ЗАКАНУВАЧКА ПОРАКА – Kurir.mk

Приведен скопјанец: Му испраќал заканувачки пораки на сограѓанин

Ивона Петрова — Fri, 02 Jun 2023 10:17:45 +0000

На 01.06.2023 во 16.15 часот во Скопје, по преземени мерки и активности од полициски службеници од Единицата за насилен криминал-Одделението за насилен криминал при СВР Скопје, бил лишен од слобода А.И.(24) од Скопје. Тој бил пријавен околу 13.00 часот од 56-годишен скопјанец дека преку мобилна апликација му упатил гласовни пораки со заканувачка содржина. Во координација со Јавен обвинител лицето било приведено и задржано во полициска станица, а по целосно документирање на случајот против него ќе биде поднесен поднесок, поради основано сомнение дека сторил кривично дело по чл.144 ст.4 од Кривичниот законик.

„СДК“: Апелација ќе ја пријави во полиција Русковска за заканувачка СМС порака до судија

Ивона Петрова — Wed, 20 Nov 2019 06:59:24 +0000

Апелациониот суд Скопје синоќа се дигнал на нозе откако шефицата на Обвинителството за организиран криминал и корупција Вилма Русковска му испратила смс порака на еден од тројцата судии кои донесоа одлука да ја пуштат во куќен притвор поранешната специјална обвинителка Катица Јанева, со закана дека ќе им отвори финансиска истрага, објавува САКАМДАКАЖАМ.МК . -Официјално од судот не изјавуваат ништо во врска со смс пораката, но САКАМДАКАЖАМ.МК дознава дека за утринава рано веќе бил закажан колегиум. Нашите извори велат дека на колегиумот ќе се договори содржината на пријавата до МВР против Русковска кон тројцата апелациони судии кои ја донеле одлуката за Јанева, со принтскрин од смс пораката, која содржела и недолични зборови, пишува порталот. Револтирана што тројцата судии ја донеле одлуката за домашен притвор на Јанева, Русковска синоќа јавно соопшти дека ќе отвори финансиска истрага против тројцата судии. Од Апелациониот суд велат: „Само нека повели, вратите ѝ се отворени“. Целиот текст прочитајте го ТУКА.

Закани по живот до министерот Салвини „На врат имаш тројца Албанци…“

Ивона Петрова — Sun, 02 Dec 2018 12:29:42 +0000

Италијанскиот министер за внатрешни работи Матео Салвини добил заканувачка порака, која ја објавил на Инстаграм, пренесе тиранската телевизија Ора њуз. Анонимното писмо пристигнало во седиштето на Министерството за внатрешни работи. На лош италијански јазик пишува „На врат имаш тројца Албанци,ќе бидеш убиен,ти си свиња,геј…“ Министерот Салвини во својот коментар напишал „Одам напред во мојата работа, бакнежи и прегратки“. МИА