закон за минимална плата – Kurir.mk

ВМРО-ДПМНЕ: СДСМ лаже дека со законот за наставници ќе покачува плати, туку прави брутална партизација на образованието

Магдалена Андонова — Sun, 20 Feb 2022 08:50:12 +0000

Хаосот кој го зафаќа образованието станува непоправлив. Македонското образование е во континуирана стагнација, а причините се неодговорното работење на власта. СДСМ е во обид да протне на мала врата закон за партизација на образовниот кадар во училиштата, стои во соопштението на ВМРО-ДПМНЕ. Од партијата велат дека законот кој СДСМ сака да го изгласа во Собранието не предвидува зголемување на платите на наставниците, туку целосна партизација во образованието. - Ако навистина СДСМ и владејачкото мнозинство се грижеа за платите на образовниот кадар, ќе го прифатеа поднесениот амандман на ВМРО-ДПМНЕ. ВМРО-ДПМНЕ нема да дозволи партизација во образованието. На државата и е потребен професионален, а не партиски образовен кадар. Неквалитетни решенија заради партиски амбиции во образовниот систем нема да има. Власта единствено мисли за лично богатење, а не на поквалитетен и подобар живот на граѓаните, се додава во партиското соопштение.

Стојаноска: СДСМ да се грижеа за просветниот кадар ќе го усвоеја амандманот на Законот за минимална плата

Магдалена Андонова — Sat, 19 Feb 2022 10:43:27 +0000

Насилието на СДСМ и тензиите во Собранието се затоа што Законот за наставници овозможува партизација и нема зголемување на платите на наставниците. Значи, повторувам, Законот за наставници кој е на дневен ред денес на собраниската Комисија за образование е Закон со кој се овозможува партизација на образованието и Закон со кој не се зголемуваат платите на наставниците, изјави денеска за медиумите пратеничката од редовите на ВМРО-ДПМНЕ, Дафина Стојаноска. Таа истакна дека СДСМ е заинтересирана за овој Закон затоа што сака да го донесе, дури и по цена на кршење на Деловникот за работа на Собранието. - Ова е Закон со кој СДСМ предвидува вработување на наставници на неопределено време, без приправнички стаж, со што се укинува еден од механизмите за контрола на квалитет и се овозможува партизација во образованието. Трансформацијата на работниот однос е решена во затворен круг на градоначалникот, директорот кој го именува градоначалникот и кој формира училишна комисија за вработување и комисија за трансформација, која ја формира градоначалникот. Ова е основ за политизација на вработувањата, посочи Стојаноска. Пратеничката додаде дека СДСМ доколку се грижеа за просветниот кадар и за покачување на нивните плати, ќе го усвоеја амандманот на Законот за минимална плата, предложен од ВМРО-ДПМНЕ. - Напротив, тоа е одбиено и се прибегнува кон усвојување на овој штетен Закон. Затоа, ние нема да ги прифатиме измените кои власта на сила ги турка во Собранието, децидна е Стојаноска.

ВМРО-ДПМНЕ: СДСМ да се грижеа за просветниот кадар и за покачување на нивните плати, ќе го усвоеја амандманот на законот за минимална плата што го предложивме

Магдалена Андонова — Sat, 19 Feb 2022 08:59:10 +0000

Нема крај на лицемерието на СДСМ, владејачкото мнозинство го одби амандманот на законот за минимална плата на ВМРО-ДПМНЕ. СДСМ и владејачкото мнозинство искрено да се грижеа за покачувањето на платите на наставниците и професорите, ќе го усвоеја амандманот кој го предложи ВМРО-ДПМНЕ, стои во партиското соопштение на ВМРО-ДПМНЕ. ВМРО-ДПМНЕ преку амандманот побара да се усогласат платите во јавниот сектор со минималната плата и да дојде со коефициентот на сложеност на работните места. Со ова ќе се испочитува и Колективниот договор во образованието, а наставниците и професорите ќе добиеја поголема плата, до 45 илјади денари. - Тензиите кои ги исценира СДСМ во комисијата за образование и наука во Собранието се со цел да се протне на мала врата закон за партизација на образовниот кадар во училиштата, а не како што сакат да прикажат- грижа за наставниците. Законот кој СДСМ сака да го изгласа во Собранието не предвидува зголемување на платите на наставниците, туку целосна партизација во образованието. Лажната грижа на СДСМ за просветните работници и административниот кадар во образованието излезе на виделина. СДСМ и администраторот Ковачевски се против подобрување на стандардот на граѓаните. Тие единствено мислат за нивно лично богатење, а не на поквалитетен и подобар живот на граѓаните, додаваат од партијата.