативец

Ристе Здравков — Thu, 02 Dec 2021 08:30:32 +0000

129 години подоцна, оваа оптичка илузија повторно ги вознемирува луѓето ширум планетата Тестовите засновани на „декодирање“ на оптичките илузии датираат уште од античко време, а во последните години се исклучително популарни меѓу корисниците на Интернет и социјалните мрежи. Оваа илустрација првпат се појавила во германското забавно списание Die Fliegenden Blätter уште во 1892 година; филозофот Лудвиг Витгенштајн ја користел во својата теорија на двосмисленост – идејата дека сликата може да се разбере на два различни начини. Тоа било и тест за креативност и брзина на размислување. Насловот бил „Зајак и патка“. Сега, 129 години подоцна, оваа оптичка илузија повторно ги вознемирува луѓето ширум планетата. Имено, повеќето луѓе прво гледаат патка, а неколку секунди подоцна и зајак. Креативноста лежи во тоа колку брзо можете да ја промените сликата од еден лик во друг. Врвот на креативноста е гледањето на двете во исто време. Меѓутоа, што се крие зад тоа ако прво видовте патка или зајак? Ако видовте патка Многу е веројатно дека вашиот живот се состои од емоционални импулси. Често имате брзи промени во расположението и склони сте кон ненадејни одлуки. Во речиси 90 проценти од ситуациите одлучувате со срцето, а не со главата. Имате силна интуиција и кога погрешно проценувате личност, се лутите на себе. Ако видовте зајак За вас важи „двапати мери, еднаш сечи“. Не постапувате ако претходно не сте ги разгледале сите последици од секоја акција. Логиката обично го зазема првото место во вашиот живот, иако не мора да значи дека сте ладна и бесчувствителна личност. Имате длабоки чувства, но ваша голема предност е што не „трошите“ залудно. Нема да ги трошите нервите и времето на некој кој не ве заслужува. Ако ги видовте и двете Имате баланс помеѓу емоциите и разумот. Со сето тоа, вашата креативност лежи во тоа колку брзо можете да ја промените сликата од еден лик во друг. Врвот на креативноста е гледањето на двете во исто време.

Симбол на пролетта и новиот живот: Каква поврзаност има зајакот со празникот Велигден?

Катерина Бојаџиева — Tue, 27 Apr 2021 14:20:11 +0000

Сите верници се радуваат на шарените јајца за Велигден. Скоро сите знаат дека јајцето е симбол на нов живот и затоа се користи и како симбол за Велигден и новото раѓање на Исус. Но, гледајќи ги сите декорации што се продаваат во овој период од годината, неминовно се наметнува прашањето – што симболизира велигденскиот зајак? Како тој се поврзува со Велигден? Зајците можат да се најдат на сите континенти, освен на Антарктикот. Тие се познати по тоа што многу брзо се размножуваат, особено на пролет, а сите знаеме дека Велигден се паѓа секогаш во пролетната сезона. Како резултат на нивната плодност и нивната активност во ова годишно време, зајаците станале симбол на пролетта и новиот живот. Сепак, ова не е единствената причина. Долго време луѓето верувале дека зајаците се хермафродити и дека можат да зачнат без да ја изгубат невиноста. Ова верување започнало уште од старите Грци и се одржало дури до раниот среден век. Зајакот често пати може да се види на слики како асоцијација за Дева Марија, бидејќи се верувало дека и тој може да затрудни без да ја изгуби невиноста. Ова значи зајакот има двојна улога, како симбол на плодноста и пролетта и дополнително како симбол на невиноста на Дева Марија. Се верува дека зајакот бил популаризиран како симбол за овој период од годината од страна на германските протестанти, па така кога тие емигрирале во американските колонии во 18 век, верувањето се раширило низ цела северна Америка, а подоцна со маркетингот, слично како Дедо Мраз, се проширило и низ целиот свет. Кокошкините јајца за Велигден се друг независен симбол којшто има слично значење со зајакот, па така со тек на времето двата симболи се споиле во еден, со цел да се анимираат децата во целата религиозна прослава за Исусовото воскреснување. Така јајцата почнале да се фарбаат во силни бои, а зајакот почнал да ги крие, за да ги најдат добрите деца.

Години на антинационално лудило, години за заборав…

Љупчо Цветановски — Thu, 02 Jan 2020 13:34:06 +0000

Мина уште една година вредна за заборав. Реално, од хигиенски причини, не само 2019-ката, туку целиот период меѓу 1. јуни 2017. година и 12. април 2020-та ќе треба да го ставиме на некаков умствен стенд-бај, да го избришеме. Скроз... Сосема случајно, нели, овој период се поклопува со стартот на неуставното оформување на Заевата демек влада, а завршува со денот кој треба да го означи збогувањето со истата таа антинационална направија. Фер, убавите работи ги имаше и во меѓувреме, но само на приватен план, во и со семејството и пријателите. Национално, сотреа се’ што допреа. Затоа што бескруплозната биљмеска констелација насила сместена на „Илинденска“ бр. 2, која орно се пресели од удбашкото гнездо на екс Бихаќка, не ни знае поинаку. Оти, од дилајли политичар не бива, а срцките толку многу сакат да бидат владетели, ама од „роѓење“... Ако не верувате, прашајте го Зокија, Катица, Фросе, Кирацот, Рашко, Шилежето, Паки и остала банда. Небаре, прв впечаток ви е дека се работи за некоја екипа циркузанти или лоши комедијанти. Еден тресе зелени без усул, друг краде, трет фолира, четврт фризира, петти продава мадиња за бубрези, шести пие ко смук, седми шмрка итн. итн. итн. Ако се прашувате – што сторивме за да заслужиме вакви дилајли, одговорот е - не сторивме, ама баш ништо. Но не позитивно, да не се разбереме погрешно. Ништо не сторивме, барем многумина, за да не бидат таму кај што се. А со мрчење и продавање пуфки, нема да биде подобро, дефинитивно. Епа, ај да ја смениме прикаската и лентата, затоа што Спасовски и Царовска веќе почнаа да глумат Македонци и добија силен патриотски набој. Да не паднат на овие евтини марктиншки финти повторно дел од чедата „неопределни“ и да бидат дел од новата екипа „разоШарани“. Како малечок, го сакав Езоп и неговите басни. Камо и дел од дилајлите да не застанеа на „Зоки Поки“ во наобразбата им, да се помачеа вклучувајќи ги мозочињата и да сфатеа барем дел од наравоученијата пренесени од „животинчињата“ Езопови. Урбаната, македонска верзија на Езопова басна би била во оваа форма: „Еднаш, во една шума си живееле многу животинки. Најразлични, од мечки до ежиња, од лисица до елен. Ко и во секоја шума и тие не се сложувале за се’, ама сепак си коегзистирале и колку-толку се почитувале. Да, живееле на едно исто место, со векови почвата и судбината ја делеле. Го делеле и чувството на припадност. Имале и лоши и убави денови и периоди, не течело баш мед и млеко, ама тоа било нормално. Не биле ни пребогати, ни пресиромашни, ама биле свои на своето. Соседните шуми и полиња биле поголеми и секогаш настрвени кон нивната шума, но успевале да се одбранат и да останат свои. Не била идила прикаската, ама се си течело по природниот тек на нештата. Арно ама, еден ден се’ се сменило. Се појавил еден безобразен зајак, кому некој однадвор му дал изим да прави бељи и владее. „Ууууууу“, вознемирено викнале домородците, уплашени од апашот зајак кој во шумата бил познат по бескруполозноста, селската итроштина и тресењето зелени. Силен вознемир внел безобразникот кој харал и плашел со бомби в ранчето, а дополнителен страв в коски им донела змијата, глуп смок кој сега со странска генетска модификација станал отровница, која беспоговорно го следела ушкото и постојано на сите што макар и ги погледнеле им пискала „Сдссссссссссссссссссссссссссссссссссс!“ И така, благодарение на бомбите в раце и змијата отровна, зајакот завладеал со шумата. Тормозел, гњавел, фолирал, досадувал, умувал, унишувал, но и натаму зелени без престан тресел. Бил и многу самобедисан. Се правел дека знае да зборува мечешки, па јазовечки, следниот ден полиглотот со уши големи демек знаел и орловски... Затекнатите живи суштества на овие глупоштини си се потсмевале под мустаќ ил скришно, но стравот од заштитникот на долгоушестата досада ги спречувал да сторат што било. Јес, од патот на љубителот на моркови се тргале мечките, лисиците, јазовците, а бегале и елените и ласиците. Волци никогаш не ни имало во шумата, можеби и затоа дошле на тоа дереџе со зајакот... Гавази, пак, му станале мисирките и кртовите, а најдобар поддржувач и партнер нашол во кукавиците. Трагикомичната бурлеска шумска траела со години, тмурни времиња во кои зајакот успејал да внесе страшни поделби меѓу жителите и да урниса еден куп вредности кои биле свети за нив. Го трпеле, трпеле и трпеле, само и само поради наметнатиот страв, кој деспотот долгоушест им го донабил со затворање на непослушниците. Арно ама, еден ден зајакот почнал да приметува дека бомбата во неговото ранче одвреме-навреме престанува да отчукува, а змијата увидела дека нејзиниот отров слабее, па кого и да каснела, тој само со угриз од заби минувал. Страшна паника ги фатила, дерман немале, па почнале да се молат под истото дрво кај ридот за нова помош. Сфатиле, пустите, дека вака нема да можат да владеат, силен страв ги фатил, око не можеле да склопат. Ама одговор немало, заштитникот ридски заминал... Мислеле, мислеле и сковале нов план. Скришно, под закрила на ноќта со своите гавази ќе ископаат огромна јама, па еден по еден во неа ќе ги носат своите противници од шумата, ќе ги закопаат и во апс скришно чуваат. Планот на зајакот многу и се допаднал и на змијата, а кукавиците пукнале од среќа. И копале, копале, а наутро со камуфлажа од лисја ја криеле јамата. Другите, кои ќе приметеле дека нешто муљаат, ги лажеле дека нашле рудник со злато и начин како да ја подобрат економијата на шумата и да ги дигнат пензиите и платите на жителите. Завршиле со се’, а зајко бил најсреќен, страшен товар од плеќи му паднал. Ушите од милина му пораснале. Пукнал од убаини, па така во силен занес се залетал, ја гушнал змијата и со неа, така улетан, се сопнал и траснал во дупката, која сега била стапица и зандана без излез. Тој почнал да писка, а змијата викала сдссссссссссссссссссссс, но биле претешки за да гавазите ги извадат. Така, соочени со реалноста, довчерашните им верни поданици итно си заминале по дома, без збор. Кукавиците, пак, во свој стил одлетале кај мечките и јазовците и издале што им спремале зајко и змијата. Не ги извадиле никогаш, туку ги хранеле и чувале во новокомпоновата ќорка, а во нивна чест над нив изградиле јавни тоалети. Нивните имиња сега ја краселе новата јавна „установа“. Оттогаш, никој во шумата немал проблем со празнење и стомачни тегоби од овој тип, со ќеф оделе во вецето и со милина си ја вршеле работата, токму над главите на довчерашните тирани. И мир, повторно завладеал во шумата. Набргу, сите ги заборавиле зајакот и змијата...“ Наравоучениево е од басната „Двете жаби“, оригинал Езопова, од 4. век п.н.е. и гласи: „Ништо во животот не треба да правиме, без притоа да ги имаме предвид последиците.“ Фер, нели...

Симбол на пролетта и новиот живот: Каква поврзаност има зајакот со празникот Велигден?

Предраг Кукиќ — Tue, 23 Apr 2019 09:43:04 +0000

Сите верници се радуваат на шарените јајца за Велигден. Скоро сите знаат дека јајцето е симбол на нов живот и затоа се користи и како симбол за Велигден и новото раѓање на Исус. Но, гледајќи ги сите декорации што се продаваат во овој период од годината, неминовно се наметнува прашањето – што симболизира велигденскиот зајак? Како тој се поврзува со Велигден и дали тој ги носи јајцата? Зајците можат да се најдат на сите континенти, освен на Антарктикот. Тие се познати по тоа што многу брзо се размножуваат, особено на пролет, а сите знаеме дека Велигден се паѓа секогаш во пролетната сезона. Како резултат на нивната плодност и нивната активност во ова годишно време, зајаците станале симбол на пролетта и новиот живот. Сепак, ова не е единствената причина. Долго време луѓето верувале дека зајаците се хермафродити и дека можат да зачнат без да ја изгубат невиноста. Ова верување започнало уште од старите Грци и се одржало дури до раниот среден век. Зајакот често пати може да се види на слики како асоцијација за Дева Марија, бидејќи се верувало дека и тој може да затрудни без да ја изгуби невиноста. Ова значи зајакот има двојна улога, како симбол на плодноста и пролетта и дополнително како симбол на невиноста на Дева Марија. Се верува дека зајакот бил популаризиран како симбол за овој период од годината од страна на германските протестанти, па така кога тие емигрирале во американските колонии во 18 век, верувањето се раширило низ цела северна Америка, а подоцна со маркетингот, слично како Дедо Мраз, се проширило и низ целиот свет. Кокошкините јајца за Велигден се друг независен симбол којшто има слично значење со зајакот, па така со тек на времето двата симболи се споиле во еден, со цел да се анимираат децата во целата религиозна прослава за Исусовото воскреснување. Така јајцата почнале да се фарбаат во силни бои, а зајакот почнал да ги крие, за да ги најдат добрите деца.

Симбол на пролетта и новиот живот: Каква поврзаност има зајакот со празникот Велигден?

Катерина Бојаџиева — Sun, 08 Apr 2018 16:17:52 +0000

Сите верници се радуваат на шарените јајца за Велигден. Скоро сите знаат дека јајцето е симбол на нов живот и затоа се користи и како симбол за Велигден и новото раѓање на Исус. Но, гледајќи ги сите декорации што се продаваат во овој период од годината, неминовно се наметнува прашањето – што симболизира велигденскиот зајак? Како тој се поврзува со Велигден и дали тој ги носи јајцата? Зајците можат да се најдат на сите континенти, освен на Антарктикот. Тие се познати по тоа што многу брзо се размножуваат, особено на пролет, а сите знаеме дека Велигден се паѓа секогаш во пролетната сезона. Како резултат на нивната плодност и нивната активност во ова годишно време, зајаците станале симбол на пролетта и новиот живот. Сепак, ова не е единствената причина. Долго време луѓето верувале дека зајаците се хермафродити и дека можат да зачнат без да ја изгубат невиноста. Ова верување започнало уште од старите Грци и се одржало дури до раниот среден век. Зајакот често пати може да се види на слики како асоцијација за Дева Марија, бидејќи се верувало дека и тој може да затрудни без да ја изгуби невиноста. Ова значи зајакот има двојна улога, како симбол на плодноста и пролетта и дополнително како симбол на невиноста на Дева Марија. Се верува дека зајакот бил популаризиран како симбол за овој период од годината од страна на германските протестанти, па така кога тие емигрирале во американските колонии во 18 век, верувањето се раширило низ цела северна Америка, а подоцна со маркетингот, слично како Дедо Мраз, се проширило и низ целиот свет. Кокошкините јајца за Велигден се друг независен симбол којшто има слично значење со зајакот, па така со тек на времето двата симболи се споиле во еден, со цел да се анимираат децата во целата религиозна прослава за Исусовото воскреснување. Така јајцата почнале да се фарбаат во силни бои, а зајакот почнал да ги крие, за да ги најдат добрите деца.