Законот за ЈО – Kurir.mk

Маневски: Законот за ЈО е најзначаен закон за функционирањето на државата, зошто тогаш толку брзаат да го изгласаат?

Тале Кристо — Tue, 11 Feb 2020 20:30:42 +0000

Во вечерашната емисија "Отворено" на 24 телевизија на тема "Ќе одат ли криминалците таму каде што им е местото" Михајло Маневски истакна дека не треба да се брза со донесувањето на законот за јавно обвинителство, кога се работи за најзначаен закон за правилно функционирање на една држава и кога и европската комисија и еврокомесарот велат дека не е услов за влез во ЕУ. -Законот за јавно обвинителство задира во најзначајните елементи во функционирањето на една држава. Јас сум учествувал во донесувањето на повеќе вакви закони и секогаш тоа одело тешко. Јас кога дојдов на министерското место за правда, првата работа за која што се зафатив беше законот за обвинителство и верувајте година ипол работевме на тој закон. За тој закон се одржаа незнам колку советувања, контакти, експерти, прибавени експертизи и така натаму. Министерството за правда кога го подготви тој закон во една верзија, го достави до Венецијанската комисија, каде што беше оформена една група која го проучи законот, а заедно со законот за ЈО одеше паралелно и законот за советот на јавни обвинители во пакет. Така што Венецијанската комисија го разгледа законот и откако заврши таму расправата, овде во Република Македонија буквално уште неколку месеци го уредувавме законот одредба по одредба заедно со опозицијата. Имавме неколку средби на највисоко ниво и дојдовме до концензус за донесување на ваков закон, рече Маневски.

Милошоски: Со предлог законот за ЈО, Заев сака да им обезбеди сигурни и високи позиции на поранешните обвинители од СЈО, во нив гледа заштитен механизам за сите сторени криминали

Тале Кристо — Tue, 21 Jan 2020 20:10:38 +0000

Една од главните забелешки е што во преодните и завршните одредби на предлог законот за Јавно обвинителство се остава еден простор за условно речено удомување на поранешните обвинители од СЈО, односно нивно привилегирано законско удомување во обвинителството на Вилма Русковка, што не сметаме дека е соодветно бидејќи во државата никој не треба да повластен, особено не оние обвинители кои што беа дел од тимот на Катица Јанева и завршија на еден контраверзен начин, вели пратеникот од ВМРО-ДПМНЕ Антонијо Милошоски во гостување во емисијата Што не е јасно на ТВ Алфа. Милошоски истакна дека законот за јавно обвинителство на СДСМ им е закаснет приоритет, затоа што минатата година министерката за правда Дескоска после небулозното контраверзно писмо на Јанева за примопредавње на предмети кое никој не го видел, Дескоска изјавила дека не е неопходен, па сега одеднаш станал битен закон за власта по изјавата на еврокомесарот. -Мислам дека никој повеќе ниту од домашната ниту од меѓународната заедница не му дава бланко карта на Заев да продолжи на таков начин да обезбедува мнозинство за вакви суштински закони. Според мене проблемот кај СДСМ е тоа што за нив ова е закаснет приоритет. Зошто велам закаснет приоритет, бидејќи не била ниту моја ниту на Китев изјавата дадена минатиот септември 2019 година тука на министерката за правда Дескоска која што после она контраверзно писмо на Јанева за примопредавање на предметите кој што никој не го видовме ниту ние во работните групи, министерката Дескоска изјави дека носењето на законот за јавно обвинителство веќе не е неопходен, за ние сега од пред некој ден да слушнеме од новиот еврокомесар дека сепак го смета за битно, изјави тој. Милошоски смета дека Заев со овој предлог закон за јавно обвинителство сака да им обезбеди сигурни и високи позиции се со цел да биде да бидат негов заштитен механизам доколку се смени власта и доколку се докажат сите сознанија за сторен криминал. -Имаме еден дисонантен тон помеѓу самите владини претставници односно едни се изјавите на вицепремиерот Бујар Османи за потребите на овој закон дали е услов или не е услов, а други се на Заев. Но, според мене она што го гледам од предлог законските одредби кои што ни се дадени е дека пред заминување Заев сака да им обезбеди сигурни и високи позиции на поранешните обвинители од СЈО кои што одработија за него и тој сака во иднина преку тие обвинители, преудицира можеби смена на власта, тие да бидат заштитниот за него механизам за да нема одговорност за она што го имаме како сознанија за сторен криминал, нагласи Милошоски. Тој додаде дека нема да се дозволи во новиот Закон за јавно обвинителство да се стават обвинители кои што ги прекршиле законите за плата за плата на обвинителство, посочувајќи го случајот кога Катица Јанева и многу други обвинители од СЈО земале награда од Владата на СДСМ во висина и од над 100.000 евра. -Нема да се согласиме во никој случај обвинители кои што надвор од законот за јавна обвинителска служба спротивно на законот за обвинителство и на законот за плати за обвинители земале незаконски хонорари и награди во износ од 70,90 или 100 илјади евра, а самите се свесни дека законот не дозволува награда на основната плата повеќе од 35 проценти за било кој обвинител. Сметам дека таквите обвинители на чело со Катица Јанева го прекршувале законот за обвинителска служба не заслужуваат да бидат повластени и да добијат загарантира место во обвинителството на Вилма Рускоска, рече Милошоски. Милошоски нагласи дека дале предлог законот за јавно обвинителство да се даде на Венецијанската комисија како највисок стручен орган во Европа се со цел да даде стручно мислење, посочувајќи дека СДСМ не го прифаќа тоа и има дубиозен однос кон комисијата, односно го прифаќа само она за што им одговора.

Јанева од притвор даде полномошно: ЈО ги чека предметите на СЈО, додека продолжуваат консултациите за законот

Ивана Ефремовски — Fri, 06 Sep 2019 05:42:10 +0000

Јавното обвинителство ги чека предметите од Специјалното јавно обвинителство, додека продолжуваат консултациите меѓу работните групи на власта и опозицијата за Законот за ЈО, со кој треба да се реши и судбината на СЈО. Јавното обвинителство се уште го разгледува прашањето дали да ги прифати предметите на Специјалното јавно обвинителство, информираат од ЈОРМ. Специјалната јавна обвинителка Катица Јанева, која е во притвор во КПУ Затвор Скопје-Скопје како осомничена за случајот „Рекет“, во средата даде полномошно сите предмети на СЈО да бидат предадени на Јавното обвинителство. Со полномошното Јанева ги овластува обвинителите во ова Јавно обвинителство да ги предадат на Јавното обвинителство на РСМ предметите кои се водат во ова Јавно обвинителство и тоа: кривичните предмети во судење, во истрага и во предистрага. Премиерот Зоран Заев вчера кажа дека предавањето на предметите од СЈО во ЈО е логична постапка. Оцени дека решението е да се постигне договор, според кој предметите треба да поминат во Јавното обвинителство и најави можна средба на работните групи. –Очекувам исчекор, утре би требало да се сретнат работните групи, ако двете страни се подготвени после консултациите, за да се продолжи во изнаоѓање решение кое би требало да биде до крајот на неделата, истакна премиерот Заев. Додаде дека очекува во почетокот на наредната недела да има договор за предметите од СЈО со оглед што истекува законскиот рок за неговото функционирање. Во Министерството за правда вчера се одржаа констултации за законот за јавно обвинителство со работната група. Министерката за правда Рената Дескоска на својот Фејсбук профил објави фотографии, на кои се гледа дека на состанокот меѓу другите присуствувале државниот јавен обвинител Љубомир Јовески, обвинителката од СЈО Ленче Ристовска, академик Владо Камбовски и професори од Правниот факултет. Главните разлики меѓу работните групи на власта и опозицијата за Законот за јавното обвинителство остануваат околу статусот на обвинителите од СЈО и нивните предмети кои не се во судска постапка. Поради скратените рокови Законот за ЈО се очекува да биде донесен најдоцна до 15-ти септември. За да биде усвоен потребно е двотретинско мнозинство од пратениците, а неговото носење е клучно и за евроинтеграциите на земјава. (МИА)