Стојаноска:СДСМ го кочи носењето на Законот за земјоделска поддршка затоа што немаат пари во буџетот, пратеничката група на ВМРО-ДПМНЕ ќе го поддржи овој закон

Магдалена Андонова — Tue, 31 May 2022 11:41:26 +0000

Пратеничката Дафина Стојаноска на денешната собраниска седница зборуваше за работата на Собранието односно како се свикуваат и закажуваат седници и потенцираше дека продолжува лотаријата во Собранието на Република Македонија односно дека едно коло во вистинската лотарија на Македонија трае повеќе од 10 минути односно повеќе отколку Џафери има испланирано ова активно мнозинство во Парламентот да се посвети на вистинска дебата и соочување со аргументи со опозицијата. -За вчера беа свикани 5 продолженија на 5 пленарни седници, а се отворија само две седници и ниту една од двете отворени точки не се затвори. Инаку во петокот во 17 часот ни стаса порака од Собрание,54 седница на Собранието ќе продолжи на 30 мај во 12 часот, по неа ќе продолжат 64,69, 39 и 71, со нив ќе претседава Горан Мисовски и ова е прв пат по смс порака за тоа кој ќе заседава со закажаните пленарни седници што се надевам и очекувам да стане нова собраниска пракса затоа што Деловникот одамна ниту се применува, ниту се почитува. За денес немавме добиено по смс кој ќе заседава со седниците, но истите се закажани на растојание од по 10 минути што би значело дека нема да има време за ниту еден говор за било која точка затоа што еден говор трае 10 минути, а само исчитувањето на сценариото за започнување на било која седница повеќе од 3 мин. Каква селекција врши претседателот за отварање на точки, а неговиот заменик му ја спроведува, крајно неделовнички и доста дискутабилно. Затоа можам слободно да искоментирам дека продолжува лотаријата во Собранието на Република Македонија, па дури и едно коло во вистинската лотарија на Македонија трае повеќе од 10 минути односно повеќе отколку Џафери има испланирано ова активно мнозинство во Парламентот да се посвети на вистинска дебата и соочување со аргументи со опозицијата. Овде има се само не отворена и овозможена дебата, а најмалку оставен простор за вистинска подготовка, рече Стојаноска. Таа во текот на своето обраќање говореше и за Законот за изменување и дополнување на Законот за земјоделство и рурален развој по скратена постапка каде потенцираше дека пратеничката група на ВМРО-ДПМНЕ ќе го поддржи овој закон, но секако дека има и забелешки. Што се однесува до оваа точка која се однесува за Законот за изменување и дополнување на Законот за земјоделство и рурален развој по скратена постапка поднесен од група пратеници од владечката мнозинство можам да кажам дека и покрај сите дезинформации пратеничката група на ВМРО-ДПМНЕ и Коалицијата Обнова на Македонија дава целосна поддршка на истата. Секако дека имаме одредени забелешки, кои секако треба а и ги истакнуваме со нашите дискусии, кажа пратеничката. Стојаноска истакна дека зад доцнењето на овој закон стои лошиот буџет кој нема капацитет да се изврши тековна исплата на законските предвидените субвенции. Јас сепак сметам дека зад доцнењето на овој закон за земјоделството стои лошиот буџет кој нема капацитет за вршење тековна исплата на законски предвидените субвенции. Како така власта си стигна до ребалансот и останува дали со него ќе бидат предвидени овие средства за земјоделците, а конечно и дали ќе бидат исплатени. На овој сомнеж ме води и фактот што пред 3-4 недели на Комисијата за земјоделство, шумарство и водостопанство немало присутен владин претставник и не се изгласал дневниот ред бидејќи немало доволен број на пратеници од мнозинството. Ова само говори дека мнозинството целно и намерно го кочи ова Собрание во носење на корисни закони особено за земјоделците, а вината невешто ја префрла на опозицијата, додаде таа.

Лефков: Николовски и Ковачевски ги доведоа оризопроизводителите во катастрофална состојба, апелираме да се прифатат предлозите кои ВМРО-ДПМНЕ ги поднесе

Магдалена Андонова — Fri, 06 May 2022 12:02:37 +0000

На оризопроизводителите во Македонија итно им се потребни системски решенија за подобрување на состојбата во која се наоѓаат. За таа цел, а на барање на оризопроизводителите, пратеничката група на ВМРО-ДПМНЕ и Коалицијата „За обнова на Македонија“ денес до Собранието поднесе предлози за изменување и дополнување на два закони. Тоа се Предлог на закон за изменување и дополнување на Закон за земјоделство и рурален развој и Предлог на закон за изменување и дополнување на Закон за стокови резерви, изјави денеска за медиумите пратеникот од редовите на ВМРО-ДПМНЕ, Миле Лефков. Тој истакна дека со измените на Законот за земјоделство и рурален развој предвидуваат оризот да биде стратегиска земјоделска култура. - Со опфатот на оризот како стратегиска земјоделска култура ќе се обезбедат доволни количини за потребите на населението и задоволување на пазарот во состојба на глобална прехрамбена криза. Воедно ќе се овозможи на поедноставен начин да функционира пазарот, со што ќе се олесни откупот на оваа земјоделска култура и ќе се одбегнат ценовните манипулации. Со измените на Законот за стокови резерви кои ги поднесуваме, се предлага оризот да добие третман на производ од посебно значење и да стане дел од производите кои ги сочинуваат стоковните резерви. Со ова, Агенцијата за стокови резерви ќе може да работи со оризот како со другите култури и ќе овозможи пазарните вишоци да бидат откупени од страна на државата. Преку ова ќе имаме зголемен откуп и реални пазарни цени на оризот, појасни Лефков. Пратеникот посочи дека неодговорниот однос на министерот Љупчо Николовски и на Владата на Ковачевски, ги доведоа оризопроизводителите во катастрофалната состојба, поради кое е неопходна брза и решителна акција на Собранието и дека поради тоа очекуваат барањето да се стави како точка на дневен ред на седницата која што ќе се одржи во вторник. - За крај, би сакал уште еднаш да упатам порака до парламентарното мнозинство, предлозите да бидат прифатени согласно Деловникот и да добиеме можност пред целата македонска јавност да дискутираме и аргументирано да дебатираме за оваа проблематика и за клучната потреба од измени на овие закони, додаде Лефков.

закон за земјоделство – Kurir.mk

Стојаноска:СДСМ го кочи носењето на Законот за земјоделска поддршка затоа што немаат пари во буџетот, пратеничката група на ВМРО-ДПМНЕ ќе го поддржи овој закон

Лефков: Николовски и Ковачевски ги доведоа оризопроизводителите во катастрофална состојба, апелираме да се прифатат предлозите кои ВМРО-ДПМНЕ ги поднесе