Зајон вилијамсон – Kurir.mk

Зајон Вилијамсон ќе го пропушти Ол-стар натпреварот

Бошко Тасиќ — Fri, 10 Feb 2023 05:34:20 +0000

Кошаркарот на Њу Орлеанс Пеликанс, Зајон Вилијамсон ќе го пропушти претстојниот Ол-стар натпревар поради повреда на десната тетива, потврди тренерот на Пеликанс, Вили Грин. Вилијамсон, последниот натпревар за Пеликанс го одигра на 2. јануари. Сезонава има просек од 26 поени, седум скока и 4,6 асистенции по натпревар. Вилијамсон, кој беше прв пик на драфтот во 2019 година, ја пропушти целата сезона 2021/2022 откако ја скрши десната нога. Тој беше избран во првата петорка на Западната конференција во Ол-стар натпреварот. Покрај Вилијамсон уште еден стартер нема да се појави на овој натпревар, тоа е најдобриот играч на Голден стејт Вориорс, Стеф Кари. Ол-стар викендот ќе се одржи од 17. до 19.февруари во Солт Лејк Сити.

Зајон Вилијамсон го повреди глуждот

Ивана Ефремовски — Thu, 13 Oct 2022 09:38:00 +0000

Кошаркарот на Њу Орлеанс пеликанс, Зајон Вилијамсон, се здоби со повреда на левиот зглоб за време на претсезонскиот натпревар (103:120) против Мајами хит. Вилијамсон го повреди зглобот на почетокот на втората четвртина. Тој одигра уште неколку минути, но потоа беше донесена одлука да биде отстранет од игра како мерка на претпазливост. До повредата, 22-годишниот кошаркар постигна постигне 11 поени, два скока и четири асистенции. Сепак, Вилијамсон не се очекува да пропушти многу време. Неговата состојба ќе се проценува на дневна основа. Вилијамсон целосно ја пропушти минатата сезона во НБА поради скршеница на десната нога и операција. (МИА)

Зајон Вилијамсон го пропушта стартот на новата сезона во НБА

Бошко Тасиќ — Fri, 15 Oct 2021 19:38:50 +0000

Кошаркарот на Њу Орлеанс Пеликанс, Зајон Вилијамсон ќе го пропушти почетокот на новата сезона во НБА лигата поради повреда на стапалото по што ќе мора да оди на оперативен зафат. Како што пренесуваат американските медиуми опоравувањето оди во добра насока, но крилниот центар ќе мора да паузира барем уште две до три недели кога ќе треба да замине на нови прегледи.

„Цел на сите нас е Зајон што побезбедно да се врати на теренот. Сигурно нема да биде на теренот во првите две недели од новата сезона“, изјави потпретседателот за кошаркарски операции на тимот, Дејвид Грифин.