Жалгирис – Kurir.mk

Жалгирис го продолжи договорот со капитенот Улановас

Бошко Тасиќ — Fri, 07 Jul 2023 04:55:18 +0000

Капитенот на кошаркарскиот великан Жалгирис, Едгарас Улановас го продолжи договорот со литванскиот кошаркарски клуб до 2027 година. 31-годишниот Улановас минатата сезона одигра 37 натпревари за Жалгирис во Евролигата, со просек од 10,2 поени и 3,2 скока и 2,5 асистенции по натпревар. За Жалгирис играше од 2010 до 2020 година, а потоа една сезона мина во Фенербахче. Улановас потоа се врати во клубот од Каунас и освои вкупно седум шампионски титули во Литванија и шест трофеи од националниот Куп. Во 2018 година со Жалгирис го освои третото место на „фајнал-фор“ турнирот на Евролигата во Белград. Во Евролигата одигра 272 натпревари и постигна 2.013 поени со 926 скока.

Олимпијакос славеше против Фенер, Барселона без проблеми против Жалгирис

Бошко Тасиќ — Wed, 26 Apr 2023 20:47:38 +0000

Најдобриот тим во регуларниот дел од Евролигата, грчки Олимпијакос ја започна четвртфиналната серија на домашен терен против Фенербахче. Клучна за победата на тимот од Атина вечерва беше третата четвртина каде ја направи клучната предност и дојдоа до 79-68. Најефикасен играч на Олимпијакос и воедно на мечот беше Александар Везенков со 19 поени, додека кај турскиот претставник најефикасни беа Мотли 15 и Пјер 13 поени. Шпанскиот гигант Барселона исто така со победа на домашен паркет ја започна четвртфиналната фаза од кошаркарската Евролига. Каталонскиот гигант во првиот меч против литванскиот Жалгирис слваеше со резултат 91-69.

Кинан Еванс доби литвански пасош

Бошко Тасиќ — Tue, 04 Apr 2023 04:55:17 +0000

Кошаркарот на Жалгирис, Американецот Кинан Еванс во иднина ќе го носи дресот на литванската кошаркарска репрезентација. За да ги реши документите, Еванс на кратко го напушти Каунас и отпатува во САД, по што беше решен и процесот во Литванскиот кошаркарски сојуз. Како натурализиран Литванец, Еванс сега ќе биде дел од националниот кошаркарски тим на земјата. Кинан Еванс пристигна во Жалгирис минатото лето.

Драгиќ ќе заигра во Евролигата

Бошко Тасиќ — Sun, 31 Oct 2021 06:30:08 +0000

Помладиот од браќата Драгиќ, Зоран конечно пронајде ангажман во оваа сезона и официјално ќе го носи дресот на тимот на Жалгирс. Зоран минатата кампања ја заврши во Басконија по што беше во потрага по нов предизвик кој дефинитивно го пронајде и тоа во Литванија. Тој во новата средина доаѓа на барање на неговиот сонародник Јуре Здовц кој од неодамна е предводник на составот на клубот од Каунас. Драгиќ во досегашната кариера освен во горесполените клубови има настапувано уште за Илирија, Јанче, Слован, Крка, Малага, Химки, Милано, Анадолу Ефес, Триесте и Улм.

МНОГУ ПОВЕЌЕ ОД ИГРА: Жалгирис се пласираше на Ф-4 во Евролига, легендарниот Јасикевичиус не можеше да ги сопре солзите (ВИДЕО)

Матеја Петровски — Thu, 26 Apr 2018 21:41:47 +0000

После долги години литвански Жалгирис успеа да се пласира на Ф-4 од Евролигата, овој момент беше емотивен за сите фанови, но посебно емотивен за една од најголемите легенди на европската кошарка. Жалгирис со 101:91 победи денеска против Олимпијакос и со конечни 2:1 успеа да се врати во кремот на европската кошарка. Шарунас Јасикевичиус, еден од најлегендарните кошаркари во историјата, а денес тренер на Жалгирис, овој момент го виде доста емотивно и не можеше да ги сопре солзите. Погледнете го ова видео, кое уште еднаш докажува дека спортот е многу повеќе само од игра.

Се запали авион полн со кошаркари- пилотот им го спасил животот, а тие не забележале ништо

Катерина Бојаџиева — Wed, 18 Apr 2018 17:43:16 +0000

Авионот со играчите и стручниот штаб поради дефект на едно од тркалата при слетувањето го зафатил пожар, но со една прибрана реакција на пилотот избегнати се поголеми последици. Интересно е дека играчите на Жалгирис не забележале ништо чудно, а за инцидентот дознале дури откако го напуштиле леталото. -Кога ги земавме коферите ни кажаа што се случувало. Летот беше нормален, се беше вообичаено. Сепак не ни беше сеедно кога слушнавме дека сме биле во опасност, рече тренерот на Жалгирис, Шарунас Јасикевичиус. Инаку Жалгирис има сопствен авион на користење. Првиот од двата меча во оваа четвртфинална серија е вечерва од 20.15 часот.