жаклина шопова – Kurir.mk

Шопова: Каде завршуваат парите за паркинг услугите во КЦ Мајка Тереза, кога според мои информации договорот за стопанисување завршил на 9 декември?

Ристе Здравков — Thu, 16 Feb 2023 14:26:03 +0000

Советничката во Советот на Град Скопје од редовите на ВМРО-ДПМНЕ, Жаклина Шопова на денешната седница за советнички прашања упати прашање до директорот на Градски паркинг – Скопје, Крсте Петревски прашувајќи го што планира да преземи за решавање на хаосот во паркиралиштето во кампусот клиники Мајка Тереза, каде што иако граѓаните но и вработените во кампусот плаќаат ревносно за искористената услуга, квалитетот кој го добиваат е многу лош, а не ретко се соочуваат автомобилите да му бидат блокирани и да не можат да излезат или пак истите да му бидат оштетени, а до сега никој за тоа не сносил одговорност. Шопова исто така, го праша директорот каде завршуваат парите за наплата на паркинг услугата во клиничкиот центар, кога според информациите кои што таа ги има, договорот за стопанисување со тоа паркиралиште завршил на деветти декември минатата година. Истакна дека можеби има законски вакуум простор, па затоа го повика директорот да објасни. „Колку што јас имам информации, со оглед дека беа побарани документи за продолжување на месечните карти за вработените, договорот кој што ова претпријатие го има за стопанисување на паркингот во Клинички центар, имам информација дека истекол на 9.12.2022 година. Значи, поминати се два месеци, па ме интересира ако ние сите редовно ги плаќаме услугите на ова претпријатие, кој што за жал не ги добиваме, каде ни одат парите на сите нас, на граѓаните и на вработените? Можда постои некоја законска регулатива, па затоа би сакала директорот тоа да ни го каже и уште нешто, верувам дека како челник на институцијата имате некакви мерки кои би требало да ги преземете“, истакна Шопова. Додаде дека со оглед на тоа дека претходниот директор имаше план да се поставување на паркомати, кои што на новото раководство им требаше два месеци, на веќе обезбедена локација и прилагодена за паркоматите, да ги монтирате за да може наплатниот, така што барем колку толку да се регулира, прашувајќи дали вие имаат воопшто некакви мерки кои планираат да ги спроведат, кога ќе ги спроведат за да можеме сите ние корисниците на ова паркиралиште да се чувствуваме комотни, а не секојдневно со страв и со немир да влегуваат и излегуваат? Второто прашање, рече Шопова се однесува на директорката на Јавното претпријатие Лајка и повторно прашањето е лоцирано за клиничкиот кампус Мајка Тереза во однос на бездомните кучиња пред инфективна клиника кои може да ги нападнат пациентите, но и придружбата кои доаѓаат да искористат здравствена услуга, како и персоналот кој работи на клиниката. „Јас знам дека имаме проблеми со бездомните кучиња на територија на Град Скопје, но, што конкретно се планира со кучињата кои што се лоцирани пред инфективната клиника, каде што пациенти доаѓаат каснати од кучиња да добијат здравствена помош, здравствен преглед, а при тоа се нападнати од кучињата кои што се лоцирани на самата амбуланта, каде што можат да се нападнат и пациентите или придружбата, а некогаш се случува и медицинскиот кадар додека е на дежурство да ја напушти својата клиника и да оди до друга клиника за да заврши обврска“, истакна Шопова.

Шопова до советниците: Подржете го амандманот на ВМРО-ДПМНЕ и коалицијата за подмирување на сметките за струја на социјално загрозени лица во вредност од 25 милиони денари

Катерина Бојаџиева — Tue, 27 Dec 2022 11:55:49 +0000

Жаклина Шопова, советничка во Советот на Град Скопје од ВМРО-ДПМНЕ на денешната седница на советот го образложи амандманот поднесен од советничката група на ВМРО-ДПМНЕ и коалицијата Обнова за Македонија за финансиска помош во вредност од 25 милиони денари за подмирување на дел од потрошената електрична енергија на социјално загрозени лица. Имено, во услови на енормни поскапувања кога цените на сите основни продукти секојдневно се зголемуваат, бројот на граѓаните за кои овие продукти всушност стануваат луксуз, енормно расте. Од друга страна самата економска и енергетска криза бројот на социјално загрозени граѓани генерално во државата, па и во Град Скопје расте. Со оглед на тоа што граѓаните секогаш биле и ќе бидат приорите на ВМРО-ДПМНЕ и коалицијата Обнова за Македонија советничката група на ВМРО-ДПМНЕ и коалицијата го поднесе овој амандман се со цел да им се пружи финансиска помош во подмирување на дел од потрошената електрична енергија за која се најавува како што знаеме ново поскапување веднаш после Новогодишните празници, изјави Шопов. Шопова ги повика и останатите советнички групи да го поддржат амандманот, укажувајќи дека ова нема да направи дис баланс на планираните приходи и расходи во вкупниот буџет на Град Скопје. Поднесувањето на амандманот во суштина барам да биде подржан од сите вас како би можело да се спроведе и одлуката за парична помош за социјално загрозени лица погодени од енергетската и финансиска криза на граѓаните од Град Скопје за намирување на нивните сметки за струја, која на 20тата седница на советот на Град Скопје во согласност со градоначалничката беше донесена. Имено со овој амандман се предвидува 25 милиони денари да бидат прераспределени од програма Е0-општинска администрација, под програма 42, стоки и услуги, ставка 426 други тековни расходи, да бидат прераспределени во програмата В2- домови за стари, под програма 46 субвенции и трансфери ставка 464 разни трансфери. Со предложениот амандман нема да се направи дис баланс на планираните приходи и расходи во вкупниот буџет на Град Скопје, вели Шопова.

Шопова: Градоначалничке, дозволете барем на веб страницата на Градот Скопје да стои и Комисијата за унапредување на правата на пациентите која не функционираше од 2020 година

Ристе Здравков — Thu, 17 Nov 2022 19:05:22 +0000

Фејсбук статус на Жаклина Шопова од ВМРО-ДПМНЕ Денес како советник на Град Скопје во 13 часот имавме седница на Комисијата за унапредување на правата на пациентите! На влезот бев замолена да се легетимирам со лична карта, и ми беше пополнета пријавница бр.2 од обезбедувањето, истата предадена, а потоа пополнета од одговорно лице дека причината за која сум влегла во просториите на Градот е Седницата и тоа трета , (со онаа конститутивната од 21.09.2022 год. ) на оваа комисија , со време на влез во 13ч и 1 мин. Замислете наместо да се промовира Комисијата за унапредување на правата на пациентите, за да знаат граѓаните кои имаат проблем кој е во доменот на оваа комисија, каде да се обратат, БАРАЊЕТО за промоција чека на одобрување во кабинетот на Градоначалничката‼️..како што стојат и други барања, еве на пример Барањето за одобрување на основни проекти за пристапност на инвалидизирани лица, за кое барање, лично јас во 2 наврати по меил сум побарала да добијам одговор, НО ОДГОВОР нема ‼️ Ако менаџерот на Град Скопје, кој во својата програма нема ваков проект а сепак сака да не легетимира, а при тоа да не ги троши парите на граѓаните на хартија, тонери, принтери, и се она што го поставува на влезот во просториите на градот, тоа се прави на културен и многу поефтин, едноставен начин: беџови за советници, беџови за посетители... Па нели ние Скопјани гласавме за Модерно Скопје, за Вашите 5 принципи на работа: #Отвореност #Професионалност #Емпатија #Одговорност #Брзирешенија ...ние ништо од тоа досега не видовме, освен лажни обвинувања, политички маркетинг на самата себеси , едно ЌЕ, кое доста долго го слушаме од владеачката гарнитура‼️ Градоначалничке, дозволете барем на веб страницата на Градот Скопје да стои и КОМИСИЈАТА ЗА УНАПРЕДУВАЊЕ НА ПРАВАТА НА ПАЦИЕНТИТЕ која не функционираше од 2020 година.

Шопова: Предлагаме амандман за итна реконструкција на улицата Христо Татарчев, тоа што е предвидено во програмата за Модерно Скопје треба да биде реализирано

Ристе Здравков — Mon, 14 Nov 2022 15:29:40 +0000

Жаклина Шопова, советник во Советот на Град Скопје на денешната седница потенцираше дека со амандманот кој што го предлага советничката група на ВМРО-ДПМНЕ ќе се обезбедуваат средства за реконструкција на улицата Христо Татарчев каде што ќе се опфати коловоз, пешачки патеки и фекална канализација, бидејќи и во самата програма за Модерно Скопје е предвидена реконструкција на истата. -Ние советниците во разговор со граѓаните кои што живеат на улица Христо Татарчев истовремено консултирајќи се со стручните служби, а со оглед дека градот Скопје има своја програма односно градоначалникот раководејќи се и од таа програма каде што е наведено на страна 36 дека улица Христо Татарчев ќе биде реконструирана комплетно и тоа од Мечкаров до улица Драчевска, од Маркова река до бензинската на Макпетрол и тоа ќе имаме реконструкција на атмосферската канализација, велосипедска и пешачка патека, ние го предложивме овој амандман, рече Шопова. Во однос на укажувањата дека советничката група на ВМРО-ДПМНЕ предлага амандмани пред истек на фискалната година, Шопова посочи дека во буџетот на градот има 50 милиони денари неискористени средства за зеленило па праша дали истите би се искористиле со оглед дека во декември месец не може да се прават дополнителни зелени површини. -За временската рамка јас тука би дала едно образложение, по однос на средства има во буџетот неискористени 50 милиони денари за зеленило па би сакала да знам дали овие средства до крајот на годината ќе се искористат кога во декември не знам какво зеленило ние би можеле да им приуштиме на граѓаните на Скопје. Затоа ние и го предложивме овој амандман, ќе гласаме за овој амандман и сметам дека треба и останатите советници да гласаат за овој амандман, вели таа. Но, градоначалничката на Град Скопје Данела Арсовска и советничката група на СДСМ и коалицијата го одбија амандманот за итна реконстуркција на улицата Христо Татарчев, додаде таа.

Шопова: Директорката на средното медицинско училиште „Панче Караѓозов“ не обезбедила практична настава, а исплатила и повеќе фактури иако се одржал помал број на часови

Ристе Здравков — Thu, 31 Mar 2022 17:47:35 +0000

Советничката во Советот на Град Скопје, Жаклина Шопова на денешната седница на советот, вели дека директорката во средното медицинско училиште Панче Караѓозов спротивно на правилникот за стекнување на средствата за репрезентација за подароци и декор потрошила 9470, како и дека се исплатиле повеќе часови по фактура иако како што рече таа се изработиле многу помалку часови. Во 2021 година спротивно на правилникот за стекнување на средствата за репрезентација за подароци и декор потрошила 9470, има плаќање на фактури по однос на изработени часови каде што помал број на часови се изработени, а платени се две фактури со многу поголем број на часови, едната е во вредност од 22.106 денари, а другата е повеќе од 18.821 денари, вели Шопова. Дополнително Шопова додаде дека во ова средно училиште иако практичната настава е потребна сепак директорката не обезбедила практична настава, истакнувајќи дека во паралелките за болничари подолго време нема назначено наставник по предметот нега и грижа. Нешто што мене лично како медицински работник ме прави да бидам лошо настроена кон раководната структура на ова училиште е тоа што во средното училиште каде што практична настава е од големо значение не била реализирана, ниту е требувано за реализација на практична настава. Така што паралелките за болничари подолго време нема назначено наставник по предметот нега и грижа, а ниту пак имале практична настава по однос на овој предмет, рече таа. Она што исто така ме изиритира е што наставниците во време на ковид пандемијата требаше да користат интернет од самото училиште за да ја предаваат наставата, имале проблем во текот на своето предавање затоа што во ова училиште за жал има интернет, но начинот односно можноста да стигнете до интернет во сите простории, оваа директорка не успеала да го овозможи, вели Шопова.

Шопова: Се решава 30 годишен проблем со реконструкција на улицата „Славка Динкова“ во Кисела Вода

Тале Кристо — Thu, 10 Mar 2022 12:48:07 +0000

Оваа точка која е на дневниот ред е предлог одлука за воспоставување меѓуопштинска соработка помеѓу Град Скопје и Општина Кисела Вода и се однесува за решавање на еден проблем на жителите на улица „Славка Динкова“ во населба Драчево, Кисела Вода. Проблем кој што овие граѓани го имаат повеќе од 30 години. Градот Скопје ќе учествува во решавањето на проблемот со атмосферската канализација, реконструкција на коловозот, тротоарите и уличното осветлување во вредност од 50 милиони 500 илјади денари од Буџетот за 2022 година. Мислам дека сите треба да гласаме за оваа одлука и едногласно да ја донесеме, а причината за тоа е решавање на проблемите на овие жители кои реков дека траат повеќе од 30 години, истакна Жаклина Шопова, советник во Советот на Град Скопје од редовите на ВМРО-ДПМНЕ и коалицијата на денешната седница. Шопова додаде дека е потребно да се отиде на оваа улица и да се поразговара со граѓаните и да се осознаат вистинските проблеми на граѓаните со кои што се соочуваат изминативе 30-тина години. „Епа разликата помеѓу претходниот градоначалник и оваа градоначалничка всушност е тоа, да се слушне гласот на народот и проблемите да се стават на лист хартија и истите да се реализираат. Меѓутоа при реализација на проблемите на граѓаните секогаш не треба да ги користиме и личните интереси. Морам, а не можам да не спомнам дека претходниот градоначалник г-динот. Петре Шилегов тоа знаеше толку добро да го изманипулира и да го изведе, па мора да го споменам бул. „Борис Трајковски“ кој имаше време од четири години во својот мандат, проект вреден 3 милиони и 400 евра ако не се лажам, да го нормално да го изгради, меѓутоа тој не успеа“, појасни Шопова. Шопова посочи дека пред локални избори Петре Шилегов раскопа само 200 метри од бул. „Борис Трајковски“, донесе машинерија, се сликаше, и тоа си го искористи во предизборната кампања. „Исто така дека проблемите на граѓаните оваа градоначалничка има слух и ги решава, не можам да не речам е решавање на еден важен проблем со фекална канализација кој што извинете ве молам во 21 век на само 3.8 километри од централното градско подрачје да имате жители кои немаат фекална канализација, тоа се жителите од населба Градинар, во општина Кисела Вода и за кои што за среќа на минатата седница ја изгласавме одлуката за изградба на фекална канализација“, рече Шопова. Шопова укажа дека од Секторот за урбанизам на Град Скопје побарала да и достават во изминатите четири години колку одлуки за меѓуопштинска соработка со Градот Скопје биле донесени, реализирани и колку не биле реализирани. Општина Центар имала 13 вакви одлуки, и Општина Сарај 15, меѓутоа реализирани кај двете општини се по девет вакви одлуки комплетно реализирани, а сите други останати или се нереализирани или делумно реализирани. А, постојат и такви каде што нема никакви податоци. За разлика од овие две општини, Општина Шуто Оризари и Општина Кисела Вода имале по 4 вакви одлуки за меѓуопштинска соработка со Градот Скопје, и комплетно реализирани одлуки за Општина Шуто Оризари се само 2, а за Општина Кисела Вода се три. Гази Баба има 15 донесени одлуки, а реализирани 3. Бутел има донесено 7 одлуки, а реализирани 3. Општина Чаир има 6 донесено одлуки, а реализирани 2. Карпош има 15 донесени одлуки, а 5 реализирани. Општина Аеродром има 6 донесено одлуки, а 4 реализирани. Општина Ѓорче Петров има 6 одлуки, од кои 4 се реализирани. Народот ова го знае и затоа СДСМ се казни на изборите.

Шопова: Одлуката на Филипче за да ги „награди“ матичните лекари за нешто кое што досега најстручно го обавувале, е крајно деградирачко!

Тале Кристо — Wed, 01 Dec 2021 19:51:44 +0000

Ако Филипче како лекар, министер за здравство не знае што работеле и работат матичните лекари, па сега ... дури на лето... ќе ги "наградува" за нешто кои досега најстручно го обавувале, е крајно деградорачко!, коментира на социјалната мрежа на Фејсбук, доктор Жаклина Шопова од Клиниката за инфективни болести. -Значи Владата не ги прифати мерките на Филипче за задолжителна вакцинација на лекарите и вработените во администрација!!! Да појасниме, со вакцинацијата се превенира ковид болест, или се ублажува клиничката слика на ковид болест! Пожелно е да се вакцинираат непрележаните, прележаните после одреден временски период, со оглед дека имаат природно стекнат имунитет кој штити од 6 до 9 месеци па и повеќе, со исклучоци на одредени болести каде стварањето на имунитет по прележан ковид е минимален. Затоа овие пациенти пожелно е да се вакцинираат и порано. Препорачливо е сите пациенти кои имаат хронични болести да се вакцинираат, но и да примат трета (бустер) доза по одреден временски период! Ако вакцинацијата е превентивна мерка, а матичните лекари се всушност примарно здравство како важна карика во здравствениот систем, логично е дека тие и досега, во својата секојдневна работа со своите пациенти, покрај преглед и третман спроведуваат и превенција . Ако Филипче како лекар, министер за здравство не знае што работеле и работат матичните лекари, па сега ... дури на лето... ќе ги "наградува" за нешто кои досега најстручно го обавувале, е крајно деградорачко! Од друга страна да го прашам Филипче, какво мислење ќе имаат пациентите за своите матични лекари, за нивните препораки!? И ова е катастрофална грешка на Филипче, кој очито не си го познава ниту здрав.систем, ниту својот народ!!! И на крај да прашам: Што со граѓанинот кој работи во приватниот сектор? Дали за него ќе одлучува Владата или работодавецот ќе се постави над Владата, поготово за прележаните кои ги поистоветуваат со невакцинираните!!! Кој греши: Владата, Филипче или Комисијата за заразни болести?, прашува преку својата објава Шопова.

Шопова: За Филипче мерки против корона се да им го олесни џебот на граѓаните месечно само за ПЦР тестови по околу 100 евра месечно

Дарко Андоновски — Mon, 22 Nov 2021 14:41:37 +0000

Венко Филипче и по скоро две години корона во Македонија не успеа да направи ама баш ништо, ова денеска преку прес-конференција го истакна Жаклина Шопова од ВМРО-ДПМНЕ. -На негово конто одат речиси 7.500 починати лица кои се нечии сестри, браќа, мајки, татковци, роднини, пријатели. Сега Филипче воведува крајно контрадикторни, несоодветни, или едноставно дискутабилни мерки. Сега Филипче ќе ги дели граѓаните, ќе им го олеснува џебот во период на се повеќе поскапувања. Или да почнеме со ред. Што прави Филипче со неговите наводно нови превентивни мерки? Прво, ги дели вработените во јавниот и приватниот сектор. Второ, да се приложи потврда за прележан КОВИД не постара од 45 дена е нешто што се коси со сите досегашни научни сознанија. Или едноставно кажано прележан КОВИД штити повеќе од 6 до 12 месеци. Трето, ПЦР негативен тест кој ќе важи најмалку 72 часа, а ќе биде направен на сопствен трошок е големо финансиско оптеретување на секој еден граѓанин во овој период кога сите цени драстично се зголемуваат. И сето тоа е поради лошото менаџирање на економијата од оваа власт. Еден тест со речиси најниска цена чини околу 1.500 денари. Или секој граѓанин ќе мора месечно да дава повеќе од 100 евра за тестови, вели Шопова. Таа додава дека четврто, рокот од 10 дена за приложените мерки да стапат на сила откако ќе ги усвои Владата, не се доволни за да можат сите граѓани кои не се вакцинирани да се вакцинираат. Бројот на невакцинираните е голем заради лошо спроведена вакцинална кампања, а притоа потрошени се огромни средства. -На европската листа на починати на милион жители Македонија е на високото трето место. Во меѓувреме, министерот за смрт, стручната фела ја множи со нула, како да не постои, а не пак да се заинтересира да ги праша, слушне и преземе соодветни мерки. Наместо стимулативни мерки, Филипче продолжува со закани, уцени кон граѓаните. Филипче покажа дека е вешт само да ги спроведе личните и интересите на Заев. Затоа крајот брзо ќе му дојде, вели Шопова.

Доктор Шопова: Колку жртви има од твојата неспособност Филипче и неспособноста на целата Влада?

Дарко Андоновски — Wed, 08 Sep 2021 22:12:19 +0000

Докторката Жаклина Шопова преку статус на Фејсбук пишува дека одговор не е потребен за причината за пожарот во тетовската болница, туку уште вечерва да си отидат надлежните од своите функции. -Модуларни болници изградени без спазување на стандарди!!! Како ДСЗИ дозволи да се пуштат во употреба!??? Каде се задолжителните обуки за брза евакуација на пациентите и вработените во здравство!??? Колку жртви има од твојата неспособност Филипче и неспособноста на целата Влада??? ОДГОВОР НЕ Е ПОТРЕБЕН : УШТЕ ВЕЧЕРВА ДА СИ ОДИТЕ !!! Сочувство до сите семејства кои вечерва имаат огромна загуба!, стои во нејзиниот пост на Фејсбук.

Шопова: Убедете го најстручниот Заев да ја свика Владата и да промени барем една од научно неоснованите превентивни мерки!

Катерина Бојаџиева — Sat, 21 Aug 2021 09:33:30 +0000

Да ги прашам матичните колку од пациентите кои прележале КОВИД повторно се разболеле? Да ги прашам епидемиолозите дали стигнала пријава за заразна болест КОВИД кај пациент кој веќе прележал КОВИД, ако стигнале колку пријави има? Да ги прашам одговорните во Мој термин , каде има евиденција за сите болни од КОВИД , дали има и колку има пациенти кои прележале КОВИД и се повторно евидентирани како реинфицирани!?, прашува доктор Жаклина Шопова. -Одговорите Ве молам доставете ги кај Министерот, неговите професoри по медицина, имунолозите, кај членовите на комисијата за заразни болести кои одамна заборавиле што се по професија, и на крај убедете го најстручниот Зоран Заев да ја свика Владата и да промени барем една од научно неоснованите превентивни мерки !!!