закани по живот – Kurir.mk

26 ГОДИШНИК СО ПИШТОЛ САКАЛ ДА УБИЕ СКОПЈАНЕЦ И НЕГОВОТО СЕМЕЈСТВО – 48 годишен маж преживеал вистинска драма среде центар!

Дарко Андоновски — Sat, 04 Nov 2023 15:34:03 +0000

Денеска (04.11.2023) во 08.20 часот на подрачјето на Центар полициски службеници од Единицата за интервентна полиција при СВР Скопје го лишиле од слобода Б.Б.(26) од Скопје, поради тоа што на 03.11.2023 околу 23.20 часот на подрачјето на Центар, по претходно недоразбирање, тој упатил закани со пиштол кон А.А.(48) од Скопје и неговото семејство. По целосно документирање на случајот ќе следи соодветен поднесок.

Закани по живот јавно се упатуваат кон децата на Мицкоски, а МВР и невладините организации блиски до власта молчат (ФОТО)

Дарко Андоновски — Fri, 31 Mar 2023 08:33:05 +0000

Закани по животот на децата на претседателот на ВМРО-ДПМНЕ Христијан Мицкоски се упатуваат преку социјалните мрежи. Имено на социјалната мрежа Фејсбук се упатуваат јавни закани кон семејството на Мицкоски каде се наведува дека доколку му е мило семејството да си остане мирен. „Во спротивно ќе ги најдеш децата твој фрлени во некој канал како кучиња“, се наведува во постот. Постот е споделен од два различни профили и е јавно видлив за сите. Дали по ова ќе следува соодветна пријава од страна на Министерството за внатрешни работи останува да видиме. Исто така ниту невладините организации блиски до владата никаде ги нема и истите молчат за овој случај. Инаку доколку детално се прочешла неговиот Фејсбук профил ќе се види дека тој е голем поддржувач на премиерот Димитар Ковачевски како и на власта. Постојано ги споделува неговиот постови на Фејсбук, а во меѓувреме упатува закани по животот на децата на лидерот на најголемата партија во земјава.

Пале нема мир ниту на слобода: Колега на убиениот полицаец сака да ја одмазди неговата смрт

Ивана Ефремовски — Tue, 15 Feb 2022 13:58:29 +0000

Хелсиншкиот комитет за човекови права апелира до јавното обвинителство веднаш да покрене постапка по допрен глас, откако сега ослободената Пале Илоска, која во самоодбрана го уби својот невенчан сопруг Александар (40) кој физички ја малтретирал со години, вчера во судница сведочеше дека колега на полицаецот сакал да ја одмазди неговата смрт. Од Хелсиншкиот комитет до обвинителството апелираат со ваквото отворање постапка по допрен глас да превенираат понатамошно насилство врз една долгогодишна жртва која не добила заштита од институциите. Хелсиншкиот комитет ја поздравува денешната одлука на Основниот суд Велес да ја ослободи Пале Илоска од обвинение за убиство во миг. Водејќи се од изнесените докази на главната расправа, судот констатираше дека делото е направено во нужна одбрана и ја потврди оправданоста на нашите залагања за промена во обвинението поради историјата на насилство во овој случај. Комитетот и понатаму ќе ја следи постапката и ќе бара одговорност од полициските службеници од СВР Велес, кои со своето непостапување по сите пријави за семејно насилство грубо ги прекршиле своите законски овластувања и овозможиле ескалација на насилството, велат оттаму.

Боки 13 повторно во обвинителство во врска со кривичните пријави против функционери на СДСМ- ќе добива ли утре нови закани по живот?

Дарко Андоновски — Thu, 02 Jul 2020 17:25:20 +0000

Утре Бојан Јовановски попознат како Боки 13 повторно ќе биде донесен во Основното јавно обвинителство во 09:45 часот каде ќе дава свој исказ во врска со кривичните пријави кои тој ги поднесе против десетици актуелни функционери на власта. Како што веќе знае јавноста претходно додека Боки 13 беше во ОЈО и чекаше да биде сослушан лице непознато за адвокатот и од непознат број со мутиран глас му предочил дека треба да внимава што зборува пред обвинителот, а уште повеќе да внимава како се однесува неговиот клиент. Во спротивно, Дуковски и Јовановски ќе треба да внимаваат на своите животи и животите на нивните семејства. Инаку Бојан за време на пресудата и добивањето на деветте години затвор побара милионските пари од Рекетот да се бараат кај браќата Заеви.

Австриската министерка за правда доби закани по живот

Дарко Андоновски — Mon, 13 Jan 2020 13:14:06 +0000

Австриската министерка за правда Алма Задиќ, која изминативе денови беше мета на говор на омраза поради нејзиното босанско потекло, сега почна да добива и закани по живот. На објава на Фејсбу, на профилот на австриската државна телевизија ОФР, која се однесува токму на 26-годишната министерка, била пратена порака со содржина „Куршумот е резервиран за неа”. Поради константните закани, откако ја презеде фунцијата, Задиќ доби и 24-часовна полициска заштита.

Девојка малтретирана од поранешното момче, таткото го пријавил во полиција

Ивона Петрова — Thu, 20 Dec 2018 14:11:32 +0000

Педесет и шест годишен маж синоќа околу 3 часот во полициска станица го пријавил поранешното момче на нејзината ќерка. Според пријавата вчера околу 21, 30 часот во Скопје, неговата ќерка по претходен договор се сретнала со момче со кое претходно била во љубовна врска, при што момчето ја внело во патничко моторно возило „Пасат“ и и упатувал закани, а потоа ја оставил на булевар „Партизански Одреди“. Од МВР информираат дека се преземаат мерки за целосно расчистување на настанот.

ОЈО: Две лица под сомнение дека со закани по живот изнудувале пари

Ивона Петрова — Mon, 17 Dec 2018 11:01:20 +0000

Основното јавно обвинителство Скопје поведе истражна постапка против две лица поради постоење основано сомнение дека сториле кривично дело – Изнуда. На двете лица им е одредена мерка притвор. Осомничените, дејствувајќи во група заедно со уште едно лице кое е во бегство, со намера да прибават противправна имотна корист за себе и со сериозна закана по живот на оштетеното лице, се обиделе да го присилат да им даде 10.000 евра. -Тие во повеќе наврати го контактирале оштетениот и му барале пари, а откако тој ги одбил започнале агресивно да се однесуваат и да му се закануваат по неговиот и животот на неговото семејство. По ова, оштетениот на 14 декември 2018 година се согласил да се сретне со нив во еден трговски центар во Скопје и да им ги даде бараните пари, но настанот го пријавил во полиција, се вели во соопштението од Јавното обвинителство на РМ. Откако оштетениот се сретнал со осомничените, тие се обиделе насила да го однесат од договореното место, но во намерата ги спречиле полициски службеници, по што осомничените се дале во бегство. Во близина на лице место биле приведени двајца од нив. -Тројцата осомничени веќе подолго време биле организирани во група со намера да му наштетат на оштетениот и во повеќе наврати му се обраќале на различни начини со цел да му изнудат средства. Овие околности укажуваат на стравот дека осомничените, доколку се на слобода, ќе го повторат кривичното дело. Освен ова, постои опасност тие да му влијаат на оштетениот или да се дадат во бегство, со што ќе ја попречат кривичната постапка. Од овие причини, надлежниот јавен обвинител до судија на претходна постапка достави Предлог за определување мерка притвор за осомничените, се појаснува во соопштението.

Љубовна драма во Скопје: Девојка поминува низ пекол- 5 месеци добива закани по живот од нејзиното поранешно момче

Катерина Бојаџиева — Wed, 16 May 2018 13:01:13 +0000

На 15.05.2018 година во 09.15 часот Е.С.(19) од Скопје пријавила дека во периодот од 19.12.2017 до 15.05.2018 година, во повеќе наврати, добила закани по животот од нејзиното поранешно момче Н.М.(19) од Скопје. Се преземаат мерки за расчистување на случајот.

Семејна драма во Тетово: Ја заклучила сестра си во соба, и се заканувал дека ќе ја убие

Ивона Петрова — Mon, 12 Feb 2018 08:56:37 +0000

Шеесет годишната тетовка Л.П. вчера вечерта пријавила дека нејзината сестра А.П. (62), со која живее во заеднички стан, психички ја малтретирала. Спорд пријавата, А.П. ја заклучила во една од собите својата сестра заканувајќи и се по животот, додека на нејзината ќерка и ја заклучила влезната врата од станот и не и дозволувала да влезе внатре. -А.П. била приведена и задржана во СВР Тетово за понатамошна постапка. За настанот бил известен Јавен обвинител Тетово. Против А.П. ќе биде поднесена соодветна кривична пријава, информираат од полицијата.