закинтос – Kurir.mk

ТРАГЕДИЈА НА ЗАКИНТОС: Младо момче починало бизарно во ноќен клуб – сопственикот кој 40 години се занимава со овој бизнис во шок од начинот на смрт

Дарко Андоновски — Tue, 27 Jun 2023 09:42:12 +0000

Дваесетгодишен Британец почина кога изгубил свест и паднал во базен во ноќен клуб во познатото грчко одморалиште Закинтос. Персоналот на хотелот го забележал човекот со лицето надолу во базенот и веднаш повикал спасител. Спасувачките екипи пристигнале и се обиделе да го оживеат, но безуспешно. „Трипати се обидовме да го оживееме, но немаше начин. Спасувачките екипи потоа го однеле во болница. Сите сме во шок. Со овој бизнис се занимавам 40 години и првпат се случува вакво нешто“, изјавил сопственикот на клубот, кој се наоѓа во склоп на хотелот. Ова не е единствената трагедија што се случила во ова познато одморалиште. На почетокот на овој месец 64-годишен британски турист беше пронајден мртов на плажата. Мажот бил пренесен во Општата болница во Закинтос, каде што подоцна била констатирана смрт. Според извештаите, во моментот на инцидентот немало спасител на плажата.

Една од омилените плажи во Грција ова лето ќе биде затворена за туристите – ова е причината

Дарко Андоновски — Fri, 17 Mar 2023 20:25:07 +0000

Плажата Навагио на островот Закинтос, летово ќе биде затворена за посетители, односно капачи и туристи, поради страв од дополнителни одрони. Одлуката за забрана на пристапот до плажата Навагио била препорачана од тим експерти од Организацијата за антисеизмичко планирање и заштита (ОАСП), по посетата на локацијата на 8 март, како дел од редовната повторна проценка на нејзината безбедност. Тимот на ОАСП соопшти дека постои значителен ризик од лизгање на земјиштето поради ерозијата на околните карпи. „Безбедноста на жителите и посетителите е над сè и одлуката е донесена земајќи ги предвид новите научни податоци на ОАСП и неговиот претседател, професорот Ефтимиос Лекас, со оглед на големиот број посетители на овој простор за време на туристичката сезона“, вели министерот Василис Кикилијас. Плажата Навагио на островот Закинтос е затворена за локалното население и посетителите од септември минатата година, откако земјотресот со јачина од 5,4 степени според Рихтеровата скала предизвика големи камења од околните карпи да паднат во заливот. Безбедноста на плажите ќе се преоценува двапати годишно. Плажата Navagio, која ја посетуваат милиони туристи, го рангира островот Закинтос како можеби најфотографираната летна дестинација на планетата и стана симбол на островот. На почетокот се стравувало дека остатоците од овој брод претставуваат дамка на недопрената плажа, дотогаш тешко пристапна, но било одлучено да остане таму каде што е.

Повторно ќе се затвори популарната плажа на Закинтос

Ивона Петрова — Fri, 17 Mar 2023 06:43:08 +0000

Од безбедносни причини и по препорака на Организацијата за антисеизмичко планирање и заштита на Грција (ОАСП), популарната плажа „Навагио“ на грчкиот остров Закинтос, повторно ќе биде затворена за туристите, објавија грчката новинска агенција АНА-МПА. Препораката за повторната забрана за пристап до плажата доаѓа откако на 8 март годинава при посетата на местото, научниот тим од ОАСП констатирал голема опасност од лизгање на земјиштето поради ерозија, по што бил одржан состанок на надлежните министерства и одлучено ситуацијата да се следи и да се оценува два пати годишно. Министерот за туризам на Грција Василис Кикилијас, како што пренесува АНА-МПА, рекол дека „безбедноста на жителите и посетителите е над сѐ“, а одлуката била донесена врз основа на научните податоци и поради големата посетеност на плажата време на туристичката сезона. И на почетокот на септември минатата година со одлука на Координативното тело за цивилна заштита на периферијата на Закинтос бил забранет пристапот до „Навагио“ од безбедносни причини.

Поплави и проблеми на грчкиот остров Закинтос

Катерина Бојаџиева — Thu, 26 Jan 2023 09:33:27 +0000

Невремето со обилен дожд и силен ветер предизвикало поплави и одрони на карпи на грчкиот остров Закинтос, објави грчката новинска агенција АНА-МПА. Противпожарната служба во текот на ноќта примила десетици повици за помош и интервенирала во поплавени домови, додека пак дождот предизвикал проблеми и на повеќе улици.

КРВТА ЌЕ ВИ СЕ ЗАЛЕДИ ДОДЕКА ГЛЕДАТЕ – вака се рушеа карпи на Закинтос по земјотресот, плажите затворени, морето не мирува (ВИДЕО)

Дарко Андоновски — Thu, 08 Sep 2022 15:10:38 +0000

Силен земјотрес со јачина од 5,4 степени според Рихтеровата скала ги погоди грчките острови Кефалонија и Закинтос. Од силината на земјотресот, пренесува Телеграф, дел од карпа се откинал и паднал во морето на популарната плажа Навагио на Закинтос. Снимките на социјалните мрежи покажуваат прашина откако камењата паднале во водата, а околу неа имало бродови. Додека прашината се издига над водата, видеото покажува и како на некои капачи не им е грижа и продолжуваат да пливаат во морето, иако многу блиску до брегот. Грчките медиуми, пак објавија дека донесена е одлука плажата да се затвори за туристи, јави дописничката на МИА од Атина. Како што пишуваат локалните медиуми по земјотресот, крајбрежната служба од Закинтос го забранила пристигнувањето по морски пат на посетителите на плажата, како и пристапот на туристите во делот над плажата поради страв од нови одрони. Земјотресот беше регистриран кусо по 10.30 часот утрово во Јонското море, западно од островите Кефалонија и Закинтос.

СЕ ТРЕСЕШЕ ГРЦИЈА: Земјотрес го погоди омилениот остров на младите во Македонија

Магдалена Андонова — Fri, 19 Nov 2021 14:20:54 +0000

Два земјотреси со јачина од 5 и 4,7 степени според Рихтеровата скала ја погодија Грција. Епицентарот на силниот земјотрес, според податоците на АМСЦ, бил на 97 километри западно од Мисолонги, додека земјотрес со јачина од 4,7 степени според Рихтер го погодил островот Закинтос.

M5.0 #earthquake (#σεισμός) strikes 97 km W of #Μεσολόγγι (#Greece) 11 min ago. Updated map of its effects: pic.twitter.com/xLqXGaiEi5
— EMSC (@LastQuake) November 19, 2021

Силен земјотрес ја стресе омилената летна дестинација на младите од Македонија – епицентарот бил во морето

Магдалена Андонова — Sun, 28 Feb 2021 13:52:07 +0000

Земјотрес со јачина од 4,1 степен според Рихтеровата скала е регистриран денес во 14:26 часот во близина на грчкиот остров Закинтос. Според податоците на Институтот за геодинамика на Атинската опсерваторија, епицентарот на земјотресот бил во морето, на 13 километри северо-источно од Волимс и на длабочина од 10 километри, јави АНА. Засега нема податоци за можни жртви или материјална штета.

800 килограми експлозив пронајдени на грчкиот остров Закинтос

Тале Кристо — Fri, 22 Jan 2021 14:23:15 +0000

Во напуштена куќа во село на грчкиот остров Закинтос, полицијата пронашла 800 килограми амониум нитрат, објавија грчките медиуми, јави дописничката на МИА од Атина. Според локалните медиуми од островот, експлозивниот материјал бил спакуван во 32 пакувања по 25 килограми, а куќата во која што бил пронајден е напуштена, бидејќи изгорела во пожар, кој пред неколку години го зафати овој дел на Закинтос.

Силен земјотрес во близина на Закинтос

Ивона Петрова — Thu, 22 Oct 2020 05:43:40 +0000

Силен земјотрес е регистриран во Јонското море кај Закинтос синоќа. Според ЕМСЦ, земјотресот бил со јачина од 5.2 степени по Рихтер, а епицентарот бил на 76 километри од Закинтос. Потресот бил на длабочина од 10 километри.

Map of felt reports received so far following the #earthquake M5.2 in Ionian Sea 1hr 5min ago pic.twitter.com/ViCqP9bHr3
— EMSC (@LastQuake) October 22, 2020

Пожар БЕСНЕЕ на омилената летна дестинација на македонците: Пожарникари со хеликоптери и авиони се обидуваат да ја сопрат огнената стихија (ВИДЕО)

Магдалена Андонова — Mon, 05 Oct 2020 11:54:26 +0000

Грчките пожарникари вложуваат огромни напори да ја сопрат огнената стихија која беснее во близина на Волимес на островот Закинтос. Припадниците на пожарната служба денес настојуваат да го спречат понатамошното ширење на шумскиот пожар кој ја пустоши шумата околу плажата Навагио кај Волимес, пренесува агенцијата "ANA". На лице место се ангажирани 16 противпожарни системи, 69 пожарникари плус 3 тима кои интервенираат на местата кои се гасени од хеликоптери и авиони. Пожарот кој избил вчера напладне продолжил да се шири преку ноќ под влијание на силен ветер, што на пожарникарите им оневозможило поефикасно да интервенираат.