заклучување – Kurir.mk

Шпански уставен суд: Заклучувањето за време на пандемијата беше неуставно

Тале Кристо — Wed, 14 Jul 2021 16:34:50 +0000

Шпанскиот Уставен суд пресуди денеска дека минатогодишната владина наредба за „заклучување“ за време на вонредната состојба е неуставна. Денешната пресуда е одговор на тужбата на екстремно десничарската партија Вокс. Судот во кратко соопштение нагласи дека одлуката не е донесена едногласно, а државната телевизија ТВЕ објави дека шест судии гласале „за“, а петмина биле „против“. Во пресудата се вели дека ограничувањето на движењето ги крши основните права на граѓаните и фактот дека одлуката била на сила за време на вонредната состојба не е доволна за да се прогласи за уставна. Поради пандемијата, шпанската влада прогласи вонредна состојба на 14 март 2020 година, забранувајќи им на граѓаните да ги напуштаат своите домови, освен за набавка на потребните намирници.

Црна Гора пред ново „затворање“

Дарко Андоновски — Tue, 16 Mar 2021 09:57:08 +0000

Институтот за јавно здравје ќе предложи целосно заклучување на Црна Гора, поради сложената загрижувачка и алармантна состојба, изјави епидемиологот Марија Божовиќ. Минатата недела министерството за здравство донесе нови епидемиолошки мерки, кои вклучуваат заклучување на 11 градови и општини, а нови се најавени за утре. „Ако земјата беше заклучена, мерките ќе дадеа резултати, но и после тоа, основните мерки ќе мора да се почитуваат затоа што вирусот е тука, а дневните бројки нè предупредуваат на тоа“, рече Божовиќ.

Речник „Колинс“: „Lockdown“ е збор на годината

Ивона Петрова — Tue, 10 Nov 2020 08:41:01 +0000

Владите ширум светот минаа голем дел од 2020 година обидувајќи се да ја спречат пандемијата на коронавирус, па речникот „Колинс“ го претстави зборот „lockdown“ (заклучување, изолација, карантин), како поим на годината. Зборот, што се дефинира како „наметнување строги ограничувања во смисла на движење, социјални односи, патувања и пристап до јавниот простор“, е избран затоа што тоа е „искуство што обединува милијарди луѓе ширум светот“, се вели во известувањето. Шест од топ 10-те зборови во потесниот избор се поврзани со пандемијата. Меѓу нив и „коронавирус“, „самоизолирање“ и „социјална оддалеченост“. Повеќе од 50,2 милиони случаи на нови коронавируси се регистрирани ширум светот досега, а над 1,2 милиони лица починаа, наведува Светската здравствена организација. Уредувачите на речникот „Колинс“ посочуваат дека во оваа 2020 година, зборот на годината е употребен над 250.000 пати, наспроти само 4.000 пати претходната година. Друг збор што се најде на краткиот список се „Тик-токер“, што „Колинс“ го дефинира како „лице кое редовно споделува или се појавува во видеа на Тик-ток“ апликацијата за споделување видео. Зборот „БЛМ“ како кратенка за „Black Lives Matter“ (Животите на црнците се важни), исто така, се најде во списокот. Речникот го дефинира тоа како „движење кое води кампања против расно мотивирано насилство и угнетување“. БЛМ започна како движење на интернет, предизвикано од убиството на тинејџерот Трејвон Мартин кое се случи 2012 година во САД.