ВМРО-ДПМНЕ: Единствен стратешки интерес на владата на СДС и ДУИ е криминалот, а не изградбата на коридорите 8 и 10д

Дарко Андоновски — Fri, 26 May 2023 15:26:42 +0000

Владата на СДС и ДУИ го девалвира собранието и го користи за одобрување на криминалот и корупцијата, ова преку соопштение до јавноста го истакнаа од ВМРО-ДПМНЕ, во врска со гласањето по измените на пакетот закони поврзани со изградбата на коридорите 8 и 10д „Владејачкото мнозинство на СДС и ДУИ денеска со злоупотреба на европското знаменце и гласање на измените на седум закони повторно покажа дека работи на штета на граѓаните. Со гласање на измените на Законот за работни односи, Законот за експропријација, Законот за градење и Законот за урбанистичко планирање, пратениците на владејачкото мнозинство и коалицијата станаа директни учесници во криминалот и корупцијата на владата на СДС и ДУИ. СДС и ДУИ работата само на штета на граѓаните. СДС и ДУИ се крајно безобразно и свесно се впушта во историски криминал“, велат од партијата. Од таму додаваат дека денеска цела јавност виде дека кога станува збор за криминал владата на СДС и ДУИ поддржана од цело владино мнозинство е спремна на се. -Стратешки интерес на владата на СДС и ДУИ е исклучиво криминалот, провизиите, тендерите и милионските бизниси, а не изградба на коридорите 8 и 10д. Многу брзо од денес доаѓа казната од граѓаните, а потоа и одговорност, велат од ВМРО-ДПМНЕ.

ДКСК го оспорува пред Уставен суд Законот за коридорите 8 и 10Д, Владата најавува план „Б“

Ивона Петрова — Mon, 26 Jul 2021 09:32:01 +0000

Државната комисија за спречување на корупцијата (ДКСК) денеска ја достави до Уставниот суд Иницијатива за оценување на уставноста на Законот за утврдување јавен интерес и номинирање стратешки партнер за имплементација на проектот за изградба на инфраструктурниот коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и коридорот 10 Д (делница на автопатот Прилеп – Битола) во Република Северна Македонија, со посебен предлог за издавање времена мерка за стопирање на неговата примена се додека судор не се произнесе, потврдија за МИА од Антикорупциска. За Законот, што веќе е објавен во Службени весник, од ДКСК по извршената антикорупциска проверка, оценија дека е со висок ризик за корупција и судир на интереси и во суштина го суспендира правниот систем во државата, исклучувајќи примена на други закони во целост или делумно. Сметаат дека донесениот закон и примената на одредбите на законот во пракса, ќе значи кршење на начелата врз кои се темели борбата против корупцијата и судирот на интереси. – Нема јавен интерес каде има вакви политички мудрости, сплеткарења. Во функција на јавниот интерес треба отворено, транспарентно да се излезе пред народот и да се каже зошто и како се поставни работите, а не вака од скратена поскратена постапка да се донесува закон во Собрание што е од многу важно значење за целата држава, рече претседателката на ДКСК, Билјана Ивановска. Во образложението на мислењето на ДКСК за овој закон, меѓу другото, стои дека се крши со Устав загарантираната слобода на пазарот и на претприемништвото и обврската на државата да обезбеди еднаква правна положба на сите субјекти на пазарот и во директна спротивност со обврската на државата да презема мерки против монополската положа и однесување на пазарот. Меѓу другото, од Антикоруциска посочуваат дека во законот постојат правни празнини кои оставаат отворен простор за субјективизам, арбитрерност, политичко влијание, тргување со моќ и дискреција при конституирањето на Комитетот за преговори, а на сметка на стручноста, компетентноста и професионализамот. Пратениците овој Закон го донесоа во скратена постапка. Законот што го усвои Собранието, на предлог на група пратеници, е конкретна реализација на Меморандумот што го потпиша Владата со компанијата „Бехтел и Енка“ како стратешки инвеститор за изградба на автопатите Тетово – Гостивар, Струга – Ќафасан, како и Прилеп – Битола. Со него првпат се предвидува изградба преку нов модел без распишување тендер, за којшто власта уверува дека ќе ги даде најбрзите и најоптималните резултати во изградбата на патната мрежа. Со предложеното законско решенија сe уредува проектирањето и изградбата на инфраструктурата на Коридор 8 и проектирањето и изградбата на инфраструктурата на Коридор 10 Д, како поединечни проекти за капитални инвестиции од стратешко национално значење за државата. Претседателот на државата Стево Пендаровски, по изгласувањето на законот во Собранието, го потпиша указот за негово прогласување, и покрај забелешките на Антикорупциската комисија. – Законот е донесен со потребното мнозинство и притоа ниту еден пратеник или пратеничка група не гласале против. Сите институции и поединци кои имаат сомневања во однос на уставноста на Законот, можат да се обратат до Уставниот суд кој е единствена надлежна институција за оценка на уставноста на законите и другите општи акти, соопштија од кабинетот на Пендаровски по потпишувањето на указот. Министерот за транспорт и врски Благоја Бочварски, пак, изјави дека Владата има план „Б“ доколку законот биде оспорен пред Уставен.

Закон за коридори – Kurir.mk

ВМРО-ДПМНЕ: Единствен стратешки интерес на владата на СДС и ДУИ е криминалот, а не изградбата на коридорите 8 и 10д

ДКСК го оспорува пред Уставен суд Законот за коридорите 8 и 10Д, Владата најавува план „Б“