зајас – Kurir.mk

Претрес во Зајас, приведен крадец

Тале Кристо — Sun, 23 Apr 2023 10:56:38 +0000

На 22.04.2023 во 18.30 часот во Струга од полициски службеници од Полициската станица Струга бил лишен од слобода С.Ј.(54) од с.Зајас-кичевско поради тоа што при извршен преглед во патничко моторно возило “мерцедес“ со кичевски регистарски ознаки, кое тој го управувал, биле пронајдени и одземени 15 велосипеди, електричен велосипед и други предмети кои потекнуваат од извршени кривични дела кражби. На 22.04.2023 во 22 часот од полициските службеници од Надворешната канцеларија за криминалистички работи Кичево и Полициско одделение Зајас, по претходна судска наредба, бил извршен претрес во домот на С.Ј. во с.Зајас, при што биле пронајдени и одземени: 12 велосипеди, 5 рамови од велосипеди, електромотор, како и други предмети кои потекнуваат од извршени кривични дела тешки кражби и кражби. По целосно документирање на случајот ќе биде поднесен соодветен поднесок.

Полицајци влегоа во куќа во Зајас, сопственикот ќе има проблем поради тоа што го најдоа

Ивана Ефремовски — Sun, 30 Oct 2022 20:47:51 +0000

На 29.10.2022 околу 19:00 часот, врз основа на судска наредба, полициски службеници од ОВР Кичево, извршиле претрес во домот на М.А.(34) од кичевското село Зајас. Притоа, пронајдени и одземени се предмети со остатоци од бела прашкаста материја, 4 куршуми различен калибар, 6 најлонски паковки со марихуана, од кои 5 се пронајдени во паркирани патнички автомобили „мерцедес“ и „опел астра“, како и други предмети. По целосно документирање на случајот, ќе биде поднесена соодветна пријава.

Во кичевско Зајас уапсени три лица, меѓу нив и српска државјанка

Тале Кристо — Sun, 20 Mar 2022 15:19:31 +0000

Во текот на изминатата вечер (19/20.03.2022) полициски службеници од Одделот за криминалистичка полиција од ОВР Гостивар и СВР Битола во координација со Државниот пазарен инспекторат, Управата за јавни приходи и Државниот инспекторат за труд спроведоа акциска контрола во пет угостителски објекти во Кичево и Охрид. Притоа, во с.Зајас приведени се две лица поради непоседување документи за лична идентификација и една странска државјанка од Република Србија за утврдување на дозвола за престој. Во четири угостителски објекти констатирани се неправилности поради неиздавање на фискални сметки, а утврдено е и непочитување на законот за забрана за пушење во затворени простории.

Додека народот тоне во криза, сомнителна набавка: Училиште во Зајас плаќа 7 ипол милиони евра за дрва за греење!

Ивана Ефремовски — Tue, 15 Dec 2020 12:49:31 +0000

Основното училиште „Фаик Коница“ во Зајас отвора јавна набавка за дрва за греење од мегаломанска сума. Вредност на склучениот договор со вклучен ДДВ е 438.252.000,00 денари. Име на носителот на набавката е Друштво за транспорт, производство, угостителство, услуги и трговија КОСТА-КОМЕРЦ 1 увоз-извоз ДООЕЛ Кичево. Колку дрва се потребни за училиште во време на онлајн настава? Ова прашање, сумата за дрва и податоците од документацијата ја прават набавката сомнителна.

Кривична пријава против едно лице од Зајас за непостапување според здравствените прописи

Магдалена Андонова — Sun, 25 Oct 2020 11:19:01 +0000

Поради постоење основи на сомнение за сторено казнено дело „непостапување според здравствените прописи за време на епидемија“, ОВР Кичево поднесе кривична пријава против М.М.(46) од кичевското село Зајас, информира портпаролот на СВР Охрид Стефан Димоски. – При контрола извршена на 17 октомври 2020 година, полициските службеници не го пронашле пријавениот во неговиот дом со што, ја прекршил Уредбата со законска сила за заштита на населението од заразни болести, објасни Димоски. (МИА)

Зајас денеска ќе биде без вода поради дефект на водоводна цевка

Магдалена Андонова — Tue, 18 Aug 2020 07:17:11 +0000

Поголемиот дел на регионот на Зајас кај Кичево од утрово ќе биде без вода за пиење поради отстранување дефект на главната водоводна цевка кој се очекува да биде саниран до 15 часот. Поради тоа, ЈКП „Комуналец’’ од Кичево ги известува корисниците на вода за пиење во регионот на Зајас, односно селата Зајаc Теќе, Зајас Џума, Колибари и Бачишта, дека денеска ќе има прекин на водата за пиење поради дефект на главната цевка кај изворот на вода во Зајаc, кај месноста „Дарда“, која носи вода за пиење во овој регион. Прекинот се очекува да трае до 15 часот, а од комуналното претпријатие бараат разбирање од граѓаните во овој регион. -Се надеваме дека дотогаш ќе можеме да го поправамe дефектот, затоа што теренот е премногу непристапен и несоодветен за работа. Нашите екипи од раните утрински часови денеска се на терен, објаснија од ЈКП „Комуналец” од Кичево. (MИА)

Тепачка во кичевски Зајас, едно лице тешко повредено- еве ги деталите

Катерина Бојаџиева — Sun, 16 Dec 2018 11:34:55 +0000

Едно лице е повредено во тепачка во угостителски објект во кичевското село Зајас која се случила ноќеска во во 3:40 часот. Од полицијата информираат дека вербалната расправија помеѓу К.Л. (32) од село Колибари и У.З.(38) од Кичево преминала во тепачка. К.Л. се здобил со телесни повреди што биле констатирани во Општата болница во Кичево. Полициската станица од Зајас презема мерки за целосно расчистување на настанот по што ќе поднесе соодветна пријава за овој настан, информира портпаролот на СВР-Охрид Стефан Димоски.